ಹೆಚ್-1ಬಿ ವೀಸಾ ಹೊಂದಿರುವವರ ಪತಿ ಅಥವಾ ಪತ್ನಿಗೆ ಮಾನ್ಯತೆ ನಿರ್ಧಾರ ಕುರಿತು ಅಮೆರಿಕಾ ವಿಳಂಬ

ವಾಷಿಂಗ್ಟನ್ : ಹೆಚ್-1 ಬಿ ವೀಸಾ ಹೊಂದಿರುವವರ ಪತಿ ಅಥವಾ ಪತ್ನಿಗೆ  ಮಾನ್ಯತೆ  ನಿರ್ಧಾರ ಕುರಿತು ಡೊನಾಲ್ಡ್ ಟ್ರಂಪ್ ನೇತೃತ್ವದ ಅಮೆರಿಕಾ ಸರ್ಕಾರ ವಿಳಂಬ ಮಾಡುತ್ತಿದೆ.

 ಈ ವೀಸಾಕ್ಕೆ  ಮಾನ್ಯತೆ ದೊರೆತರೆ  ಭಾರತದ ಅನೇಕ ನೌಕರರು ಹಾಗೂ ಅವರ ಕುಟುಂಬಕ್ಕೆ ಬಿಗ್ ರಿಲೀಫ್ ಸಿಕ್ಕಂತಾಗುತ್ತದೆ.

 ಹೆಚ್ 4 ಹಾಗೂ ಹೆಚ್-1ಬಿ ವೀಸಾ ಹೊಂದಿರುವವರ ಪತಿ ಅಥವಾ ಪತ್ನಿಗೆ ಮಾನ್ಯತೆ ನೀಡುವುದರಿಂದ ಆರ್ಥಿಕತೆ ಮೇಲೆ  ಆಗುವ  ಪರಿಣಾಮ ಪರಾಮರ್ಶನೆಗಾಗಿ ಜೂನ್ ವರೆಗೂ ಕಾಲಾವಕಾಶ ನೀಡುವಂತೆ ಭದ್ರತಾ ಇಲಾಖೆ-ಡಿಹೆಚ್ಎಸ್  ನ್ಯಾಯಾಲಯಕ್ಕೆ ವರದಿ ಸಲ್ಲಿಸಿದೆ.

ಅಮೆರಿಕಾದಲ್ಲಿ ಕೆಲಸ ಮಾಡಲು ಅನುಕೂಲವಾಗುವ  ಹಸಿರು ಕಾರ್ಡ್ ಪಡೆಯಲು ಹೆಚ್-1ಬಿ ವೀಸಾದಾರರು 2015ರಿಂದಲೂ ಕಾಯುತ್ತಿದ್ದಾರೆ.  ಇದನ್ನು ಒಬಾಮಾ ಸರ್ಕಾರದ  ಅವಧಿಯಲ್ಲಿ ಪರಿಚಯಿಸಲಾಗಿ್ತ್ತು.

ಹೆಚ್ -1ಬಿ ವೀಸಾ ಭಾರತ ಮತ್ತು ಚೀನಾದಿಂದ ಉದ್ಯೋಗ ಅರಸಿ ಅಮೆರಿಕಾಕ್ಕೆ ಬರುವ ಪ್ರತಿಭಾವಂತ ನೌಕರರನ್ನು ಆಕರ್ಷಿಸಿದೆ.  ಈ ವೀಸಾಕ್ಕೆ ಮಾನ್ಯತೆ ದೊರೆತರೆ ಹೆಚ್ಚಿನ ಸಂಖ್ಯೆಯಲ್ಲಿ  ಅಮೆರಿಕಾದಲ್ಲಿ ನೆಲೆಸಿರುವ  ಭಾರತೀಯ ನೌಕರರಿಗೆ ಅನುಕೂಲವಾಗಲಿದೆ.


 ಈ ವಿಚಾರದಲ್ಲಿ ಡಿಹೆಚ್ ಎಸ್ ಒಳ್ಳೆಯ ತೀರ್ಮಾನ ಕೈಗೊಳ್ಳಲಿದೆ ಎಂಬ ವಿಶ್ವಾಸವಿದೆ  ಎಂಬುದಾಗಿ  ಕ್ಯಾಲಿಪೋರ್ನಿಯಾದಲ್ಲಿರುವ ಅನಿವಾಸಿ ಭಾರತಿಯ ಉದ್ಯಮಿ ಜಾನ್ಸಿ ಕುಮಾರ್  ತಿಳಿಸಿದ್ದಾರೆ.