ಪಾಕ್ ಹಿಂದೂ ವಿದ್ಯಾರ್ಥಿನಿ ಕೊಲೆಗೂ ಮುನ್ನ ಆಕೆ ಮೇಲೆ ಅತ್ಯಾಚಾರ: ಮರಣೋತ್ತರ ವರದಿ

ಇಸ್ಲಾಮಾಬಾದ್: ಕಳೆದ ಸೆಪ್ಟಂಬರ್ 16ರಂದು ತನ್ನ ಹಾಸ್ಟೆಲ್ ಕೊಠಡಿಯಲ್ಲಿ ನಿಗೂಢ ರೀತಿಯಲ್ಲಿ ಸಾವನ್ನಪ್ಪಿದ್ದ ಪಾಕಿಸ್ತಾನ ಹಿಂದೂ ವೈದ್ಯಕೀಯ ವಿದ್ಯಾರ್ಥಿನಿ ಮೃತ ದೇಹದ ಅಂತಿಮ ಮರಣೋತ್ತರ ಪರೀಕ್ಷಾ ವರದಿಯಲ್ಲಿ, ಆಕೆಯ ಮೇಲೆ ಅತ್ಯಾಚಾರ ನಡೆಸಿ ನಂತರ ಕೊಲೆ ಮಾಡಿರುವ ಅಂಶ ಪತ್ತೆಯಾಗಿದೆ.

ದಂತ ವೈದ್ಯಕೀಯ ಕಾಲೇಜು( ಬಿಎಡಿಸಿ)ನಲ್ಲಿ ಅಂತಿಮ ವರ್ಷದ ದಂತ ವೈದ್ಯಕೀಯ ಪದವಿ ವ್ಯಾಸಂಗ ಮಾಡುತ್ತಿದ್ದ ಬೀಬಿ ಅಸೀಫಾ ಅವರ ಮೃತ ದೇಹ ಸೆಪ್ಟಂಬರ್ 16 ರಂದು ಲರ್ಕಾನ ದಲ್ಲಿರುವ ಆಕೆಯ ಹಾಸ್ಟೆಲ್ ಕೊಠಡಿಯಲ್ಲಿ ಪತ್ತೆಯಾಗಿತ್ತು.

ಘಟನೆ ನಡೆದ 50 ದಿನಗಳ ನಂತರ ಲರ್ಕಾನದ ಚಾಂದ್ ವೈದ್ಯಕೀಯ ಕಾಲೇಜು ಆಸ್ಪತ್ರೆ ಮರಣೋತ್ತರ ವರದಿ ಬಿಡುಗಡೆಮಾಡಿದ್ದು, ಮೃತ ವಿದ್ಯಾರ್ಥಿನಿಯ ದೇಹದಲ್ಲಿ ಪುರುಷನ ವೀರ್ಯ ಕಂಡು ಬಂದಿದ್ದು, ಅತ್ಯಾಚಾರ ನಡೆದಿರುವುದನ್ನು ಸೂಚಿಸುತ್ತದೆ ಎಂದು ವೈದ್ಯಕೀಯ ಕಾನೂನು ಅಧಿಕಾರಿ ಡಾ. ಅಮೃತ ಬುಧವಾರ ಹೇಳಿದ್ದಾರೆ.