ಪ್ರತಿ ಯೋಧನ ಸಾವಿಗೆ ಬದಲಿಯಾಗಿ '೧೦೦ ತಲೆ ಕತ್ತರಿಸಿ': ಬಾಬಾ ರಾಮದೇವ್ ಕರೆ
'ಅವರು ನಮ್ಮ ಒಬ್ಬ ಯೋಧನ ತಲೆ ಕತ್ತರಿಸಿದರೆ ಅದಕ್ಕೆ ಪ್ರತಿಯಾಗಿ ೧೦೦ ತಲೆ ಕತ್ತರಿಸುವುದಕ್ಕೆ ಭಾರತ ಹಿಂಜರಿಯಬಾರದು' ಎಂದು ಯೋಗ ಗುರು ಬಾಬಾ ರಾಮದೇವ್ ಗುರುವಾರ ಹೇಳಿದ್ದಾರೆ.
Published On :
ನವದೆಹಲಿ: 'ಅವರು ನಮ್ಮ ಒಬ್ಬ ಯೋಧನ ತಲೆ ಕತ್ತರಿಸಿದರೆ ಅದಕ್ಕೆ ಪ್ರತಿಯಾಗಿ ೧೦೦ ತಲೆ ಕತ್ತರಿಸುವುದಕ್ಕೆ ಭಾರತ ಹಿಂಜರಿಯಬಾರದು' ಎಂದು ಯೋಗ ಗುರು ಬಾಬಾ ರಾಮದೇವ್ ಗುರುವಾರ ಹೇಳಿದ್ದಾರೆ. ಅಂತಾರಾಷ್ಟ್ರೀಯ ಗಡಿಯಲ್ಲಿ ಒಬ್ಬ ಭಾರತೀಯ ಯೋಧನನ್ನು ಕೊಂದು, ಇಬ್ಬರ ತಲೆ ಕತ್ತರಿಸಿರುವುದಕ್ಕೆ ಅವರು ಪ್ರತಿಕ್ರಿಯಿಸಿದ್ದಾರೆ.
ಪತಂಜಲಿ ಗ್ರಾಹಕ ವಸ್ತುಗಳ ವಾರ್ಷಿಕ ಸಮಾವೇಶದಲ್ಲಿ ಮಾತನಾಡಿದ ರಾಮದೇವ್ "ಭಾರತ ಇಸ್ರೇಲ್ ಮಾದರಿಯನ್ನು ಅನುಸರಿಸಿ, ಅವರು ನಮ್ಮ ಒಬ್ಬ ಅಥವಾ ಇಬ್ಬರು ಯೋಧರ ತಲೆಕಡೆದರೆ ಅದಕ್ಕೆ ಪ್ರತಿಯಾಗಿ ೧೦೦ ಜನರ ತಲೆ ಕಡಿಯಬೇಕು" ಎಂದು ಮಾಧ್ಯಮಗಳಿಗೆ ಹೇಳಿದ್ದಾರೆ.
"ಹತ್ಯೆಯಾದ ಯೋಧರ ಸಂಬಂಧಿಗಳು ಅಳುವುದನ್ನು ನಾನು ಕಂಡಿದ್ದೇನೆ. ನನ್ನ ಮಗನನ್ನು ಕೊಂದದ್ದೇಕೆ ಎಂದು ಅವರ ತಂದೆ ತಾಯಂದಿರು ಗೋಳಾಡಿದ್ದಾರೆ" ಎಂದು ಕೂಡ ರಾಮದೇವ್ ಹೇಳಿದ್ದಾರೆ. ಅಂತಾರಾಷ್ಟ್ರೀಯ ಗಡಿಯಲ್ಲಿ ಒಬ್ಬ ಭಾರತೀಯ ಯೋಧನನ್ನು ಕೊಂದು, ಇಬ್ಬರ ತಲೆ ಕತ್ತರಿಸಿರುವುದಕ್ಕೆ ಪಾಕಿಸ್ತಾನ ಸೇನೆ ಕಾರಣ ಎಂದು ಸೋಮವಾರ ಭಾರತ ಆರೋಪಿಸಿತ್ತು.
"ಪ್ರಧಾನಿ ಮೋದಿ ಅವರ ರಕ್ತದಲ್ಲಿ ದೇಶಭಕ್ತಿ ಹರಿಯುತ್ತಿದ್ದು, ತಮ್ಮ ಕರ್ತವ್ಯದಿಂದ ಅವರು ಹಿಂಜರಿಯುವುದಿಲ್ಲ" ಎಂದು ಕೂಡ ಅವರು ಹೇಳಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.