ಶ್ವೇತ ಭವನದಲ್ಲಿ ಬರಾಕ್ ಒಬಾಮ- ದಲೈ ಲಾಮ ಭೇಟಿ

ವಾಷಿಂಗ್ ಟನ್: ಅಮೆರಿಕ ಅಧ್ಯಕ್ಷರನ್ನು ಟಿಬೆಟ್, ಬೌದ್ಧ ಧರ್ಮ ಗುರು ದಲೈ ಲಾಮ ಶ್ವೇತ ಭವನದಲ್ಲಿ ಭೇಟಿಯಾಗಿ ರಹಸ್ಯ ಮಾತುಕತೆ ನಡೆಸಿರುವುದು ಚೀನಾದ ಅಧಿಕಾರಿ ವರ್ಗದ ಕೆಂಗಣ್ಣಿಗೆ ಗುರಿಯಾಗಿದೆ.

ದಲೈ ಲಾಮ ಅವರನ್ನು ಚೀನಾ ಟಿಬೆಟ್ ನ ಪ್ರತ್ಯೇಕತಾವಾದದ ಚಳುವಳಿಯ ನಾಯಕ ಎಂದೇ ಗುರುತಿಸಿದ್ದು, ದಲೈ ಲಾಮ ಅಮೆರಿಕ ಅಧ್ಯಕ್ಷರೊಂದಿಗೆ ರಹಸ್ಯ ಮಾತುಕತೆ ನಡೆಸಿದ್ದಾರೆ. ದಲೈ ಲಾಮ ಹಾಗೂ ಅಮೆರಿಕ ಅಧ್ಯಕ್ಷರ ನಡುವಿನ ಮಾತುಕತೆ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಶ್ವೇತ ಭವನದ ಮಾಧ್ಯಮ ಕಾರ್ಯದರ್ಶಿ ಜೋಶ ಎರ್ನೆಸ್ಟ್ ಮಾಧ್ಯಮಗಳಿಗೆ ಹೇಳಿಕೆ ನೀಡಿದ್ದು, ದ್ವಿಪಕ್ಷೀಯ ಮಾತುಕತೆಗಿಂತ ಹೆಚ್ಚು ವೈಯಕ್ತಿಕ ಕುಅಶಲೋಪರಿ ಬಗ್ಗೆ ಕೆಂದ್ರೀಕೃತವಾಗಿತ್ತು ಎಂದಿದ್ದು ಹೆಚ್ಚಿನ ಮಾಹಿತಿ ನೀಡುವುದಕ್ಕೆ ನಿರಾಕರಿಸಿದ್ದಾರೆ.  ಒಬಾಮ- ದಲೈ ಲಾಮ ಅವರ ಮಾತುಕತೆ ವೇಳೆ ಮಾಧ್ಯಮಗಳಿಗೆ ನಿರ್ಬಂಧ ವಿಧಿಸಿದ್ದ ಕಾರಣ ಹೆಚ್ಚಿನ ಮಾತುಕತೆಗೆ ಸಂಬಂಧಿಸಿದ ಹೆಚ್ಚಿನ ಮಾಹಿತಿ ಬಹಿರಂಗವಾಗಿಲ್ಲ. ಆದರೆ ಉಭಯ ನಾಯಕರೂ ಮಾನವ ಹಕ್ಕುಗಳು ಸೇರಿದಂತೆ ಹಲವು ವಿಷಯಗಳ ಬಗ್ಗೆ  ಚರ್ಚೆ ನಡೆಸಿದ್ದಾರೆ ಎಂದು ಶ್ವೇತ ಭವನ ಹೇಳಿದೆ. ದಲೈಲಾಮ ಭೇಟಿಯಿಂದಾಗಿ ಅಮೆರಿಕ ಬೆಂಬಲಿಸುತ್ತಿರುವ ಒಂದೇ ಚೀನಾ ನೀತಿಗೆ ಈ ಭೇಟಿಯಿಂದ ಧಕ್ಕೆ ಉಂಟಾಗಬಾರದು ಎಂದು ಎಚ್ಚರಿಕೆ ನೀಡಿದ್ದು.