ಜೂಮ್ ಕಾಲ್ ನಲ್ಲೇ 900 ಕ್ಕೂ ಹೆಚ್ಚು ನೌಕರರನ್ನು ವಜಾಗೊಳಿಸಿದ ಭಾರತೀಯ ಮೂಲದ ಸಿಇಒ! 

ನ್ಯೂಯಾರ್ಕ್: ಅಮೆರಿಕ ಮೂಲದ ಸಂಸ್ಥೆಯಲ್ಲಿ ಭಾರತೀಯ ಮೂಲದ ಸಿಇಒ 900 ನೌಕರರನ್ನು (ಶೇ.9 ರಷ್ಟು ಕಾರ್ಮಿಕ ಶಕ್ತಿ) ಜೂಮ್ ಕಾಲ್ ನಲ್ಲಿ ಏಕಾಏಕಿ ವಜಾಗೊಳಿಸಿದ್ದಾರೆ. 

ಮಾರುಕಟ್ಟೆ ಕಾರ್ಯಕ್ಷಮತೆ, ಕಾರ್ಯಕ್ಷಮತೆ ಮತ್ತು ಉತ್ಪಾದಕತೆಯ ಕಾರಣ ನೀಡಿ ಏಕಾಏಕಿ 900 ನೌಕರರನ್ನು ಕೆಲಸದಿಂದ ತೆಗೆದುಹಾಕಲಾಗಿದೆ. 

ಬೆಟರ್.ಕಾಮ್ ನ ಸಿಇಒ ವಿಶಾಲ್ ಗರ್ಗ್ ಈ ಕ್ರಮ ಕೈಗೊಂಡಿದ್ದು, ನೀವು ಈ ಕರೆಯಲ್ಲಿದ್ದರೆ, ಕೆಲಸದಿಂದ ವಜಾಗೊಳ್ಳುವ ದುರದೃಷ್ಟಕರ ಗುಂಪಿನಲ್ಲಿದ್ದೀರಿ ಎಂದು ಜೂಮ್ ಸಭೆಯಲ್ಲಿ ಗರ್ಗ್ ತಿಳಿಸಿದ್ದಾರೆ.

ವರ್ಷದ ಈ ಅವಧಿಯಲ್ಲಿ ಉದ್ಯೋಗಕ್ಕೆ ಕತ್ತರಿ ಹಾಕುತ್ತಿರುವುದು ಕರುಳು ಹಿಂಡುತ್ತಿದೆ ಆದರೂ ಬ್ಯಾಲೆನ್ಸ್ ಶೀಟ್ ಹಾಗೂ ಮಾರುಕಟ್ಟೆಯ ಸ್ಥಿತಿಗಳಿಂದಾಗಿ ಈ ಕ್ರಮ ಕೈಗೊಳ್ಳಲೇಬೇಕಾಗಿದೆ ಎಂದು ಸಿಎಫ್ಒ ಕೆವಿನ್ ರ್ಯಾನ್ ತಿಳಿಸಿದ್ದಾರೆ.