ಫೇಸ್‍ಬುಕ್‍ನಲ್ಲಿ ಮೋದಿ ಮಾತುಗಳು

ಫೇಸ್ ಬುಕ್ ಕೇಂದ್ರ ಕಚೇರಿಯಲ್ಲಿ ಪ್ರಧಾನಿ ನರೇಂದ್ರ ಮೋದಿ ಹಂಚಿಕೊಂಡ ಮನದಾಳದ ಮಾತುಗಳು...

• ನಮ್ಮದು ಈಗ 8 ಲಕ್ಷಕೋಟಿ ಡಾಲರ್‍ನ ಆರ್ಥಿಕತೆ. ಅದನ್ನು 20 ಲಕ್ಷಕೋಟಿ ಡಾಲರ್‍ಗೇರಿಸಬೇಕು ಎಂಬುದು ನನ್ನ ಆಸೆ
•  ಮೊದಲು ನಾನು ಇಂಟರ್ನೆಟ್‍ಗೆ ಲಾಗ್‍ಇನ್ ಆದಾಗ, ನಾನು ಮುಖ್ಯಮಂತ್ರಿ ಆಗುತ್ತೇನೆ ಎಂದು ಕೂಡ ಭಾವಿಸಿರಲಿಲ್ಲ
• ಸಾಮಾಜಿಕ ಮಾಧ್ಯಮವು ನನ್ನ ಆಲೋಚನಾ ಪ್ರಕ್ರಿಯೆಯಲ್ಲೇ ದೊಡ್ಡ ಬದಲಾವಣೆ ತಂದಿತು. ನನಗೇನು ಮಾಹಿತಿ ಬೇಕೋ ಅದನ್ನು ಕ್ಷಣಮಾತ್ರದಲ್ಲಿ ನೀಡುವ ಸಾಮರ್ಥ್ಯ ಸಾಮಾಜಿಕ ಮಾಧ್ಯಮಕ್ಕಿದೆ
•  ನನ್ನ ಶಿಕ್ಷಣದ ಕೊರತೆಯನ್ನು ನಾನು ಸಾಮಾಜಿಕ ತಾಣಗಳ ಮೂಲಕ ನೀಗಿಸಿದ್ದೇನೆ. ರಾಜಕಾರಣಿಗಳು ಈ ತಾಣಗಳಿಂದ ದೂರ ಓಡಬಾರದು. ಬದಲಿಗೆ, ನಿರಂತರ ಸಂಪರ್ಕ ಹೊಂದಿರಬೇಕು
•  ಸ್ಕೂಟರನ್ನು ಸ್ಟಾರ್ಟ್ ಮಾಡಲು ಒಂದು ಸೆಕೆಂಡು ಸಾಕು. ಆದರೆ, 40 ಬೋಗಿಗಳುಳ್ಳ ರೈಲನ್ನು ಚಲಿಸುವಂತೆ ಮಾಡಲು ಸಮಯ ಬೇಕಾಗುತ್ತದೆ
• 40 ವರ್ಷಗಳ ಹಿಂದೆ ಬಡವರಿಗೆ ನೆರವಾಗಲೆಂದೇ ಬ್ಯಾಂಕುಗಳನ್ನು ರಾಷ್ಟ್ರೀಕೃತಗೊಳಿಸಲಾಯಿತು. ಆದರೆ, ಈಗಲೂ ಶೇ.60ರಷ್ಟು ಮಂದಿಗೆ ಬ್ಯಾಂಕ್ ಖಾತೆಯೇ ಇರಲಿಲ್ಲ. ನಾವು 100 ದಿನಗಳಲ್ಲಿ 18 ಕೋಟಿ ಖಾತೆಗಳನ್ನು ತೆರೆದೆವು. ಇದುವೇ ಬದಲಾವಣೆಯ ವೇಗ.
• ಉದ್ದಿಮೆ ಮಾಡಲು ಸುಲಭವಾದ ದೇಶಗಳ ಪೈಕಿ ಭಾರತ 140ನೇ ಸ್ಥಾನದಲ್ಲಿದೆ. ಮುಂದಿನ ರೇಟಿಂಗ್ ವೇಳೆ ಭಾರತ ಸುಧಾರಿಸಲಿದೆ
• ಅನೇಕ ರಾಷ್ಟ್ರಗಳು ಎಫ್ಡಿಐನಲ್ಲಿ ಹಿಂದೆ ಬಿದ್ದಿದ್ದರೂ ಭಾರತದಲ್ಲಿ ಎಫ್ ಡಿಐ ಪ್ರಗತಿ ಶೇ.40ರಷ್ಟಿದೆ. ಇದು ಮೇಕ್ ಇನ್ ಇಂಡಿಯಾ ಯಶಸ್ಸಿಗೆ ಸಾಕ್ಷಿ
• ಭಾರತದಲ್ಲಿ 3ಡಿ ಇದೆ. ಅದುವೇ ನಮ್ಮ ವಿಶಿಷ್ಟ ಶಕ್ತಿ- ಡೆಮಾಗ್ರಫಿ, ಡೆಮಾಕ್ರಸಿ ಮತ್ತು ಡಿಮಾಂಡ್. ನಾನಿದಕ್ಕೆ 4ನೇ `ಡಿ'ಯನ್ನು ಸೇರಿಸಿದ್ದೇನೆ. ಅದು `ಡಿ-ರೆಗ್ಯುಲೇಷನ್'(ಸರ್ಕಾರದ ನಿಯಂತ್ರಣಮುಕ್ತ)
• ಪ್ರತಿ ಸಮಾಜದಲ್ಲೂ ದೇವರೆಂದರೆ ಪುರುಷ. ಆದರೆ ಭಾರತದಲ್ಲಿ ಮಾತ್ರ ಹೆಣ್ಣಿಗೆ ದೇವರ ಸ್ಥಾನ ನೀಡಲಾಗಿದೆ. ದುರ್ಗಾ, ಕಾಳಿ, ಅಂಬಾ... ನಮ್ಮ ಮೂಲಭೂತ ಮೌಲ್ಯಗಳೇ ಮಹಿಳೆಯರಿಗೆ ಪ್ರಮುಖ ಪಾತ್ರ ನೀಡಿವೆ
• ಸಬಲೀಕರಣವು ಪ್ರತಿ ಕುಟುಂಬದಲ್ಲೂ ನಡೆಯಬೇಕು. ಎಲ್ಲರೂ ತಮ್ಮ ಶಾಲೆಯ ದಾಖಲೆಗಳಲ್ಲಿ ಅಪ್ಪನ ಹೆಸರನ್ನು ಮಾತ್ರ ಹಾಕುತ್ತಿದ್ದರು. ನಾನು ಗುಜರಾತ್ ಸಿಎಂ ಆಗಿದ್ದಾಗ, ಅಮ್ಮನ ಹೆಸರೂ ಹಾಕುವಂತೆ ಸೂಚಿಸಿದೆ