ಸೌದಿ ತೈಲ ಘಟಕದ ದಾಳಿ ಹಿಂದೆ ಇರಾನ್ ಕೈವಾಡವಿದೆ; ಅಮೆರಿಕ

ವಾಷಿಂಗ್ ಟನ್: ಸೌದಿ ಅರೆಬಿಯಾದ ತೈಲ ಘಟಕಗಳ ಮೇಲೆ ನಡೆದಿರುವ ದಾಳಿಯ ಹಿಂದೆ ಇರಾನ್ ಕೈವಾಡವಿದೆ ಎಂದು ಅಮೆರಿಕ ಗಂಭೀರ ಆರೋಪ ಮಾಡಿದೆ. ಉಪಗ್ರಹದ ಚಿತ್ರಗಳು ಹಾಗೂ ಬೇಹುಗಾರಿಕಾ ಇಲಾಖೆಯ ವರದಿಯನ್ನು ಆಧರಿಸಿ ಅಮೆರಿಕ ಈ ಆರೋಪ ಮಾಡಿದೆ. 

ಆದರೆ, ಇರಾನ್ ಈ ದಾಳಿಯ ಆರೋಪವನ್ನು ನಿರಾಕರಿಸಿದೆ. ಆದರೆ, ಅಮೆರಿಕದ ಅಧಿಕಾರಿಯೋರ್ವರು ಅಂತಾರಾಷ್ಟ್ರೀಯ ಮಾಧ್ಯಮದೊಂದಿಗೆ ಮಾತನಾಡಿದ್ದು, ದಾಳಿಯ ದಿಕ್ಕು ಹಾಗೂ ವಿಸ್ತಾರವನ್ನು ಗಮನಿಸಿದರೆ ಅದು ಇರಾನ್ ಮೂಲದ ಹೌತಿ ಬಂಡಾಯಗಾರರತ್ತ ಬೊಟ್ಟು ಮಾಡಿ ತೋರಿಸುತ್ತದೆ ಎಂಬ ಹೇಳಿಕೆ ನೀಡಿದ್ದಾರೆ.