ಮುಂದಿನ ಜನ್ಮದಲ್ಲಿ ಯಡ್ಡಿ ಮಗನಾಗಿ ಹುಟ್ತೀನಿ ಅಂತ ರೇಣುಕಾಚಾರ್ಯ ರಚ್ಚೆ ಹಿಡಿದಿದ್ದಾರಂತೆ?

ಬಿ.ಜಿ. ರವಿಕುಮಾರ್, ಬೆಂಗಳೂರು
ವೀರಪ್ಪನ್, ದಂಡುಪಾಳ್ಯ, ಉಮೇಶ್ ರೆಡ್ಡಿ ಇಂಥ ಚಿತ್ರಗಳನ್ನೇ ಏಕೆ ತೆಗೆಯುತ್ತಾರೆ?
    -ಬಾಕ್ಸ್ ಆಫೀಸ್ 'ಕೊಳ್ಳೆ ಹೊಡೆಯಲಿ' ಅಂತ!

    ಫ್ಯಾಷನ್ ಡಿಸೈನರ್ ಮಧು, ಹಾಸನ
    ಮುಂದಿನ ಜನ್ಮದಲ್ಲಿ ಯಡ್ಡಿ ಮಗನಾಗಿ ಹುಟ್ತೀನಿ ಅಂತ ರೇಣುಕಾಚಾರ್ಯ ರಚ್ಚೆ ಹಿಡಿದಿದ್ದಾರಂತೆ?
    -ಈಶ್ವರಪ್ಪ ಶಿವಮೊಗ್ಗದ ಮೀನಾಕ್ಷಿ ಭವನದಲ್ಲಿ ದೋಸೆ ತಿನ್ನಿಸಿದ ಮೇಲೆ ಸುಮ್ಮನಾಗಿದ್ದಾರಂತೆ!

    ಉಜ್ಜನಿ ಜಲೇಂದ್ರ, ಪಾಂಡವಪುರ
 ಸಿನಿಮಾ ಥಿಯೇಟರ್‌ಗೂ ಆಪರೇಷನ್ ಥಿಯೇಟರ್‌ಗೂ ವ್ಯತ್ಯಾಸವೇನು?
    -ಸಿನಿಮಾ ಥಿಯೇಟರ್‌ನಲ್ಲಿ ನಿಮ್ಮ ಪರ್ಸ್ ಬಿಚ್ಚಿದ್ರೆ ಸಾಕು, ಆಪರೇಷನ್ ಥಿಯೇಟರ್‌ನಲ್ಲಿ ನಿಮ್ಮ ಬಾಡಿನೇ ಬಿಚ್ಚಬೇಕು!

    ಓಂ. ಚನ್ನೇಶ್ ಅರಬಿಳಚಿಕ್ಯಾಂಪ್, ಭದ್ರಾವತಿ
 ರಾಜ್ಯದಲ್ಲಿ ಮಿಲಿಟರಿ ಆಡಳಿತ ಬಂದರೆ ಹೇಗಿರುತ್ತೆ?
    -ನೀವು ಗಲಾಟೆ ಮಾಡಿದ್ರೆ ಜಲಪಿರಂಗಿ ಬದಲು ನಿಜವಾದ ಪಿರಂಗಿನೇ ಬರುತ್ತೆ!

    ವಿ. ಹೇಮಂತ್ ಕುಮಾರ್, ಬೆಂಗಳೂರು
 ದೇವರ ಮುಂದೆ ನಿಂತು ಕೆಲವರು ಕೆನ್ನೆಗೆ ಹೊಡೆದುಕೊಳ್ಳುತ್ತಾರೆ ಏಕೆ?
    -ಮುಂದೆ ಬೆನ್ನ ಮೇಲೆ ಹೊಡೆಸಿಕೊಳ್ಳುವುದು ತಪ್ಪಲಿ ಅಂತ!

    ಎಚ್. ಆನಂದಕುಮಾರ್, ಚಿತ್ರದುರ್ಗ
ಜಯಲಲಿತಾರಿಗೆ ನಿಮ್ಮ ಘ್ನಾನಪೀಠ ಕಮಿಟಿಯವರು ಬಿರುದುಕೊಟ್ಟರೆ ಹೇಗಿರಬಹುದು?
    -ಜಲತರಂಗಿಣಿ! ಕರುಣಾನಿಧಿ!

    ಸ್ವಾಮಿ ನಿರ್ಮಲಾ, ಉಡಿಗಾಲ
 ಕೆಲವರು ಆತ್ಮೀಯವಾಗಿ ಹೆಗಲ ಮೇಲೆ ಕೈ ಹಾಕುತ್ತಾರೆ, ಅದರರ್ಥ?
    -ಮುಂದೆ ತಲೆ ಮೇಲೆ ಕೈ ಇಡುವ ಸೂಚನೆ!

ಕೋಲ್ಯ ಅಪರಿಚಿತ ಹುಡುಗಿಗೆ ಕಾಲ್ ಮಾಡಿದ.
ಕೋಲ್ಯ: ಹಾಯ್, ನಿನ್ನ ಹೆಸರೇನು?
ಹುಡುಗಿ: ಹೇಳಲ್ಲ.
ಕೋಲ್ಯ: ಹೋಗ್ಲಿ ಬಿಡು, ನಾನೀಗ ಫೆರಾರಿ ಕಾರ್‌ನಲ್ಲಿ ಕೂತಿದ್ದೀನಿ.
ಹುಡುಗಿ: ಅರ್ಚನಾ, ಬಿ.ಕಾಂ. ಸೆಕೆಂಡ್ ಇಯರ್, ಬನಶಂಕರಿ ದೇವಸ್ಥಾನದಿಂದ ಕೆಳಗೆ ಬಂದು, ಅಲ್ಲಿನ ಕೆನರಾ ಬ್ಯಾಂಕಿನ ಪಕ್ಕವೇ ನಮ್ಮನೆ ಇರೋದು. ಮನೆ ನಂ.32/ಬಿ, ಮನೇಲಿ ಯಾವಾಗ್ಲೂ ಅಪ್ಪ-ಅಮ್ಮ ಇರ್ತಾರೆ. ಟ್ಯೂಶನ್ ಟೈಮ್ ಸಂಜೆ 6-8.

ಹೆಣ್ಣು ನೋಡೋಕೆ ಹೋಗಿದ್ಯಲ್ಲಾ, ಏನಾಯ್ತು?
ಪ್ರೆಶರ್ ಕುಕ್ಕರ್‌ಗೂ, ರೈಸ್ ಕುಕ್ಕರ್‌ಗೂ ಏನು ವ್ಯತ್ಯಾಸಾಂತ ಕೇಳಿದ್ರು, ನಂಗೊತ್ತಿಲ್ಲ ಅಂದೆ. ರಿಜೆಕ್ಟ್ ಮಾಡಿಬಿಟ್ರು.