ಘ್ನಾನಪೀಠ

ಸೋಮು, ಚಿಕ್ಕಲ್ಲಸಂದ್ರ
    ಗಾಂಧೀಜಿ, ಬುದ್ಧ, ಅಂಬೇಡ್ಕರ್, ಮಹಾವೀರ, ಜೀಸಸ್ ಇವರ ನಡುವಿನ ಕಾಮನ್ ಹೋಲಿಕೆ ಏನು?
    -ಇವರೆಲ್ಲರನ್ನೂ ವಿಗ್ರಹಗಳನ್ನಾಗಿ ಮಾಡಿ ಎಲ್ಲಾ ಕಡೆ ನಿಲ್ಲಿಸಿದ್ದಾರೆ!

    ಬಿ.ಎಂ. ಪರಶಿವಮೂರ್ತಿ, ಬೆಂಗಳೂರು
    ಜನರ ತೀರ್ಥಯಾತ್ರೆಗೂ ರಾಜಕಾರಣಿಗಳ ಪಾದಯಾತ್ರೆಗೂ ವ್ಯತ್ಯಾಸವೇನು?
    -ತೀರ್ಥಯಾತ್ರೆ ಪುಣ್ಯಕ್ಷೇತ್ರಗಳಿಗೆ ಮಾಡ್ತಾರೆ, ಪಾದಯಾತ್ರೆ ತಮ್ಮತಮ್ಮ ಮತಕ್ಷೇತ್ರಗಳಲ್ಲಿ ಮಾಡ್ತಾರೆ!

    ಓಂ. ಚನ್ನೇಶ್ ಅರಬಿಳಚಿ ಕ್ಯಾಂಪ್, ಭದ್ರಾವತಿ
= ಇಲ್ಲೊಂದು ನಾಯಿ ಬಾಲಕ್ಕೆ ವಾರದಿಂದ ದಬ್ಬೆ ಕಟ್ಟಿದ್ರೂ ಬಾಲ ಮಾತ್ರ ನೆಟ್ಟಗಾಗ್ತಾ ಇಲ್ಲ ಸಾರ್?
    -ಮೊದಲು ಬಾಲ ನೆಟ್ಟಗೆ ಮಾಡ್ತೀನಿ ಅನ್ನುವ ನಿಮ್ಮ 'ಡೊಂಕು ಬುದ್ಧಿ' ಬಿಡಿ!

    ಫ್ಯಾಷನ್ ಡಿಸೈನರ್ ಮಧು, ಹಾಸನ
= ಯಡ್ಡಿ ಕೆಜೆಪಿ ಕಟ್ಟಿದ್ದರ ಹಿಂದೆ ರೇಣುಕಾಚಾರ್ಯರ ಷಡ್ಯಂತ್ರ ಇದೆಯಂತೆ?
    -ಅದೂ ಆಡಳಿತ ಯಂತ್ರದಲ್ಲಿ ಕುಳಿತೇ ಈ ಷಡ್ಯಂತ್ರ ಮಾಡಿದ್ರಲ್ಲ!

    ಸ್ವಾಮಿ ನಿರ್ಮಲಾ, ಉಡಿಗಾಲ
= ಮಠ ಮಂದಿರಗಳಿಗೆ ಹಣದ ಹೊಳೆ ಹರಿಸಿದ ಶೆಟ್ಟರ್‌ಗೆ ಏನು ಬಿರುದು ಕೊಡಬಹುದು ಗುರು?
    -'ಕೊಡುಗೈ ನಿದಾನಿ'

    ವಿ. ಹೇಮಂತ್‌ಕುಮಾರ್, ಬೆಂಗಳೂರು
    ಚಿಲ್ಲರೆ ಹಣಕ್ಕೂ ಚಿಲ್ಲರೆ ಜನಕ್ಕೂ ವ್ಯತ್ಯಾಸವೇನು?
    -ಚಿಲ್ಲರೆ ಹಣಕ್ಕೆ ಅಭಾವ ಇರುತ್ತೆ, ಚಿಲ್ಲರೆ ಜನಕ್ಕೆ ಯಾವತ್ತೂ ಅಭಾವ ಇರೋಲ್ಲ!

-ಘಾಟಿ