ಮಳೆ ಮತ್ತು ಅವಳು
ಹೆಬ್ಬಂಡೆ ಮೋಡ
ಕರಗಿ ಕರಗಿ ನೀರಾಗಿ
ಸುರಿವಾಗ
ಅರೆ! ಎಲ್ಲಿ ಹೋಯಿತು
ಎದೆಯೊಳಗಿನ ದುಗುಡ?
-
ಬೇಡ ಬೇಡವೆಂದರೂ
ತೇವಗೊಳ್ಳುವ ಕಣ್ಣಂಚು
ಮಳೆಹನಿಗಳನ್ನು ಕೂಡಿಕೊಳ್ಳಲು
ಕಂಬನಿಗೇಕೆ ವೃಥಾ ಹುಚ್ಚು?
-
ಜರೆಯಬೇಡಿ!
ಮಳೆ ನೋಡುತ್ತಾ ಸುಮ್ಮಗೆ
ನಿಂತಿಲ್ಲ ಅವಳು
ಬರೆಯುತ್ತಿದ್ದಾಳೆ ಮಳೆಗೆರೆಯ
ತುಂಬೆಲ್ಲಾ ಅದೃಶ್ಯ ಕವಿತೆ ಸಾಲು
-
ಎಲ್ಲಿತ್ತು ಇಷ್ಟು ದಿನ
ಹೇಳಲಾಗದ ತವಕ
ಒನಪು ನೆನಪುಗಳ ಸುಖ
ಆಹಾ! ಈ ಮಳೆಗೆ
ಎಷ್ಟೊಂದು ಮುಖ!
-
ಹೊರಗೆ ಜಡಿಗುಟ್ಟಿ
ಸುರಿಯುತ್ತಿರುವಾಗ
ಮನವೇಕೆ ತೋಯುತ್ತಿದೆ?
ಉತ್ತರಿಸುವ ಗೊಡವೆ ಮಳೆಗಿಲ್ಲ
-
ಅವಳೂ ಬಿಕ್ಕುತ್ತಿದ್ದಾಳೆ
ಮಳೆಯೂ ಹನಿಯುತ್ತಿದೆ
ನೆಲ ಹಸಿರು ಮುಕ್ಕಳಿಸಿದ್ದು
ಯಾವ ಬಗೆಯಿಂದ?
-
ತನ್ನೆಲ್ಲ ಭಾವಗಳನ್ನು
ಮುಗಿಲಿಗೆ ರವಾನಿಸಿ
ಆಕೆ ಕಾಯುತ್ತಿದ್ದಾಳೆ
ಮತ್ತೆ ಬರುವ ಮಳೆಗಾಗಿ...
ಹೆಬ್ಬಂಡೆ ಮೋಡ
ಕರಗಿ ಕರಗಿ ನೀರಾಗಿ
ಸುರಿವಾಗ
ಅರೆ! ಎಲ್ಲಿ ಹೋಯಿತು
ಎದೆಯೊಳಗಿನ ದುಗುಡ?
-
ಬೇಡ ಬೇಡವೆಂದರೂ
ತೇವಗೊಳ್ಳುವ ಕಣ್ಣಂಚು
ಮಳೆಹನಿಗಳನ್ನು ಕೂಡಿಕೊಳ್ಳಲು
ಕಂಬನಿಗೇಕೆ ವೃಥಾ ಹುಚ್ಚು?
-
ಜರೆಯಬೇಡಿ!
ಮಳೆ ನೋಡುತ್ತಾ ಸುಮ್ಮಗೆ
ನಿಂತಿಲ್ಲ ಅವಳು
ಬರೆಯುತ್ತಿದ್ದಾಳೆ ಮಳೆಗೆರೆಯ
ತುಂಬೆಲ್ಲಾ ಅದೃಶ್ಯ ಕವಿತೆ ಸಾಲು
-
ಎಲ್ಲಿತ್ತು ಇಷ್ಟು ದಿನ
ಹೇಳಲಾಗದ ತವಕ
ಒನಪು ನೆನಪುಗಳ ಸುಖ
ಆಹಾ! ಈ ಮಳೆಗೆ
ಎಷ್ಟೊಂದು ಮುಖ!
-
ಹೊರಗೆ ಜಡಿಗುಟ್ಟಿ
ಸುರಿಯುತ್ತಿರುವಾಗ
ಮನವೇಕೆ ತೋಯುತ್ತಿದೆ?
ಉತ್ತರಿಸುವ ಗೊಡವೆ ಮಳೆಗಿಲ್ಲ
-
ಅವಳೂ ಬಿಕ್ಕುತ್ತಿದ್ದಾಳೆ
ಮಳೆಯೂ ಹನಿಯುತ್ತಿದೆ
ನೆಲ ಹಸಿರು ಮುಕ್ಕಳಿಸಿದ್ದು
ಯಾವ ಬಗೆಯಿಂದ?
-
ತನ್ನೆಲ್ಲ ಭಾವಗಳನ್ನು
ಮುಗಿಲಿಗೆ ರವಾನಿಸಿ
ಆಕೆ ಕಾಯುತ್ತಿದ್ದಾಳೆ
ಮತ್ತೆ ಬರುವ ಮಳೆಗಾಗಿ...
-ಸ್ಮಿತಾ ಅಮೃತರಾಜ್
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.