ಶೆರಿನ್ ಮ್ಯಾಥ್ಯೂಸ್ ಪ್ರಕರಣ: ದತ್ತು ತಂದೆಯ ವಿರುದ್ಧ ಕೊಲೆ ಆರೋಪ ದಾಖಲು
ಭಾರತೀಯ ಮೂಲದ ಮೂರು ವರ್ಷದ ಶೆರಿನ್ ಮ್ಯಾಥ್ಯೂಸ್ ಸಾವು ಪ್ರಕರಣಕ್ಕೆ ಸಂಬಂಧಿಸಿದಂತೆ ದತ್ತು ತಂದೆ ವೆಸ್ಲಿ ಮ್ಯಾಥ್ಯೂಸ್ ವಿರುದ್ಧ ಕೊಲೆ ಆರೋಪ ದಾಖಲು...
Published On :
ಡಲ್ಲಾಸ್: ಭಾರತೀಯ ಮೂಲದ ಮೂರು ವರ್ಷದ ಶೆರಿನ್ ಮ್ಯಾಥ್ಯೂಸ್ ಸಾವು ಪ್ರಕರಣಕ್ಕೆ ಸಂಬಂಧಿಸಿದಂತೆ ದತ್ತು ತಂದೆ ವೆಸ್ಲಿ ಮ್ಯಾಥ್ಯೂಸ್ ವಿರುದ್ಧ ಕೊಲೆ ಆರೋಪ ದಾಖಲು ಮಾಡಲಾಗಿದೆ.
ಕಳೆದ ಅಕ್ಟೋಬರ್ ತಿಂಗಳಲ್ಲಿ ಕಾಣೆಯಾಗಿದ್ದ ಶೆರಿನ್ ಮ್ಯಾಥ್ಯೂಸ್ ಮೃತದೇಹ ಕೆಲ ದಿನಗಳ ನಂತರ ಡಲ್ಲಾಸ್ ಚರಂಡಿಯೊಂದರಲ್ಲಿ ಪತ್ತೆಯಾಗಿತ್ತು. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮರಣೋತ್ತರ ಪರೀಕ್ಷೆಯಲ್ಲಿ ಮಗು ಹಿಂಸೆ ಅನುಭವಿಸಿ ಮೃತಪಟ್ಟಿದೆ ಎಂದು ತಿಳಿದುಬಂದಿದೆ.
ಈ ಪ್ರಕರಣಕ್ಕೆ ಸಂಬಂಸಿದಂತೆ ವೆಸ್ಲಿ ಮ್ಯಾಥ್ಯೂಸ್ ವಿರುದ್ಧ ಕೊಲೆ ಆರೋಪ ದಾಖಲಿಸಲಾಗಿದ್ದು ಆರೋಪ ಸಾಬೀತಾದಲ್ಲಿ ವೆಸ್ಲಿಗೆ ಗಲ್ಲು ಶಿಕ್ಷೆ ಅಥವಾ 2ರಿಂದ 20 ವರ್ಷದವರೆಗೆ ಯಾವುದೇ ಪ್ರಮಾಣದ ಶಿಕ್ಷೆಯಾಗಬಹುದು.
ಮೊದಲಿಗೆ ವೆಸ್ಲಿ ಮಗು ನಾಪತ್ತೆಯಾಗಿದೆ ಎಂದು ಸುಳ್ಳಿನ ಕತೆ ಕಟ್ಟಿದ್ದ. ನಂತರ ಮಗು ಹಾಲು ಕುಡಿಯಲಿಲ್ಲ ಆದ್ದರಿಂದ ಶಿಕ್ಷೆ ನೀಡಲು ಮನೆಯ ಹೊರಗಡೆ ನಿಲ್ಲಿಸಿದ್ದೆ. ಆ ವೇಳೆ ಮಗು ನಾಪತ್ತೆಯಾಗಿದೆ ಎಂದಿದ್ದ ಆತ ನಂತರ ಹಾಲು ಕುಡಿಯುವಾಗ ಅದು ಗಂಟಲಲ್ಲಿ ಸಿಕ್ಕಿ ಹಾಕಿಕೊಂಡು ಉಸಿರು ಗಟ್ಟಿ ಮಗು ತೀರಿ ಹೋಯಿತು ಎಂದು ಹೇಳಿದ್ದ.
ಪ್ರಕರಣದ ತನಿಖೆ ಕೈಗೊಂಡಿದ್ದ ಪೊಲೀಸರು ಹಲವು ದಿನಗಳ ಕಾಲ ನಡೆಸಿದ್ದ ಶೋಧ ಕಾರ್ಯದ ನಂತರ ಮನೆಯ ಹತ್ತಿರ ಇರುವ ಚರಂಡಿಯಲ್ಲಿ ಮಗುವಿನ ಮೃತದೇಹ ಪತ್ತೆಯಾಗಿತ್ತು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
ಕೊಲೆ ಆರೋಪMurder chargeSherin Mathewsಶೆರಿನ್ ಮ್ಯಾಥ್ಯೂಸ್Wesley MathewsDallasAdopt Childವೆಸ್ಲಿ ಮ್ಯಾಥ್ಯೂಸ್ಡಲ್ಲಾಸ್ದತ್ತು ಮಗು
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.