ಮುದಿತನದಲ್ಲೂ ಹೊಸರುಚಿ ಇದೆಯಂತೆ, ಸವಿಯಬಹುದಾ?

ಕೆ.ಬಿ. ಚನ್ನಬಸಪ್ಪ, ಯಲಹಂಕ
    ಸಿನಿಮಾ ನಟಿಯರು ಚುನಾವಣೆಯಲ್ಲಿ ಗೆದ್ದು ಬರಬಹುದಾ?
    -'ವಿಲನ್‌'ಗಳು ಬಿಡಬೇಕಲ್ಲ!

    ಫ್ಯಾಷನ್ ಡಿಸೈನರ್ ಮಧು, ಹಾಸನ
    ಎಷ್ಟೇ ಕಚ್ಚಾಡಿದ್ರೂ ನಾನು ಯಡ್ಡಿ ರಾಮ-ಲಕ್ಷ್ಮಣ ಇದ್ದಂಗೆ ಕಣ್ರೀ ಅಂದ್ರಂತೆ ಈಶ್ವರಪ್ಪ?
    -ಇದು ಮತದಾರರನ್ನು 'ಹನುಮಂತ'ರನ್ನಾಗಿಸುವ ಪ್ಲಾನ್!

    ಹರಳಹಳ್ಳಿ ಪುಟ್ಟರಾಜು, ಪಾಂಡವಪುರ
    ವಿವಾಹಿತ ಗಂಡಸರ ಎದುರಿನಲ್ಲಿ ಹುಡುಗಿಯರು ನಾಚಿಕೊಳ್ಳುವುದೇಕೆ?
    -ನಿಮಗಿಲ್ಲದ್ದು ನಮಗಿದೆ ಅಂತ ತೋರಿಸೋಕೆ!

    ಅಂದಾನಯ್ಯ ತಿಗರಿಮಠ, ಅಳವಂಡಿ
    ಸತ್ತ ಮೇಲೆ ಸ್ವರ್ಗ ಪ್ರಾಪ್ತಿಯಾಗುತ್ತೆ ಅಂತಾರಲ್ಲ ಏಕೆ?
    -ಸುಮ್ಮನೆ ರಂಬೆ, ಊರ್ವಶಿ, ಮೇನಕೆಯರ ಕನಸು ಕಾಡ್ತಾ ಬದುಕಿರಬೇಡಿ ಅಂತ ಅರ್ಥ!
    
    ಬಾಬು, ನಿಡಘಟ್ಟ
    ಪಂಚರಂಗಿ, ಅರ್ಧಾಂಗಿ, ಭಜರಂಗಿ ಎಂಬ ಚಿತ್ರಗಳು ಇವೆ, ಮುಂದೆ ಯಾವ 'ಅಂಗಿ' ಬರಬಹುದು?
    -ಮದರಂಗಿ, ಎಡಬಿಡಂಗಿ, ಮೂಲಂಗಿ!

    ಎಂ.ಬಿ. ಕೃಷ್ಣಮೂರ್ತಿ, ಚಾಮರಾಜನಗರ
    ಮುದಿತನದಲ್ಲೂ ಹೊಸರುಚಿ ಇದೆಯಂತೆ, ಸವಿಯಬಹುದಾ?
    -ಜೀರ್ಣಿಸಿಕೊಳ್ಳುವ 'ತಾಖತ್‌' ಇದ್ರೆ ಸವಿಯಬಹುದು!