ಧರ್ಮದ ಹೆಸರಿನಲ್ಲಿ 'ಜಿಹಾದ್' ನಡೆಸುತ್ತಿರುವುದನ್ನು ನಿಲ್ಲಿಸಿ: ಪಿಒಕೆ ನಾಯಕರು

ರಾವಲ್ಪಿಂಡಿ: ಪಾಕಿಸ್ತಾನದ ವಿರುದ್ಧ ಪಾಕಿಸ್ತಾನ ಆಕ್ರಮಿತ ಕಾಶ್ಮೀರದಲ್ಲಿ ಪ್ರತಿಭಟನೆ ಭುಗಿಲೆದ್ದಿದ್ದು, ಧರ್ಮದ ಹೆಸರಿನಲ್ಲಿ ನಡೆಯುತ್ತಿರುವ 'ಜಿಹಾದ್'ನ್ನು ನಿಲ್ಲಿಸುವಂತೆ ಅಲ್ಲಿನ ಜನತೆ ಘೋಷಣೆಗಳನ್ನು ಕೂಗುತ್ತಿದ್ದಾರೆ.

ಪಾಕಿಸ್ತಾನ ಆಕ್ರಮಿತ ಕಾಶ್ಮೀರದಲ್ಲಿ ಇಸ್ಲಾಮಾಬಾದ್ ಉಗ್ರರಿಗೆ ಆಶ್ರಯಗಳನ್ನು ನೀಡುತ್ತಿದ್ದು, ಜಿಹಾದ್ ಹೆಸರಿನಲ್ಲಿ ಇಲ್ಲಿನ ಯುವಕರನ್ನು ತಪ್ಪುದಾರಿಗೆ ಎಳೆಯುತ್ತಿದೆ. ಕೂಡಲೇ ಸರ್ಕಾರ ಈ ನಡೆಯನ್ನು ನಿಲ್ಲಿಸಬೇಕೆಂದು ಹೇಳಿ ರಾವಲ್ಪಿಂಡಿಯಲ್ಲಿರುವ ಪ್ರೆಸ್ ಕ್ಲಬ್ ನ ಮುಂದೆ ಹಲವು ಸಂಘಟನೆಗಳು ಒಂದೆಡೆ ಸೇರಿಕೊಂಡು ಪ್ರತಿಭಟನೆ ನಡೆಸುತ್ತಿದೆ ತಿಳಿದುಬಂದಿದೆ.

ಇದು ಜಿಹಾದ್ ಅಲ್ಲ. ಧರ್ಮದ ಹೆಸರಿನಲ್ಲಿ ಜಿಹಾದ್ ನ್ನು ಬಳಸಿಕೊಳ್ಳಲಾಗುತ್ತಿದ್ದು, ನಮ್ಮ ಮಕ್ಕಳನ್ನು ತಪ್ಪುದಾರಿಗೆ ಎಳೆಯಲಾಗುತ್ತಿದೆ. 1987ರ ಜುಲೈ 31 ರಂದು ಶ್ರೀನಗರ ವಿಮಾನ ನಿಲ್ದಾಣದಲ್ಲಿ ಸ್ಫೋಟ ಸಂಭವಿಸಿದಾಗ ಇಸ್ಲಾಂ ಉಗ್ರರು ಜಿಹಾದ್ ಎಂದು ಘೋಷಣೆ ಮಾಡಿದ್ದರು. ಅಂದಿನಿಂದ ಇಂದಿನ ವರೆಗೂ ಜಿಹಾದ್ ಕುರಿತಂತೆ ತಪ್ಪು ಮಾಹಿತಿಯನ್ನು ನೀಡಲಾಗುತ್ತಿದೆ. ಸಾಮೂಹಿಕವಾಗಿ ಹತ್ಯೆ ಮಾಡುವುದೇ ಜಿಹಾದ್ ಎಂದು ಉಗ್ರರು ಬಿಂಬಿಸುತ್ತಿದ್ದಾರೆ. ಹಿಂದೆ ಏನಾಗಿದೆಯೇ ಅದನ್ನು ನೆನಪಿಸುತ್ತಿಲ್ಲ. ಆದರೆ, ಜಿಹಾದ್ ಹೆಸರಿನಲ್ಲಿ ಮಕ್ಕಳು, ಮಹಿಳೆಯರೂ ಸೇರಿ ಈ ವರೆಗೂ 1110,000 ಜನರನ್ನು ಹತ್ಯೆ ಮಾಡಲಾಗಿದೆ. ನಮ್ಮ ಸಹೋದರಿಯರು ಹಾಗೂ ಹೆಣ್ಣು ಮಕ್ಕಳ ಮೇಲೆ ಲೈಂಗಿಕ ದೌರ್ಜನ್ಯ ವೆಸಲಾಗುತ್ತಿದೆ. ಎಂದು ಜಮ್ಮು ಕಾಶ್ಮೀರ ಜನತೆಯ ರಾಷ್ಟ್ರೀಯ ಪಕ್ಷದ ನಾಯಕ ಇಷಕ್ ಮಿರ್ ಎಂಬುವವರು ಹೇಳಿದ್ದಾರೆ.