ಮೇಲ್ಮನೆ ಚುನಾವಣೆ ಮತ ಎಣಿಕೆ ಆರಂಭ

ಬೆಂಗಳೂರು: ರಾಜ್ಯ ವಿಧಾನ ಪರಿಷತ್ ಚುನಾವಣೆಯ ಮತ ಎಣಿಕೆ ಬುಧವಾರ ಆರಂಭವಾಗಿದ್ದು, ಸಂಜೆ ವೇಳೆಗೆ ಫಲಿತಾಂಶ ಪ್ರಕಟವಾಗಲಿದೆ.

ರಾಜ್ಯದ 20 ಕ್ಷೇತ್ರಗಳ 25 ಸ್ಥಾನಗಳಿಗೆ ಪರಿಷತ್ ಚುನಾವಣೆಯ ಅಂತಿಮ ಹಂತ ಮತ ಎಣಿಕೆಗೆ ಕ್ಷಣಗಣನೆ ಆರಂಭವಾಗಿದೆ. ಎಣಿಕೆಗೆ ಸಕಲ ವ್ಯವಸ್ಥೆ ಪೂರ್ಣಗೊಳಿಸಲಾಗಿದ್ದು, ಎಲ್ಲಾ 20 ಕ್ಷೇತ್ರಗಳಲ್ಲೂ ಒಂದೊಂದು ಎಣಿಕೆ ಕೇಂದ್ರಗಳನ್ನು ತೆರೆಯಲಾಗಿದೆ. ಮತ ಎಣಿಕೆಗಾಗಿ ಸುಮಾರು 1000 ಸಿಬ್ಬಂದಿಯನ್ನು ನಿಯೋಜಿಸಲಾಗಿದೆ. ಅಗತ್ಯಕ್ಕೆ ತಕ್ಕಂತೆ ಪೊಲೀಸ್ ಭದ್ರತೆಯನ್ನೂ ನಿಯೋಜಿಸಲಾಗಿದೆ.

ಮೇಲ್ಮನೆ ಮತ ಎಣಿಕೆಗೆ ಸಜ್ಜು

• ಒಟ್ಟು ಕ್ಷೇತ್ರ 20
• ಒಟ್ಟು ಸ್ಥಾನ 25
• ಮತ ಎಣಿಕೆ
• ಕೇಂದ್ರಗಳ ಸಂಖ್ಯೆ 20
• ನಿಯೋಜಿತ ಸಿಬ್ಬಂದಿ 1000