ಹರ್ಕತುಲ್ ಉಗ್ರರಿಗೆ ಬೆಂಬಲ ನಿಲ್ಲಿಸಿದ್ದ ಪಾಕ್

ವಾಷಿಂಗ್ಟನ್: ಭಾರತದಲ್ಲಿ ಅನೇಕ ವಿಧ್ವಂಸಕ ಕೃತ್ಯಗಳಿಗೆ ಕಾರಣವಾಗಿದ್ದ ಹರ್ಕತ್ ಉಲ್ ಅನ್ಸಾರ್ ಉಗ್ರ ಸಂಘಟನೆಗೆ ಪಾಕಿಸ್ತಾನ ನೆರವು ಕೈ ಬಿಡುವ ಹಿಂದಿನ ರಹಸ್ಯ ಇದೀಗ ಬಯಲಾ ಗಿದೆ. ಒಂದು ವೇಳೆ ನೆರವು ಮುಂದುವರಿಸಿ ದರೆ ``ಭಯೋತ್ಪಾದನೆಗೆ ನೆರವು ನೀಡುತ್ತಿರುವ ದೇಶಗಳ'' ಪಟ್ಟಿಗೆ ಸೇರ್ಪಡೆಯಾಗುವ ಭೀತಿ ಯಿಂದ ಪಾಕ್ ಈ ನಿರ್ಧಾರ ಕೈಗೊಂಡಿತ್ತು. ಈ ವಿಚಾರವನ್ನು ಅಮೆರಿಕದ ಗುಪ್ತಚರ ಸಂಸ್ಥೆ ಸಿಐಎನ 1996ರ ವರದಿ ಬಹಿರಂಗ ಪಡಿಸಿದೆ. ಕಾಶ್ಮೀರದಲ್ಲಿ, ಭಾರತದ ಇತರೆ ಭಾಗ ಗಳಲ್ಲಿ ಅದರಲ್ಲೂ ಮುಖ್ಯವಾಗಿ 1996ರ ದೆಹಲಿಯ ಲಜಪತ್ ನಗರ್ ಮಾರ್ಕೆಟ್ ಸ್ಫೋಟದಲ್ಲಿ ಹರ್ಕತ್ ಉಲ್ ಅನ್ಸಾರ್ ಕೈವಾಡ ಇರುವುದನ್ನು ಈ ವರದಿ ಖಚಿತಪಡಿಸಿದೆ. ಭಾರತದ ವಿರುದ್ಧ ಪರೋಕ್ಷ ಯುದ್ಧ ನಡೆಸಲು ಪಾಕಿಸ್ತಾನದ ಗುಪ್ತಚರ ಸಂಸ್ಥೆ ಐಎಸ್ ಐ ಪ್ರತಿ ತಿಂಗಳು ಹರ್ಕತ್ ಉಗ್ರ ಸಂಘಟನೆಗೆ ಪ್ರತಿ ತಿಂಗಳು ರು.20ರಿಂದ ರು.40 ಲಕ್ಷದ ವರೆಗೆ ಹಣ ಕಾಸು ನೆರವು ನೀಡುತ್ತಿತ್ತು. ಜತೆಗೆ, ಕಂದ ಹಾರ್ ವಿಮಾನ ಅಪಹರಣಕ್ಕೂ 3 ವರ್ಷಗಳ ಮೊದಲೇ ಹಕ್ತತ್ ಇಂಥದ್ದೊಂದು ಸಂಚು ರೂಪಿಸುತ್ತಿತ್ತು ಎನ್ನುವ ಮಾಹಿತಿಯೂ ಸಿಐಎ ಗಿತ್ತು ಎಂದು ವರದಿಯಿಂದ ಬೆಳಕಿಗೆ ಬಂದಿದೆ.