ಇಸ್ರೇಲ್ ಗಡಿಯಲ್ಲಿ ಉದ್ವಿಗ್ನತೆ, ಲೆಬನಾನ್‌ನಲ್ಲಿ 19,000 ಕ್ಕೂ ಹೆಚ್ಚು ಜನರ ಸ್ಥಳಾಂತರ: ಯುಎನ್ ಏಜೆನ್ಸಿ

ಬೈರೂಟ್: ಇಸ್ರೇಲ್ ಮತ್ತು ಹಿಜ್ಬುಲ್ಲಾ ನಡುವಿನ ಉದ್ವಿಗ್ನತೆಯ ನಡುವೆ ಲೆಬನಾನ್‌ನಲ್ಲಿ 19,000 ಕ್ಕೂ ಹೆಚ್ಚು ಜನರು ಸ್ಥಳಾಂತರಗೊಂಡಿದ್ದಾರೆ ಎಂದು ವಿಶ್ವಸಂಸ್ಥೆಯ ಏಜೆನ್ಸಿಯೊಂದು ಸೋಮವಾರ ಬಿಡುಗಡೆ ಮಾಡಿದ ಅಂಕಿ ಅಂಶಗಳು ತೋರಿಸಿವೆ. ಗಡಿಯಾಚೆಗಿನ ಘಟನೆಗಳ ಹೆಚ್ಚಳವು ಲೆಬನಾನ್‌ನಲ್ಲಿ 19,646 ಜನರ ಸ್ಥಳಾಂತರಕ್ಕೆ ಕಾರಣವಾಗಿದೆ. ದಕ್ಷಿಣ ಮತ್ತು ದೇಶದೊಳಗೆ ಇತರ ಕಡೆಗಳಲ್ಲಿ ವಲಸೆಗಾಗಿ ಸ್ಥಳಾಂತರಗೊಂಡಿದ್ದಾರೆ ಎಂದು  ಅಂತರರಾಷ್ಟ್ರೀಯ ಸಂಸ್ಥೆ ಹೇಳಿದೆ.

ಗಡಿಯಾಚೆಗಿನ ಉದ್ವಿಗ್ನತೆ ಮುಂದುವರಿದಂತೆ ಈ ಸಂಖ್ಯೆಗಳು ಹೆಚ್ಚಾಗಬಹುದು ಅಥವಾ ಹಿಂಸಾಚಾರ ಉಲ್ಬಣಗೊಳ್ಳಬಹುದೆಂದು ನಿರೀಕ್ಷೆಸುತ್ತೇವೆ ಎಂದು ಐಒಎಂ ವಕ್ತಾರ ಮೊಹಮ್ಮದಲಿ ಅಬುನಾಜೆಲಾ ಎಎಫ್ ಪಿ ಸುದ್ದಿಸಂಸ್ಥೆಗೆ ತಿಳಿಸಿದ್ದಾರೆ. ಹಮಾಸ್ ಉಗ್ರಗಾಮಿಗಳು ಅಕ್ಟೋಬರ್ 7 ರಂದು ಗಾಜಾ ಪಟ್ಟಿಯಿಂದ ಇಸ್ರೇಲ್‌ಗೆ ನುಗ್ಗಿದ ನಂತರ ಉಂಟಾದ ಯುದ್ಧದಲ್ಲಿ ಕನಿಷ್ಠ 1,400 ನಾಗರಿಕರು ಸಾವನ್ನಪ್ಪಿದ್ದಾರೆ ಎಂದು ಇಸ್ರೇಲಿ ಅಧಿಕಾರಿಗಳು ತಿಳಿಸಿದ್ದಾರೆ. 

ಇದನ್ನೂ ಓದಿ: ಗಾಜಾಗೆ ಮಾನವೀಯ ಆಧಾರದಲ್ಲಿ ತಲುಪಿತು ಅತ್ಯಗತ್ಯ ವಸ್ತುಗಳ ಸರಕು

ಹಮಾಸ್ ನ ಆರೋಗ್ಯ ಸಚಿವಾಲಯದ ಪ್ರಕಾರ ಇಸ್ರೇಲ್‌ನ ಪ್ರತೀಕಾರದ ಬಾಂಬ್ ದಾಳಿಯಲ್ಲಿ 5,000 ಕ್ಕೂ ಹೆಚ್ಚು ಪ್ಯಾಲೆಸ್ಟೀನಿಯನ್ನರನ್ನು ಹತ್ಯೆ ಮಾಡಲಾಗಿದೆ. ಇರಾನ್-ಬೆಂಬಲಿತ ಶಿಯಾ ಮುಸ್ಲಿಂ ಗುಂಪು ಹೆಜ್ಬೊಲ್ಲಾಹ್ ಇಸ್ರೇಲ್ ಮೇಲೆ ದಾಳಿಗಳನ್ನು ಹೆಚ್ಚಿಸಿದ್ದು, ಮಿತ್ರ ಹಮಾಸ್‌ಗೆ ಬೆಂಬಲವಾಗಿ ಲೆಬನಾನ್‌ನಿಂದ ದಾಳಿ ನಡೆಸಲು ಗುಂಪು ಉದ್ದೇಶಿಸಿದೆ ಎಂಬುದು ಆತಂಕವನ್ನು ಹೆಚ್ಚಿಸಿದೆ.

ಇಸ್ರೇಲ್ ಲೆಬನಾನ್ ಮೇಲೆ ಗಡಿಯಾಚೆಗಿನ ದಾಳಿಗಳು ಮತ್ತು ಬಾಂಬ್ ದಾಳಿಗಳನ್ನು ನಡೆಸಿದೆ, ಆದರೆ ಪ್ಯಾಲೇಸ್ಟಿನಿಯನ್ ಗುಂಪುಗಳು ಇಸ್ರೇಲ್‌ಗೆ  ಒಳನುಸುಳುವಿಕೆ ಪ್ರಯತ್ನಗಳನ್ನು ಪ್ರಾರಂಭಿಸಿವೆ.