೧೦೬ ಭಾರತೀಯ ಮೀನುಗಾರರನ್ನು ಬಿಡುಗಡೆ ಮಾಡಿದ ಲಂಕಾ

ಕೊಲಂಬೋ: ಶ್ರೀಲಂಕಾದ ಸಮುದ್ರ ಗಡಿಯಲ್ಲಿ ಮೀನು ಹಿಡಿಯುತ್ತಿದ್ದಕ್ಕೆ ಬಂಧನಗೊಂಡಿದ್ದ ೧೦೬ ಭಾರತೀಯ ಮೀನುಗಾರರರನ್ನು ಬಿಡುಗಡೆ ಮಾಡಲು ಶ್ರೀಲಂಕಾ ಸರ್ಕಾರ ಸೋಮವಾರ ಆದೇಶಿಸಿದೆ. ಭಾನುವಾರ ಶ್ರೀಲಂಕಾ ನೌಕಾಪಡೆ ಸೆರೆ ಹಿಡಿದಿದ್ದ ಮೂವರು ಮೀನುಗಾರರು ಕೂಡ ಜೊತೆಗೆ ಬಿಡುಗಡೆಯಾಗಲಿದ್ದಾರೆ.

೫೫ ಮೀನುಗಾರರನ್ನು ಬಿಡುಗಡೆ ಮಾಡಲು ಜಾಫ್ನಾ ಮತ್ತು ಮನ್ನಾರ್ ಮೆಜೆಸ್ಟ್ರೆಟ್ ಕೋರ್ಟ್ ಗಳು ಈಗಾಗಲೇ ಆದೇಶಿಸಿವೆ ಆದರೆ ಇನ್ನುಳಿದ ೫೧ ಮೀನುಗಾರರ ಬಿಡುಗಡೆ ಆದೇಶ ಪ್ರಕ್ರಿಯ ಸೋಮವಾರ ಪೂರ್ಣಗೊಳ್ಳಲಿದೆ ಎನ್ನಲಾಗಿದೆ.

ಜಾಫ್ನಾದ ಭಾರತೀಯ ರಾಯಭಾರ ಕಚೇರಿಯ ಪ್ರಕಾರ ಈ ಮೀನುಗಾರರಾನ್ನು ಭಾರತಕ್ಕೆ ಕಳುಹಿಸಲು ಒಂದು ವಾರ ಹಿಡಿಯಲಿದೆ ಎನ್ನಲಾಗಿದೆ.

ಹಲವಾರು ಸಮಯಗಳಲ್ಲಿ ಸೆರೆಹಿಡಿಯಲಾಗಿರುವ ಮೀನುಗಾರರ ಬಿಡುಗಡೆ ಸಾಧ್ಯವಾಗಿದ್ದರೂ ಅವರ ಹಡಗುಗಳನ್ನು ಹಿಂದಿರುಗಿಸಲಾಗಿಲ್ಲ.