ತಕ್ಷಣ ಅಮೆರಿಕಕ್ಕೆ ಹಿಂತಿರುಗಿ ಇಲ್ಲದಿದ್ದರೆ ಸಿಕ್ಕಿಹಾಕಿಕೊಳ್ಳುತ್ತೀರಿ: H-1B ವೀಸಾ ನೌಕರರಿಗೆ ವಲಸೆ ಅಟರ್ನಿ, ಕಂಪೆನಿಗಳ ಎಚ್ಚರಿಕೆ ಸೂಚನೆ!

ನ್ಯೂಯಾರ್ಕ್/ವಾಷಿಂಗ್ಟನ್: ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಆಡಳಿತ ಕೆಲಸದ ವೀಸಾಗಳ ಮೇಲೆ 1,00,000 ಯುಎಸ್ ಡಾಲರ್ ಶುಲ್ಕ ವಿಧಿಸುವ ಹೊಸ ಯೋಜನೆಗೆ ಸಹಿ ಹಾಕಿರುವ ಮಧ್ಯೆ, ವಲಸೆ ಅಟೊರ್ನಿಗಳು ಮತ್ತು ಕಂಪನಿಗಳು ಎಚ್-1ಬಿ ವೀಸಾ ಹೊಂದಿರುವವರು ಅಮೆರಿಕದಿಂದ ಹೊರಹೋಗದಂತೆ ಎಚ್ಚರಿಕೆ ನೀಡುತ್ತಿವೆ, ಉದ್ಯೋಗಿಗಳು ತಕ್ಷಣ ಅಮೆರಿಕಕ್ಕೆ ಮರಳಬೇಕೆಂದು ಇಲ್ಲದಿದ್ದರೆ ಅಮೆರಿಕಕ್ಕೆ ಹಿಂತಿರುಗಲು ಸಾಧ್ಯವಾಗದಿರಬಹುದು ಎಂದು ಎಚ್ಚರಿಕೆ ನೀಡಿದ್ದಾರೆ.

ಅಮೆರಿಕದಲ್ಲಿ ಎಚ್-1ಬಿ ವೀಸಾ ಅಡಿಯಲ್ಲಿ ಕೆಲಸ ಮಾಡುವ ಭಾರತೀಯ ವೃತ್ತಿಪರರ ಮೇಲೆ ಪರಿಣಾಮ ಬೀರುವ ಮಹತ್ವದ ಬೆಳವಣಿಗೆಯೊಂದರಲ್ಲಿ ಡೊನಾಲ್ಡ್ ಟ್ರಂಪ್ ನಿನ್ನೆ ಘೋಷಣೆಗೆ ಸಹಿ ಹಾಕಿದರು, ಇದು "ವಿಶೇಷ ಉದ್ಯೋಗ"ದಡಿಯಲ್ಲಿ ಕೆಲಸ ಮಾಡುವ ವಲಸೆರಹಿತರು ತಮ್ಮ ಎಚ್-1ಬಿ ಅರ್ಜಿಗಳೊಂದಿಗೆ ಅಥವಾ ಹೆಚ್ಚುವರಿಯಾಗಿ 1,00,000 ಯುಎಸ್ ಡಾಲರ್ ಹಣ ಪಾವತಿ ಮಾಡದ ಹೊರತು ಅಮೆರಿಕಕ್ಕೆ ಪ್ರವೇಶವನ್ನು ನಿರ್ಬಂಧಿಸುತ್ತದೆ.

ಈ ಘೋಷಣೆ ನಾಳೆ ಸೆಪ್ಟೆಂಬರ್ 21, 2025 ರ ಮಧ್ಯರಾತ್ರಿ 12:01 ರಿಂದ ಜಾರಿಗೆ ಬರಲಿದೆ. ಇಮ್ಮಿಗ್ರೇಷನ್ ಅಟೊರ್ನಿಗಳು ಮತ್ತು ಕಂಪನಿಗಳು H-1B ವೀಸಾ ಹೊಂದಿರುವವರು ಅಥವಾ ಅವರ ಕುಟುಂಬ ಸದಸ್ಯರಿಗೆ ಕೆಲಸ ಅಥವಾ ರಜೆ ಮೇಲೆ ಪ್ರಸ್ತುತ ಅಮೆರಿಕಾದ ಹೊರಗೆ ಇರುವವರಿಗೆ ಎಚ್ಚರಿಕೆ ನೀಡುತ್ತಿದ್ದಾರೆ, ಸೆಪ್ಟೆಂಬರ್ 21 ರಂದು ಘೋಷಣೆ ಪ್ರಾರಂಭವಾಗುವ ಮೊದಲು ಅಮೆರಿಕಾಕ್ಕೆ ಹಿಂತಿರುಗುವಂತೆ ಸೂಚಿಸಿದ್ದಾರೆ.

