'ಬಾಂಬ್'ಗಳ ಮಹಾತಾಯಿ' ದಾಳಿಗೆ 13 ಭಾರತೀಯ ಉಗ್ರರು ಬಲಿ?
ಇತ್ತೀಚೆಗಷ್ಟೇ ಅಫ್ಘಾನಿಸ್ದಾನದ ಮೇಲೆ ಅಮೆರಿಕ ನಡೆಸಿದ್ದ ಅತೀ ದೊಡ್ಡ ಪರಮಾಣೇತರ ಬಾಂಬ್ (ಬಾಂಬ್'ಗಳ ಮಹಾತಾಯಿ) ದಾಳಿಯಲ್ಲಿ ಮೃತಪಟ್ಟ 96 ಜನರಲ್ಲಿ 13 ಮಂದಿ ಭಾರತೀಯರೂ ಕೂಡ ಇದ್ದರು ಎಂದು ಮೂಲಗಳಿಂದ ತಿಳಿದುಬಂದಿದೆ....
Published On :
ಕಾಬೂಲ್: ಇತ್ತೀಚೆಗಷ್ಟೇ ಅಫ್ಘಾನಿಸ್ದಾನದ ಮೇಲೆ ಅಮೆರಿಕ ನಡೆಸಿದ್ದ ಅತೀ ದೊಡ್ಡ ಪರಮಾಣೇತರ ಬಾಂಬ್ (ಬಾಂಬ್'ಗಳ ಮಹಾತಾಯಿ) ದಾಳಿಯಲ್ಲಿ ಮೃತಪಟ್ಟ 96 ಜನರಲ್ಲಿ 13 ಮಂದಿ ಭಾರತೀಯರೂ ಕೂಡ ಇದ್ದರು ಎಂದು ಮೂಲಗಳಿಂದ ತಿಳಿದುಬಂದಿದೆ.
ಅಫ್ಘಾನಿಸ್ತಾನದ ಮೇಲಿನ ದಾಳಇಯಲ್ಲಿ ಭಾರತೀಯರೂ ಕೂಡ ಮೃತಪಟ್ಟಿದ್ದಾರೆಂದು ಗುಪ್ತಚರ ಇಲಾಖೆ ದೃಢಪಡಿಸಿದೆ ಎಂದು ಟೊಲೊ ಸುದ್ದಿ ಮಾಧ್ಯಮವೊಂದು ವರದಿ ಮಾಡಿದೆ.
ಟೊಲೊ ಅಫ್ಘಾನಿಸ್ತಾದ ಸುದ್ದಿ ಮಾಧ್ಯಮವಾಗಿದ್ದು, ಅಮೆರಿಕ ನಡೆಸಿದ ಬಾಂಬ್ ದಾಳಿಯಲ್ಲಿ 12 ಪಾಕಿಸ್ತಾನ ಪ್ರಜೆಗಳು, 12 ತಜಿಕಿಸ್ತಾನಿಗಳು ಹಾಗೂ 13 ಮಂದಿ ಭಾರತೀಯರೂ ಇದ್ದರು ಎಂದು ವರದಿಯಲ್ಲಿ ಹೇಳಿಕೊಂಡಿದೆ.
ನಂಗರ್ ಹಾರ್ ಪ್ರಾಂತ್ಯದ ಅಚಿನ್ ಜಿಲ್ಲೆಯ ಸುರಂಗಗಳು ಹಾಗೂ ಗುಹೆಗಳ ಮೇಲೆ ನಡೆದ ದಾಳಿಯಲ್ಲಿ 13 ಭಾರತೀಯರು ಇದ್ದರು. ಮೃತಪಟ್ಟ 13 ಭಾರತೀಯರು (ಡೀಶ್) ಇಸಿಸ್ ಉಗ್ರ ಸಂಘಟನೆಗೆ ಸೇರಿದ ಉಗ್ರರಾಗಿದ್ದಾರೆ. ಈ ಪೈಕಿ ಇಬ್ಬರು ಇಸಿಸ್ ಕಮಾಂಡರ್ ಗಳಿದ್ದು, ಮೊಹಮ್ಮದ್ ಹಾಗೂ ಅಲ್ಲಾ ಗುಪ್ತಾ ಎಂದು ಗುರ್ತಿಸಲಾಗಿದೆ ಎಂದು ವರದಿ ಹೇಳಿದೆ.
ನಂಗರ್ ಹಾರ್ ನಲ್ಲಿ ನಡೆದ ಅಮೆರಿಕ ವಾಯುದಾಳಇಯಲ್ಲಿ ಇತ್ತೀಚೆಗೆ ಇಬ್ಬರು ಕೇರಳ ಮೂಲದ ಇಸಿಸ್ ಉಗ್ರರು ಹತ್ಯೆಯಾಗಿದ್ದಾರೆಂದು ವರದಿಯಾಗಿತ್ತು. ಈಗ ಮೃತಪಟ್ಟಿದ್ದಾರೆನ್ನಲಾಗುತ್ತಿರುವ 13 ಮಂದಿ ಉಗ್ರರಲ್ಲಿ ಇಬ್ಬರನ್ನು ಹೊರತು ಪಡಿಸಿದರೆ, ಉಳಿದವರ ಊರುಗಳಾಗಲಿ ಅಥವಾ ಹೆಸರುಗಳಾಗಲಿ ಸರಿಯಾಗಿ ಲಭ್ಯವಾಗಿಲ್ಲ. ಕಳೆದ ವರ್ಷ 21 ಕೇರಳ ಮೂಲದ ಯುವಕರು ದೇಶ ಬಿಟ್ಟು ಓಡಿ ಹೋಗಿ ಇಸಿಸ್ ಉಗ್ರ ಸಂಘಟನೆಯನ್ನು ಸೇರ್ಪಡೆಗೊಂಡಿದ್ದು ಇಲ್ಲಿ ಗಮನಾರ್ಹ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.