ಆ್ಯಪಲ್ ಶೋ ರೂಂ ಗೆ ನುಗ್ಗಿ ಐ-ಫೋನ್ ಗಳನ್ನು ಧ್ವಂಸ ಮಾಡಿದ ವ್ಯಕ್ತಿ

ಪ್ಯಾರಿಸ್: ಕೋಪಗೊಂಡ ವ್ಯಕ್ತಿಯೊಬ್ಬ ಅಂಗಡಿಗೆ ನುಗ್ಗಿ ಹಲವು ಆ್ಯಪಲ್ ಐ ಫೋನ್ ಗಳನ್ನು ಒಡೆದು ಹಾಕಿದ ಘಟನೆ ಪ್ಯಾರಿಸ್ ನ ಡಿಜೋನ್ ನಗರದಲ್ಲಿ ನಡೆದಿದೆ.

ಕಣ್ಣಿಗೆ ಕಪ್ಪು ಕನ್ನಡದ ಧರಿಸಿದ್ದ ಆತ ಏಕಾ ಏಕಿ ಅಂಗಡಿಗೆ ನುಗ್ಗಿ ತಾನು ತಂದಿದ್ದ ಸ್ಟೀಲ್ ಬಾಲ್ ನಿಂದ ಐ-ಫೋನ್ ಗಳ ಡಿಸ್ ಪ್ಲೇ ಅನ್ನು ಒಡೆದು ಹಾಕಿದ್ದಾನೆ ಎಂದು ಪತ್ರಿಕೆಯೊಂದು ವರದಿ ಮಾಡಿದೆ.

ಸುಮಾರು 12 ಐ ಫೋನ್ ಗಳನ್ನು ಒಡೆದು ಹಾಕಿರುವ ದೃಶ್ಯ ಕ್ಯಾಮೆರಾದಲ್ಲಿ
ಸೆರೆಯಾಗಿದೆ. ಅಂಗಡಿಯಲ್ಲಿದ್ದ ಗ್ರಾಹಕರೊಬ್ಬರು ಈ ಘಟನೆಯನ್ನು ತನ್ನ ಮೊಬೈಲ್ ನಲ್ಲಿ ಚಿತ್ರೀಕರಿಸಿದ್ದಾರೆ.

ತಾನು ಐ ಫೋನ್ ಒಡೆದು ಹಾಕುತ್ತಿರುವುದನ್ನು ಗಮನಿಸಿದ ವ್ಯಕ್ತಿ , ಕ್ಯಾಮೆರಾ ಮುಂದೆ ಬಂದು ತಾನು ಯಾಕೆ ಐ ಫೋನ್ ಒಡೆದು ಹಾಕುತ್ತಿದ್ದೇನೆ ಎಂಬುದಕ್ಕೆ ಕಾರಣ ನೀಡಿದ್ದಾನೆ.ಆ್ಯಪಲ್ ಕಂಪನಿ ಯೂರೋಪಿಯನ್ ಗ್ರಾಹಕರ ಹಕ್ಕುಗಳನ್ನು ಉಲ್ಲಂಘಿಸಿದೆ, ನನ್ನ ಹಣವನ್ನು ವಾಪಸ್ ಕೊಡಲು ಅವರು ನಿರಾಕರಿಸಿದ್ದಾರೆ, ನಾನು ನನ್ನ ಹಣವನ್ನು ವಾಪಸ್ ನೀಡುವಂತೆ ಕೇಳಿದ್ದೆ, ಆದರೆ ಅವರು ಆಗುವುದಿಲ್ಲ ಎಂದು ಹೇಳಿದ್ದರು. ಈಗ ಗೊತ್ತಾಯಿತಲ್ಲ ಏನಾಯಿತು ಎಂದು ಜೋರಾಗಿ ಕೂಗಿಕೊಂಡಿದ್ದಾನೆ. ಪ್ರಕರಣ ನಂತರ ವ್ಯಕ್ತಿಯನ್ನು ಪೊಲೀಸರು ಬಂಧಿಸಿದ್ದಾರೆ.