ಹಸಿವು ನಿರ್ಮೂಲನೆಗೆ ದಶ ವಾರ್ಷಿಕ ಯೋಜನೆ ರೂಪಿಸಿದ ನೇಪಾಳ

ಖಟ್ಮಂಡು: ದೇಶದಲ್ಲಿ ೨೦೧೫ರವೇಳೆಗೆ ಹಸಿವನ್ನು ನಿರ್ಮೂಲನೆ ಮಾಡಲು ನೇಪಾಳ ಸರ್ಕಾರ ದಶ ವಾರ್ಷಿಕ ಯೋಜನೆಯನ್ನು ರೂಪಿಸಿದೆ ಎಂದು ಮಾಧ್ಯಮವೊಂದು ಮಂಗಳವಾರ ವರದಿ ಮಾಡಿದೆ.

ನೇಪಾಳ ಮತ್ತು ವಿಶ್ವ ಸಂಸ್ಥೆಯ ಆಹಾರ ಮತ್ತು ಕೃಷಿ ಸಂಸ್ಥೆ (ಎಫ್ ಎ ಒ) ಈ ಅಭಿಯಾನಕ್ಕಾಗಿ ಕೈಜೋಡಿಸಿವೆ ಎಂದು ಎಫ್ ಎ ಒ ಹೇಳಿಕೆಯನ್ನಾಧರಿಸಿ ಮಾಧ್ಯವೊಂದು ವರದಿ ಮಾಡಿದೆ.

ನೇಪಾಳದ ಶೂನ್ಯ ಹಸಿವು ಅಭಿಯಾನವನ್ನು (೨೦೧೬-೨೦೨೫) ನೇಪಾಳದ ಪ್ರಧಾನಿ ಕೆ ಪಿ ಶರ್ಮ ಓಲಿ ಮತ್ತು ಎಫ್ ಎ ಒ ಪ್ರಧಾನ ನಿರ್ದೇಶಕ ಜೋಸ್ ಗಾಜಿನೋ ದ ಸಿಲ್ವಾ ಜಂಟಿಯಾಗಿ ಖಟ್ಮಂಡುವಿನಲ್ಲಿ ಚಾಲನೆ ನೀಡಿದ್ದಾರೆ.

ಅವಧಿಗೆ ಮುಂಚಿತವಾಗಿಯೇ ಈ ಗುರಿ ಮುಟ್ಟಲು ನೇಪಾಳ ಬದ್ಧವಾಗಿದೆ ಎಂದು ನೇಪಾಳದ ಪ್ರಧಾನಿ ಹೇಳಿದ್ದಾರೆ.

ಈ ಯೋಜನೆಯ ರೂಪುರೇಶಗಳ ಪ್ರಕಾರ ಕೃಷಿ ಉತ್ಪನ್ನಗಳ ಇಳುವರಿ ಹೆಚ್ಚಳ, ನೀರಾವರಿ, ಬರಡು ಭೂಮಿಯ ಉಪಯೋಗ, ವರ್ಷದ ಪೂರ್ಣಾವಧಿಗೆ ಆಹಾರ ಪದಾರ್ಥಗಳ ಲಭ್ಯ ಇತ್ಯಾದಿ ಯೋಜನೆಗಳನ್ನು ಹಮ್ಮಿಕೊಂಡಿದೆ.