ಬ್ರಿಟನ್ ಜನತೆಗೆ ವಲಸಿಗರ ಪೈಕಿ ಭಾರತೀಯರೇ ಅಚ್ಚುಮೆಚ್ಚು!
ಬ್ರಿಟನ್ ನಲ್ಲಿರುವ ಪ್ರಜೆಗಳು ವಲಸಿಗರ ಪೈಕಿ ಭಾರತೀಯರ ಬಗ್ಗೆಯೇ ಹೆಚ್ಚು ಒಲವು ಹೊಂದಿದ್ದಾರೆ ಎಂದು ಸಮೀಕ್ಷೆಯೊಂದು ಹೇಳಿದೆ.
Published On :
ಲಂಡನ್: ಬ್ರಿಟನ್ ನಲ್ಲಿರುವ ಪ್ರಜೆಗಳು ವಲಸಿಗರ ಪೈಕಿ ಭಾರತೀಯರ ಬಗ್ಗೆಯೇ ಹೆಚ್ಚು ಒಲವು ಹೊಂದಿದ್ದಾರೆ ಎಂದು ಸಮೀಕ್ಷೆಯೊಂದು ಹೇಳಿದೆ.
ಯುಗೋವ್ ಪೋಲ್(YouGov poll) ಇತ್ತೀಚೆಗಷ್ಟೇ ನಡೆಸಿದ ಸಮೀಕ್ಷೆಯ ಪ್ರಕಾರ, ಬ್ರಿಟನ್ ಪ್ರಜೆಗಳಿಗೆ ಭಾರತೀಯರೇ ಅತ್ಯಂತ ನೆಚ್ಚಿನ ವಲಸಿಗರಾಗಿದ್ದಾರೆ ಎಂದು ತಿಳಿದುಬಂದಿದೆ. ದಕ್ಷಿಣ ಏಷ್ಯಾ ಸಮುದಾಯಗಳ ಪೈಕಿ ಪಾಕಿಸ್ತಾನಿಯರು, ಬಾಂಗ್ಲಾದೇಶದವರಿಗಿಂತ ಭಾರತೀಯರ ಬಗ್ಗೆಯೇ ಬ್ರಿಟನ್ ಪ್ರಜೆಗಳಿಗೆ ಹೆಚ್ಚಿನ ಒಲವಿದೆ ಎಂಬುದು ಸಮೀಕ್ಷೆ ಮೂಲಕ ದೃಢಪಟ್ಟಿದೆ.
ಏಪ್ರಿಲ್ ನಲ್ಲಿ ನಡೆಸಿದ ಈ ಸಮೀಕ್ಷೆಯಲ್ಲಿ ಕನಿಷ್ಠ 1,668 ಬ್ರಿಟನ್ ಪ್ರಜೆಗಳಿಂದ ಅಭಿಪ್ರಾಯ ಸಂಗ್ರಹಣೆ ಮಾಡಲಾಗಿದ್ದು, ವಲಸಿಗರು ಬ್ರಿಟನ್ ಗೆ ನೀಡಿರುವ ಕೊಡುಗೆಗಳ ಬಗ್ಗೆ ಹಾಗೂ ಅದರಿಂದ ಬ್ರಿಟನ್ ದೇಶದ ಮೇಲೆ ಉಂಟಾಗಿರುವ ಪರಿಣಾಮಗಳ ಬಗ್ಗೆ ಪ್ರಶ್ನೆಗಳನ್ನು ಕೇಳಲಾಗಿದೆ.
ಬ್ರಿಟನ್ ಗೆ ಸಕಾರಾತ್ಮಕ ರೀತಿಯಲ್ಲಿ ಕೊಡುಗೆ ನೀಡಿರುವ ವಲಸಿಗರ ಪೈಕಿ ಭಾರತೀಯರೇ ಮುಂಚೂಣಿಯಲ್ಲಿದ್ದು, ಈ ಕಾರಣಕ್ಕಾಗಿ ಬ್ರಿಟನ್ ನ ಜನತೆ ಭಾರತೀಯರ ಬಗ್ಗೆ ಅತಿ ಹೆಚ್ಚು ಒಲವು ಹೊಂದಿದ್ದಾರೆ. ಪಾಕಿಸ್ತಾನ ಹಾಗೂ ಬಾಂಗ್ಲಾದೇಶಕ್ಕೆ ಬ್ರಿಟನ್ ಜನತೆ ಋಣಾತ್ಮಕ ಅಂಕಗಳನ್ನು ನೀಡಿದ್ದಾರೆ. ಬ್ರಿಟನ್ ನಲ್ಲಿ ವಲಸಿಗರ ಬಗ್ಗೆ ಚರ್ಚೆ ನಡೆಯುತ್ತಿರುವ ಹಿನ್ನೆಲೆಯಲ್ಲಿ ಈ ಸಮೀಕ್ಷೆ ನಡೆಸಲಾಗಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.