ಇಸ್ಲಾಮಾಬಾದಿನಲ್ಲಿ ಭೂಕಂಪನ; ಕನಿಷ್ಠ ಮೂರು ಸಾವು

ಇಸ್ಲಾಮಾಬಾದ್: ಪಾಕಿಸ್ತಾನದ ರಾಜಧಾನಿ ಇಸ್ಲಾಮಾಬಾದಿನಲ್ಲಿ ಸಂಭವಿಸಿದ ರಿಕ್ಟರ್ ಮಾಪನದಲ್ಲಿ ೫.೫ ತೀವ್ರತೆಯ ಭೂಕಂಪನದಲ್ಲಿ ಇಬ್ಬರು ಮಹಿಳೆಯರೂ ಸೇರಿದಂತೆ ಕನಿಷ್ಠ ಮೂವರು ಮೃತಪಟ್ಟಿದ್ದಾರೆ. ಪಾಕಿಸ್ತಾನ ಖೈಬರ್ ಪಖ್ತುಂಖ್ವ ಪ್ರಾಂತ್ಯದಲ್ಲೂ ಶನಿವಾರ ಬೆಳಗ್ಗೆ ಭೂಕಂಪನವಾದ ವರದಿಯಾಗಿದೆ ಎಂದು ಹವಾಮಾನ ಇಲಾಖೆ ತಿಳಿಸಿದೆ.

ಇಸ್ಲಾಮಾಬಾದ್ ನಿಂದ ೧೧೦ ಕಿಮೀ ದೂರದಲ್ಲಿರುವ ಅಬ್ಬೋತ್ತಾಬಾದ್ ನಲ್ಲಿ ಭೂಮಿ ನಲುಗಿದ್ದಕ್ಕೆ ಕಟ್ಟಡವೊಂದು ಕುಸಿದು ಒಂದೇ ಕುಟುಂಬದ ಮೂವರು ಮೃತಪಟ್ಟಿದ್ದಾರೆ ಎಂದು ತಿಳಿದುಬಂದಿದೆ.

ಈ ಕಂಪನಗಳು ಜನರಲ್ಲಿ ಭೀತಿಯನ್ನು ಸೃಷ್ಟಿಸಿದ್ದು ತಮ್ಮ ಮನೆಗಳಿಂದ ಹೊರಗೆ ಓಡಿಬಂದದ್ದು ವರದಿಯಾಗಿದೆ. ಈ ಭೂಕಂಪನ ಮಧ್ಯರಾತ್ರಿ ಸುಮಾರು ೧:೫೯ ಘಂಟೆಗೆ ಸಂಭವಿಸಿದೆ ಎನ್ನಲಾಗಿದೆ.