ಘ್ನಾನಪೀಠ

ಫ್ಯಾಷನ್ ಡಿಸೈನರ್ ಮಧು, ಹಾಸನ
    ನಾನು ಬೆಳ್ಳಗಿದ್ದರೂ ಅವಳು 'ಕರಿಯ ಐ ಲವ್ ಯೂ' ಅಂತಾಳಲ್ಲ?
    -ಇನ್ಮೇಲೆ ಬ್ಲ್ಯಾಕ್ ಕಲರ್ ಬಟ್ಟೆನೇ ಡಿಸೈನ್ ಮಾಡಿ ಹಾಕ್ಕೊಳ್ಳಿ!

ಉಜ್ಜನಿ ಜಲೇಂದ್ರ, ಪಾಂಡವಪುರ
    ಡಬಲ್ ಸಿಮ್ ಹೊಂದಿದವರಿಗೂ, ಡಬ್ಬಲ್ ಹೆಂಡತಿಯರನ್ನು ಹೊಂದಿದವರಿಗೂ ಏನು ವ್ಯತ್ಯಾಸ?
    -ಡಬಲ್ ಸಿಮ್ ಒಂದೇ ಮೊಬೈಲ್‌ನಲ್ಲಿರುತ್ತೆ, ಡಬಲ್ ಹೆಂಡತಿಯರು ಒಂದೇ ಮನೇಲಿರೋಕ್ಕಾಗೋಲ್ಲ!

ವಿ. ಹೇಮಂತಕುಮಾರ್, ಬೆಂಗಳೂರು
    ನರಿ, ಹಂದಿ, ಕತ್ತೆಗಳನ್ನೇಕೆ ಚುನಾವಣಾ ಚೆನ್ಹೆಯಾಗಿ ಬಳಸುವುದಿಲ್ಲ?
    - ಅವರೇ ಚುನಾವಣೆಗೆ ನಿಂತಿರ್ತಾರಲ್ಲ!

ರವಿಕಮಾರ್ ಜಿ.ಬಿ., ಬೆಂಗಳೂರು
    ತಮಿಳುನಾಡಿಗೆ ನಮ್ಮ ಸರ್ಕಾರ ಕಾವೇರಿ ನೀರು ಕೊಡ್ತು, ಅಕ್ಕಿನೂ ಕೊಡ್ತು, ಮುಂದೆ ಏನು ಕೊಡುತ್ತೆ?
    -ಅನ್ನ ಬೇಯಿಸಲು ಗ್ಯಾಸ್ ಕೊಡಬಹುದು!

ಜೆ.ಆರ್. ಆದಿನಾರಾಯಣಮುನಿ, ಶ್ರೀಕೋಡಿಹಳ್ಳಿಮಠ
    ನಗುವಿಗೆ ಮುಪ್ಪು ಬರುವಂತಿದ್ದರೆ?
    -ಮುಪ್ಪಾದವರೆಲ್ಲ ನಗುತ್ತಲೇ ಇರಲಿಲ್ಲ!

ಎಂ.ಬಿ. ಕೃಷ್ಣಮೂರ್ತಿ, ಚಾಮರಾಜನಗರ
    ಮನೆಕಟ್ಟಲು ಗುದ್ದಲಿಪೂಜೆ, ಮದುವೆ ಮಾಡಲು?
    -ಮೊದಲು 'ವರಪೂಜೆ', ಮದುವೆ ನಂತರ ಹೆಂಡತಿಯಿಂದ 'ಮಂಗಳಾರತಿ'!

ಬರ್ಕ್‌ಲಿ ರಮೇಶ್ ಕಿರಗಂದೂರು, ಮಂಡ್ಯ
     ತಾಯಿ ತಂದೆ ಮೊದಲ ಗುರುಗಳಾದರೆ, ಹೆಂಡತಿ?
-ಟ್ಯೂಷನ್ ಟೀಚರ್!

ಹರಳಹಳ್ಳಿ ಪುಟ್ಟರಾಜು, ಪಾಂಡವಪುರ
 ಕುಡುಕರೇಕೆ ಕುಡಿದಾಗಲೇ ಸತ್ಯ ಹೇಳ್ತಾರೆ?
-ಅವರು ಆ 'ಬ್ರ್ಯಾಂಡ್‌'ನ ಅಂಬಾಸಿಡರ್ ಆಗಿರ್ತಾರೆ!


-ಘಾಟಿ