ಭಾರತ ಸರ್ಕಾರದ ನಿಜವಾದ ಬಾಸ್ ಮೋಹನ್ ಭಾಗವತ್: ಮನೀಶ್ ತಿವಾರಿ

ನವದೆಹಲಿ: ರಾಷ್ಟ್ರೀಯ ಸ್ವಯಂಸೇವಕ ಸಂಘದ (ಆರ್ ಎಸ್ ಎಸ್) ನ ಅಧ್ಯಕ್ಷ ಮೋಹನ್ ಭಾಗವತ್ ಭಾರತೀಯ ಸರ್ಕಾರದ ನಿಜವಾದ ಬಾಸ್ ಎಂದು ಕಾಂಗ್ರೆಸ್ ಮುಖಂಡ ಮನೀಶ್ ತಿವಾರಿ ಗುರುವಾರ ಹೇಳಿದ್ದಾರೆ.

"ನರೇಂದ್ರ ಮೋದಿ ಭಾರತದ ಪ್ರಧಾನ ಮಂತ್ರಿ ಆಗಿರಬಹುದು, ಆರೆ ನಿಜವಾದ ಬಾಸ್ ಮೋಹನ್ ಭಾವತ್" ಎಂದಿದ್ದಾರೆ ತಿವಾರಿ.

ಆರ್ ಎಸ್ ಎಸ್ ಮತ್ತು ಬಿಜೆಪಿ ಸಭೆಯ ಬಗೆ ವಾಗ್ದಾಳಿ ನಡೆಸಿದ ತಿವಾರಿ ಬಿಜೆಪಿ ಮುಂದಾಳತ್ವದ ಎನ್ ಡಿ ಎ ಸರ್ಕಾರ ಆರ್ ಎಸ್ ಎಸ್ ಕೈಯಲ್ಲಿನ ಗೊಂಬೆಯಂತೆ ಎಂದಿದ್ದಾರೆ.

"ಈ ಸರ್ಕಾರ ಎರಡು ದಾರಗಳ ಮೇಲೆ ಕುಣಿಯುತ್ತಿರುವ ಗೊಂಬೆಯಂತೆ. ಒಂದು ಸಾಮಜಿಕ-ಸಾಂಸ್ಕೃತಿಕ-ಶೈಕ್ಷಣಿಕ ದಾರವನ್ನು ಆರ್ ಎಸ್ ಎಸ್ ನಿಯಂತ್ರಿಸುತ್ತಿದ್ದರೆ, ಮತ್ತೊಂದು ಆರ್ಥಿಕ ದಾರವನ್ನು ಕೆಲವು ಸಿರಿವಂತ ಉದ್ದಿಮೆದಾರರು ನಿಯಂತ್ರಿಸುತ್ತಿದ್ದಾರೆ" ಎಂದು ಅವರು ತಿಳಿಸಿದ್ದಾರೆ.

ಮೂರು ದಿನದ ಆರ್ ಎಸ್ ಎಸ್ ಮತ್ತು ಬಿಜೆಪಿ ಸಮನ್ವಯ ಸಭೆ ನವದೆಹಲಿಯಲ್ಲಿ ನಡೆದಿದ್ದು ಎರಡೂ ಸಂಘಟನೆಗಳ ಹಿರಿಯ ಮುಖಂಡರು ಭಾಗವಹಿಸಿದ್ದಾರೆ.

ನೆನ್ನೆ ಬುಧವಾರ ಸಭೆಯ ಮೊದಲ ದಿನವಾಗಿತ್ತು.