ಸ್ಪೀಡೋ ಸ್ಪೀಡು! (ಪ್ರಕೃತಿ)

ಈ ಜೀರುಂಡೆಗಳು ಕ್ಯಾರಬಿಡೆ ಜಾತಿಗೆ ಸೇರಿದ್ದು, 40 ಸಾವಿರ ಪ್ರಭೇದಗಳನ್ನು ಹೊಂದಿದೆ. ಮರದ ತೊಗಟೆ, ದಿಮ್ಮಿಗಳ ಕೆಳಗೆ, ನದಿ ಮತ್ತು ಕೆರೆ ದಡದಲ್ಲಿನ ಮರಳಿನಲ್ಲಿ ವಾಸಿಸುತ್ತವೆ. ಶುದ್ಧ ಮಾಂಸಾಹಾರಿಗಳು. ಅಕಶೇರುಕಗಳನ್ನು ಬೇಟೆಯಾಡುತ್ತವೆ. ಚಲನೆಯೂ ಬಹಳ ಚುರುಕು. ಗಂಟೆಗೆ 8 ಕಿ.ಮೀ. ವೇಗದಲ್ಲಿ ಓಡಿ, ಶಿಕಾರಿ ಮಾಡುತ್ತವೆ. ಭೂಮಿಯ ಮೇಲೆ ಅತ್ಯಂತ ವೇಗವಾಗಿ ಚಲಿಸುವ ಜೀವಿಗಳಲ್ಲಿ ಇವೂ ಒಂದು. ದೊಡ್ಡ ಕಣ್ಣುಗಳು ಇವುಗಳ ಪ್ರಮುಖ ಆಕರ್ಷಣೆ. ಕಣ್ಣಿನ ದೃಷ್ಟಿಯೇ ಇವಕ್ಕೆ ಶ್ರೀರಕ್ಷೆ. ಇವುಗಳು ಗಿಡಗಳಿಗೆ ಹಾನಿ ಮಾಡುವಂಥ ಕೀಟಗಳನ್ನು ತಿನ್ನುತ್ತವೆ. ಹೀಗಾಗಿ, ಇವು ಪರಿಸರ ಸಂರಕ್ಷಕ. ನಗರ ಪ್ರದೇಶಗಳಲ್ಲಿ ಇವು ತೀರಾ ಅಪರೂಪ.
ವಿಶೇಷ ಮಾಹಿತಿ: ಇವುಗಳಿಗೆ ವಿಷಪೂರಿತವಾದ ಸೈನೈಡ್ ಸಹಸ್ರಪದಿಗಳನ್ನು ತಿಂದು ಜೀರ್ಣಿಸಿಕೊಳ್ಳುವ ಶಕ್ತಿ ಇದೆ.

= -ಆನಂದ್ ಎಸ್. ಜೋಶಿ    
  ananda.s.joshi@gmail.com