ಜನಾಂಗೀಯ ನಿಂದನೆಗೆ ಕ್ಷಮೆಯಾಚಿಸಿದ ಆ್ಯಪಲ್
ಜನಾಂಗೀಯ ನಿಂದನೆ ಪ್ರಕರಣಗಳಿಗಾಗಿ ಆಗಾಗ ಸುದ್ದಿಯಾಗುವ ಆಸ್ಟ್ರೇಲಿಯಾದಲ್ಲಿ ಇದೀಗ ಇಂತಹ ಮತ್ತೊಂದು ಪ್ರಕರಣ ನಡೆದಿದೆ. ಅದರಲ್ಲೂ, ಈ ಘಟನೆ ನಡೆದಿರುವುದು...
Published On :
ಸಿಡ್ನಿ: ಜನಾಂಗೀಯ ನಿಂದನೆ ಪ್ರಕರಣಗಳಿಗಾಗಿ ಆಗಾಗ ಸುದ್ದಿಯಾಗುವ ಆಸ್ಟ್ರೇಲಿಯಾದಲ್ಲಿ ಇದೀಗ ಇಂತಹ ಮತ್ತೊಂದು ಪ್ರಕರಣ ನಡೆದಿದೆ. ಅದರಲ್ಲೂ, ಈ ಘಟನೆ ನಡೆದಿರುವುದು ಬೇರೆಲ್ಲೂ ಅಲ್ಲ, ಆ್ಯಪಲ್ ಕಂಪನಿಯ ಮಳಿಗೆಯಲ್ಲಿ.
ಆ್ಯಪಲ್ ಮಳಿಗೆಯನ್ನು ಪ್ರವೇಶಿಸಿದ್ದ ಆಫ್ರಿಕಾದ 6 ಮಂದಿ ವಿದ್ಯಾರ್ಥಿಗಳನ್ನು ಮಳಿಗೆಯಿಂದ ಹೊರಹಾಕಲಾಗಿದೆ. ಅವರು ಏನನ್ನಾದರೂ ಕದಿಯುವ ಸಾಧ್ಯತೆಯಿದೆ ಎಂದು ಈ ಕ್ರಮ ಕೈಗೊಂಡಿದ್ದಾಗಿ ಮಳಿಗೆಯ ಸಿಬ್ಬಂದಿ ಸ್ಪಷ್ಟನೆಯನ್ನೂ ನೀಡಿದ್ದಾರೆ.
ವಿದ್ಯಾರ್ಥಿಗಳೊಂದಿಗೆ ಆ್ಯಪಲ್ ಸಿಬ್ಬಂದಿಯು ಮಾತಿನ ಚಕಮಕಿ ನಡೆಸುತ್ತಿರುವ ದೃಶ್ಯವನ್ನು ಮೇರಿಬಿರ್ನಾಂಗ್ ಕಾಲೇಜಿನ ವಿದ್ಯಾರ್ಥಿಯೊಬ್ಬ ಸೆರೆಹಿಡಿದಿದ್ದು, ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡತೊಡಗಿದೆ.
ಫೇಸ್ ಬುಕ್‍ಗೆ ಈ ವಿಡಿಯೇ ಅಪ್‍ಲೋಡ್ ಆದ ಎರಡೇ ದಿನಗಳಲ್ಲಿ 60 ಸಾವಿರ ಮಂದಿ ಇದನ್ನು ವೀಕ್ಷಿಸಿದ್ದಾರೆ. ಅಲ್ಲದೆ, ತೀವ್ರ ಆಕ್ಷೇಪವೂ ವ್ಯಕ್ತವಾಗಿದೆ. ಈ ಹಿನ್ನೆಲೆಯಲ್ಲಿ ಆ್ಯಪಲ್ ಮಾ್ಯನೇಜರ್ ನೊಂದ ವಿದ್ಯಾರ್ಥಿಗಳ ಕ್ಷಮೆ ಯಾಚಿಸಿದ್ದಾರೆ.
ಆ್ಯಪಲ್ ಸಿಇಒ ಟಿಮ್ ಕುಕ್ ಅವರ ವೆಬ್‍ಸೈಟ್‍ನಲ್ಲಿ, ನಾವು ಜನಾಂಗ, ಲಿಂಗ, ಪ್ರಾದೇಶಿಕತೆ, ಧರ್ಮ ಯಾವುದನ್ನೂ ಲೆಕ್ಕಿ ಸದೇ ಸಮಾನತೆಯನ್ನಷ್ಟೇ ನಂಬುತ್ತೇವೆ. ಮಳಿಗೆಗೆ ಭೇಟಿ ನೀಡುವ ಎಲ್ಲ ಗ್ರಾಹಕರನ್ನೂ ಸ್ವಾಗತಿಸುತ್ತೇವೆ'' ಎಂಬ ಸಂದೇಶವಿದೆ. ಹೀಗಿದ್ದಾಗ್ಯೂ, ಇಂತಹ ಘಟನೆ ನಡೆದಿರುವುದು ಅಚ್ಚರಿಗೆ ಕಾರಣವಾಗಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.