ದೇಶದ ಹೊರಗಿನವರು ಮುಂದಿನ 24 ಗಂಟೆಗಳ ಒಳಗೆ ಹಿಂತಿರುಗುವಂತೆ ಇಲ್ಲದಿದ್ದರೆ ಅಮೆರಿಕಾದೊಳಗೆ ಪ್ರವೇಶ ನಿರಾಕರಿಸಲ್ಪಡುವ ಅಪಾಯವನ್ನು ಎದುರಿಸಬೇಕಾಗುತ್ತದೆ ಎಂದು ಎಚ್ಚರಿಕೆ ನೀಡಿದ್ದಾರೆ.

ವೈಯಕ್ತಿಕ ಕೆಲಸಗಳು, ವ್ಯಾಪಾರ ಅಥವಾ ರಜೆಯ ಮೇಲೆ ಅಮೆರಿಕಾದಿಂದ ಹೊರಗಿರುವ H-1B ವೀಸಾ ಹೊಂದಿರುವವರು ಸೆಪ್ಟೆಂಬರ್ 21 ರ ಮಧ್ಯರಾತ್ರಿಯ ಮೊದಲು ಅಮೆರಿಕಾಕ್ಕೆ ಬಾರದಿದ್ದರೆ ಸಿಕ್ಕಿಹಾಕಿಕೊಳ್ಳುತ್ತಾರೆ. ಭಾರತದಿಂದ ನೇರ ವಿಮಾನವು ಸಕಾಲಕ್ಕೆ ತಲುಪಲು ಯಾವುದೇ ಮಾರ್ಗವಿಲ್ಲದ ಕಾರಣ ಭಾರತದಲ್ಲಿ ಇನ್ನೂ H-1B ವೀಸಾ ಹೊಂದಿರುವವರು ಸಂಕಷ್ಟದಲ್ಲಿ ಸಿಲುಕಿರಬಹುದು" ಎಂದು ನ್ಯೂಯಾರ್ಕ್ ಮೂಲದ ಖ್ಯಾತ ವಲಸೆ ವಕೀಲ ಸೈರಸ್ ಮೆಹ್ತಾ ಎಕ್ಸ್ ಪೋಸ್ಟ್ ನಲ್ಲಿ ತಿಳಿಸಿದ್ದಾರೆ.

ಭಾರತದಲ್ಲಿರುವ H-1B ವೀಸಾ ಹೊಂದಿರುವವರು ಸೆಪ್ಟೆಂಬರ್ 21, 2025 ರ ಮಧ್ಯರಾತ್ರಿಯ ಮೊದಲು ಕ್ಯಾಲಿಫೋರ್ನಿಯಾಗೆ ತಲುಪಲು ಇನ್ನೂ ಒಂದು ಮಾರ್ಗವಿರಬಹುದು ಎಂದು ಮೆಹ್ತಾ ಹೇಳಿದ್ದಾರೆ.

ಸಾಮಾಜಿಕ ಮಾಧ್ಯಮದ ಬಳಕೆದಾರರು ಮೈಕ್ರೋಸಾಫ್ಟ್‌ನ ಆಂತರಿಕ ಇಮೇಲ್‌ನ ಆಯ್ದ ಭಾಗಗಳನ್ನು ಪೋಸ್ಟ್ ಮಾಡಿದ್ದಾರೆ, ಅದು H1B ವೀಸಾ ಹೊಂದಿರುವ ತನ್ನ ಉದ್ಯೋಗಿಗಳು ಮತ್ತು ಅವರ ಅವಲಂಬಿತರು US ಹೊರಗೆ ಪ್ರಯಾಣಿಸುವುದನ್ನು ತಪ್ಪಿಸಿ ಸೆಪ್ಟೆಂಬರ್ 21 ರ ಗಡುವಿನ ಮೊದಲು ತಕ್ಷಣ ಹಿಂತಿರುಗುವಂತೆ ಕೇಳಿಕೊಂಡಿದೆ. ತಂತ್ರಜ್ಞಾನ ದೈತ್ಯ ಕಂಪನಿಯು ತನ್ನ ಉದ್ಯೋಗಿಗಳಿಗೆ ಅಮೆರಿಕದಲ್ಲಿಯೇ ಇರುವಂತೆ ಹೇಳಿದೆ.