ಸ್ವಸ್ತಿಕ ಮತ್ತು ಟ್ರಂಪ್ ಪರ ಗೋಡೆಬರಹಗಳಿಂದ ನ್ಯೂಯಾರ್ಕ್ ಉದ್ಯಾನವನ ವಿರೂಪ
ನ್ಯೂಯಾರ್ಕ್ ನ ಬ್ರೂಕ್ಲಿನ್ ನ ಉದ್ಯಾನವನದಲ್ಲಿ 'ಸ್ವಸ್ತಿಕ' ಚಿಹ್ನೆ ಮತ್ತು 'ಗೋ ಟ್ರಂಪ್' ಗೋಡೆ ಬರಹಗಳೊಂದಿಗೆ ವಿರೂಪಗೊಳಿಸಲಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ.
Published On :
ನ್ಯೂಯಾರ್ಕ್: ನ್ಯೂಯಾರ್ಕ್ ನ ಬ್ರೂಕ್ಲಿನ್ ನ ಉದ್ಯಾನವನದಲ್ಲಿ 'ಸ್ವಸ್ತಿಕ' ಚಿಹ್ನೆ ಮತ್ತು 'ಗೋ ಟ್ರಂಪ್' ಗೋಡೆ ಬರಹಗಳೊಂದಿಗೆ ವಿರೂಪಗೊಳಿಸಲಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ.
ಬ್ರೂಕ್ಲಿನ್ ಹೈಟ್ಸ್ ಪಾರ್ಕ್ ನಲ್ಲಿ ಆಡುತ್ತಿದ್ದ ಮಕ್ಕಳ ಆಟಕ್ಕೆ ಈ ಸೆಮಿಟಿಕ್ ವಿರೋಧಿ ಚಿಹ್ನಗೆಳಿಂದ ಕುಂದಾಗಿದೆ ಎಂದು ನಗರದ ಕೌನ್ಸಿಲ್ ಸದಸ್ಯ ಬ್ರಾಡ್ ಲ್ಯಾಂಡರ್ ಶುಕ್ರವಾರ ಹೇಳಿದ್ದಾರೆ.
ವಿಶ್ವದ ಅತಿ ಉಗ್ರ ಸರ್ವಾಧಿಕಾರಿ ಜರ್ಮನಿಯ ಅಡಾಲ್ಫ್ ಹಿಟ್ಲರ್ ನ ಪಕ್ಷದ ಚಿಹ್ನೆಯಾಗಿದ್ದ ಸ್ವಸ್ತಿಕ, ಜನಾಂಗೀಯ ನಿಂದನೆಯ ಚಿಹ್ನೆ ಎಂದೇ ಪರಿಗಣಿಸಲಾಗುತ್ತದೆ.
"ಟ್ರಂಪ್ ಬೆಂಬಲಿಗರಿಂದ ಇನ್ನು ದ್ವೇಷ ಹೆಚ್ಚುತ್ತಲೇ ಇದೆ" ಎಂದು ಲ್ಯಾಂಡರ್ ಟ್ವೀಟ್ ಮಾಡಿದ್ದಾರೆ.
ನ್ಯೂಯಾರ್ಕ್ ನ ಇನ್ನು ಹಲವು ಸಾರ್ವಜನಿಕ ಪ್ರದೇಶಗಳಲ್ಲಿ ಸ್ವಸ್ತಿಕಗಳು ಮತ್ತು ಜನಾಂಗೀಯ ನಿಂದನೆಯ ಗೋಡೆ ಬರಹಗಳನ್ನು ಮೂಡಿಸಲಾಗಿದೆ ಎಂದು ನ್ಯೂಯಾರ್ಕ್ ಪೋಸ್ಟ್ ವರದಿ ಮಾಡಿದೆ.
"ಈ ದ್ವೇಷ ಮತ್ತು ಪ್ರಚೋದನೆಯ" ವಿರುದ್ಧ ಭಾನುವಾರ ಉದ್ಯಾನವನದಲ್ಲಿ ರ್ಯಾಲಿ ನಡೆಸಲಾಗುವುದು ಎಂದು ಪ್ರಾದೇಶಿಕ ಅಧಿಕಾರಿಗಳು ಹೇಳಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.