ನ್ಯೂಯಾರ್ಕಿನಲ್ಲಿ ಸಾರ್ವಜನಿಕವಾಗಿ ಮೂತ್ರವಿಸರ್ಜನೆ ಮಾಡುವವರಿಗೆ ಬಂಧನ ಭೀತಿಯಿಲ್ಲ

ನ್ಯೂಯಾರ್ಕ್: ಹೆಚ್ಚುತ್ತಿರುವ ಗಂಭೀರ ಅಪರಾಧಗಳ ಬಗ್ಗೆ ನ್ಯೂಯಾರ್ಕ್ ಪೊಲೀಸರು ಗಮನ ಕೇಂದ್ರೀಕರಿಸಲು ಸಹಕಾರಿಯಾಗಲೆಂದು, ಸಣ್ಣ ಪುಟ್ಟ ಅಪರಾಧಗಳಾದ ಸಾರ್ವಜನಿಕ ಪ್ರದೇಶಗಳಲ್ಲಿ ಮೂತ್ರ ಮಾಡುವುದು, ಮದ್ಯಪಾನ ಸೇವನೆ ಇವುಗಳತ್ತ ತಮ್ಮ ಗಮನ ಸಡಿಸಲಿದ್ದಾರೆ.

ಮುಂದಿನ ಸೋಮವಾರದಿಂದ ಸಾರ್ವಜನಿಕ ಪ್ರದೇಶಗಳಲ್ಲಿ ಮೂತ್ರ ಮಾಡುವವರು, ಮದ್ಯಪಾನ ಸೇವನೆ ಮಾಡುವವರನ್ನು ಪೊಲೀಸರು ಬಂಧಿಸುವುದಿಲ್ಲವಂತೆ.

ಅಧಿಕಾರಿಗಳು ಹೇಳುವಂತೆ ನಗರ ಪೊಲೀಸರು ಗಂಭೀರ ಅಪರಾಧಗಳಾದ ರೇಪ್, ಶೂಟಿಂಗ್ ಗಳು ಮತ್ತು ದರೋಡೆಗಳತ್ತ ಹೆಚ್ಚಿನ ಗಮನ ಹರಿಸಲೆಂದು ಈ ಬದಲಾವಣೆ ತರಲಾಗುತ್ತಿದೆ ಎಂದಿದ್ದಾರೆ. ಮ್ಯಾನಹಟ್ಟನ್ ನಲ್ಲಿ ಅಪರಾಧಗಳ ಸಂಖ್ಯೆಯಲ್ಲಿ ೧.೭% ಇಳಿಮುಖ ಕಂಡಿದ್ದರು, ಗಂಭೀರ ಅಪರಾಧಗಳ ಸಂಖ್ಯೆ ಹೆಚ್ಚಿದೆಯಂತೆ.

"ಈ ಬದಲಾವಣೆ ಹಿಂಸಾತ್ಮಕ ಅಪರಾಧ ಎಸಗುವ ಸಣ್ಣ ಗುಂಪಿನ ವ್ಯಕ್ತಿಗಳತ್ತ ನಮ್ಮ ಪೊಲೀಸರು ಗಮನ ಹರಿಸಲು ಸಹಕರಿಸಲಿದೆ" ಎಂದಿದ್ದಾರೆ ಮೇಯರ್ ಬಿಲ್ ದೇ ಬ್ಲಾಸಿಯೋ.