ರಜಾ ದಿನಗಳಂದು ಪವಿತ್ರ ಸ್ಥಳದಲ್ಲಿ ಮುಸ್ಲಿಮೇತರರ ಪ್ರಾರ್ಥನೆಗೆ ಇಸ್ರೇಲ್ ನಿಷೇಧ

ಜೆರುಸೇಲಮ್: ಜೆರುಸೇಲಮ್ ನ ಸೂಕ್ಷ್ಮ ಪವಿತ್ರ ಸ್ಥಳವನ್ನು ಪ್ರಮುಖ ಮುಸ್ಲಿಂ ರಜಾ ದಿನಗಳಂದು ಮುಸ್ಲಿಮೇತರರು ಪ್ರವೇಶಿಸದಂತೆ ಇಸ್ರೇಲಿ ಪೊಲೀಸರು ನಿಷೇಧ ಹೇರಿದ್ದಾರೆ.

ಈದ್ ಅಲ್-ಅಧ ಸಂಭ್ರಮಾಚರಣೆಗಳಿಗಾಗಿ ಅಲ್-ಅಕ್ವ್ಸಾ ಮಸೀದಿಯ ಆವರಣದಲ್ಲಿ ಮುಸ್ಲಿಂ ಪ್ರಾರ್ಥನೆಗಾಗಿ ಯಾವುದೇ ನಿರ್ಬಂಧವಿಲ್ಲದೆ ಪೊಲೀಸರು ಅವಕಾಶ ನೀಡಿದ್ದು ಇನ್ನುಳಿದವರನ್ನು ಅಲ್ಲಿಗೆ ಪ್ರವೇಶಿಸುವುದರಿಂದ ನಿಷೇಧಿಸಿದ್ದೇವೆ ಎಂದು ವಕ್ತಾರ ಮಿಕಿ ರಾಸನ್ಫ್ಲೆಡ್ ತಿಳಿಸಿದ್ದಾರೆ.

ಜ್ಯೂ ಧರ್ಮೀಯರಿಗೆ ಮೌಂಟ್ ದೇವಾಲಯವೆಂದು ಹಾಗೂ ಮುಸ್ಲಿಮರಿಗೆ ನೋಬಲ್ ಸ್ಯಾಂಕ್ಚುರಿಯೆಂದು ಜನಜನಿತವಾಗಿರುವ ಈ ಪವಿತ್ರ ಸ್ಥಳ ಇತ್ತೀಚಿನ ದಿನಗಳಲ್ಲಿ ಹಿಂಸೆಯ ಮೂಲವಾಗಿತ್ತು.

ಇಸ್ರೇಲ್ ಜ್ಯೂ ಧರ್ಮೀಯರು ಈ ಸ್ಥಳಕ್ಕೆ ಭೇಟಿ ನೀಡುವಾಗ ಮುಸ್ಲಿಮರಿಗೆ ಪ್ರವೇಶ ನಿಷೇಧಿಸುವುದನ್ನು ಪ್ಯಾಲೆಸ್ಟೇನಿಯನ್ನರು ವಿರೋಧಿಸಿದ್ದರು.

ಜ್ಯೂಯಿಶ್ ಹೊಸ ವರ್ಷದ ಸಂಭ್ರಾಚರಣೆಗಳ ಸಮಯದಲ್ಲಿ ಪ್ಯಾಲೆಸ್ಟೇನಿಯನ್ನರು ಈ ಮಸೀದಿಗೆ ತಡೆಗೋಡೆ ಕಟ್ಟಿ ಪೋಲೀಸರ ಮೇಲೆ ಕಲ್ಲುಗಳು ಮತ್ತು ಪಟಾಕಿಗಳನ್ನು ಎಸೆದಿದ್ದಕ್ಕೆ ಹಿಂಸಾಚಾರ ಭುಗಿಲೆದ್ದಿತ್ತು. ಆ ಸಮಯದಲ್ಲಿ ಒಬ್ಬ ಇಸ್ರೇಲಿ ಮನುಷ್ಯ ಮೃತಪಟ್ಟಿದ್ದ ಕೂಡ.