ಆರ್ ಎಸ್ ಎಸ್ ಕಾರ್ಯಕರ್ತನ ಕೊಲೆ; ಕಣ್ಣೂರಿನಲ್ಲಿ ಎಪಿಎಸ್ ಪಿಎ ವಿಧಿಸಿ ಎಂದ ಬಿಜೆಪಿ
ಆರ್ ಎಸ್ ಎಸ್ ಕಾರ್ಯಕರ್ತನ ಕೊಲೆ ರಾಜಕೀಯ ಪಿತೂರಿ ಎಂದಿರುವ ಭಾರತೀಯ ಜನತಾ ಪಕ್ಷ, ಕಣ್ಣೂರಿನಲ್ಲಿ ಶಸ್ತ್ರಾಸ್ತ್ರ ಪಡೆಗಳ ವಿಶೇಷ ಕಾಯ್ದೆ ( ಎಪಿಎಸ್ ಪಿಎ) ಹೇರಿ ಎಂದು ಶನಿವಾರ ಆಗ್ರಹಿಸಿದೆ.
Published On :
ಕಣ್ಣೂರು/ತಿರುವನಂತಪುರಂ: ಆರ್ ಎಸ್ ಎಸ್ ಕಾರ್ಯಕರ್ತನ ಕೊಲೆ ರಾಜಕೀಯ ಪಿತೂರಿ ಎಂದಿರುವ ಭಾರತೀಯ ಜನತಾ ಪಕ್ಷ, ಕಣ್ಣೂರಿನಲ್ಲಿ ಶಸ್ತ್ರಾಸ್ತ್ರ ಪಡೆಗಳ ವಿಶೇಷ ಕಾಯ್ದೆ (ಎಪಿಎಸ್ ಪಿಎ) ಹೇರಿ ಎಂದು ಶನಿವಾರ ಆಗ್ರಹಿಸಿದೆ.
ಶುಕ್ರವಾರ ರಾತ್ರಿ ರಾಷ್ಟ್ರೀಯ ಸ್ವಯಂ ಸೇವಕ ಸಂಘದ ಕಾರ್ಯಕರ್ತ ಬಿಜು ಎಂಬುವವರನ್ನು ಕಣ್ಣೂರಿನ ಪಯ್ಯನೂರಿನಲ್ಲಿ ಕೊಲೆ ಮಾಡಲಾಗಿತ್ತು. ಕಣ್ಣೂರು ರಾಜಕೀಯ ಕೊಲೆಗಳ ತವರೂರಾಗಿ ಸದಾ ಸುದ್ದಿಯಲ್ಲಿದೆ.
ಈ ಕೊಲೆಗೆ ಆಡಳಿತ ಕಮ್ಯುನಿಸ್ಟ್ ಪಕ್ಷ ಮತ್ತು ಭಾರತೀಯ ಮಾರ್ಕ್ಸಿಸ್ಟ್ ಕಾರ್ಯಕರ್ತರು ಕಾರಣ ಎಂದು ಬಿಜೆಪಿ ಆರೋಪಿಸಿದ್ದು, ಎಡ ಪಕ್ಷ ಇದನ್ನು ಅಲ್ಲಗೆಳೆದಿದೆ.
ಬಿಜೆಪಿ ಶನಿವಾರ ಕಣ್ಣೂರ್ ಬಂಧ್ ಕರೆದಿದ್ದು, ಅಂಗಡಿ ಮುಗ್ಗಟ್ಟುಗಳನ್ನು ಮುಚ್ಚಲಾಗಿದೆ. ರಸ್ತೆ ಮೇಲೆ ವಾಹನಗಳು ವಿರಳವಾಗಿದ್ದು, ಯಾವುದೇ ಅಶಾಂತಿಯುತ ಘಟನೆ ಸಂಭವಿಸಿಲ್ಲ.
ಕೇರಳದಲ್ಲಿರುವ ಬಿಜೆಪಿ ಪಕ್ಷದ ಏಕೈಕ ಶಾಸಕ ತಂಡದ ಮುಖಂಡರೊಂದಿಗೆ ಶನಿವಾರ ರಾಜ್ಯಪಾಲ ಪಿ ಸದಾಶಿವಂ ಅವರನ್ನು ಭೇಟಿ ಮಾಡಿ ಕಣ್ಣೂರಿನಲ್ಲಿ ಎಪಿಎಸ್ ಪಿಎ ವಿಧಿಸಲು ಆಗ್ರಹಿಸಿದ್ದಾರೆ.
"ಇಂದು ಕೇರಳ ಪೊಲೀಸರು ಸಿಪಿಐ-ಎಂನ ರಾಜಕೀಯ ಸಂಘಟನೆಯಾಗಿದ್ದು ಇಲ್ಲಿನ ನಾಗರಿಕರ ಆಸ್ತಿ ಮತ್ತು ಜೀವವನ್ನು ಉಳಿಸಲು ವಿಫಲರಾಗಿದ್ದಾರೆ" ಎಂದು ದೂರಿದ್ದಾರೆ.
ನೆನ್ನೆ ಕೊಲೆಯಾಗಿರುವ ಬಿಜು ಜುಲೈ ೨೦೧೬ ರಲ್ಲಿ ಸಿಪಿಐ-ಎಂ ಕಾರ್ಯಕರ್ತ ಧನರಾಜ್ ಅವರ ಕೊಲೆ ಆರೋಪದ ಮೇಲೆ ೧೨ ನೇ ಆರೋಪಿಯಾಗಿದ್ದರು ಮತ್ತು ಈಗ ಮೃತರಾಗುವುದಕ್ಕೂ ಮುಂಚಿತವಾಗಿ ಜಾಮೀನಿನ ಮೇಲೆ ಬಿಡುಗಡೆಯಾಗಿದ್ದರು. ಬಿಜು ತಮ್ಮ ಗೆಳೆಯರೊಂದಿಗೆ ದ್ವಿಚಕ್ರವಾಹನದಲ್ಲಿ ತೆರಳುತ್ತಿರುವಾಗ ಇನ್ನೋವಾ ಕಾರು ಢಿಕ್ಕಿ ಹೊಡೆದು ಈ ಹತ್ಯೆಗೆ ಕಾರಣವಾಗಿದೆ.
ಈ ಅಪರಾಧಕ್ಕೆ ಸಂಬಂಧಿಸಿದಂತೆ ಪೊಲೀಸರು ಏಳು ಜನರ ವಿರುದ್ಧ ಪ್ರಕರಣ ದಾಖಲಿಸಿಕೊಂಡಿದ್ದು, ಇನ್ನೋವಾ ಕಾರಿನಲ್ಲಿ ಬಂದಿದ್ದ ನಾಲ್ಕು ಜನರು ಈ ಕೊಲೆಗೆ ಕಾರಣ ಎಂದಿದ್ದಾರೆ.
ಕಣ್ಣೂರಿಗೆ ಶನಿವಾರ ಭೇಟಿ ನೀಡಿದ ಮುಖ್ಯಮಂತ್ರಿ ವಿಜಯನ್ ಇದು ದುರದೃಷ್ಟಕರ ಘಟನೆ ಎಂದಿದ್ದರು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.