ಚೆಸ್ ವಿಶ್ವಕಪ್ ಗೆ ಅರ್ಹತೆ ಪಡೆದ ವಿದಿತ್ ಗುಜರಾತಿ

ಚೆನ್ನೈ: ಭಾರತದ ಚೆಸ್ ಗ್ರ್ಯಾಂಡ್‌ಮಾಸ್ಟರ್ ವಿದಿತ್ ಗುಜರಾತಿ ರೇಟಿಂಗ್ ಆಧಾರದ ಮೇಲೆ ಜುಲೈ 10ರಿಂದ ರಷ್ಯಾದ ಸೋಚಿಯಲ್ಲಿ ನಡೆಯಲಿರುವ ಫಿಡ್ ಚೆಸ್ ವಿಶ್ವಕಪ್ 2021ಗೆ ಅರ್ಹತೆ ಪಡೆದಿದ್ದಾರೆ.

ಇದರೊಂದಿಗೆ ಮುಂಬರುವ ವಿಶ್ವಕಪ್‌ಗೆ ಅರ್ಹತೆ ಪಡೆದ ನಾಲ್ಕನೇ ಭಾರತೀಯ ಆಟಗಾರ ಎಂಬ ಹೆಗ್ಗಳಿಕೆಗೆ ಗ್ರ್ಯಾಂಡ್‌ಮಾಸ್ಟರ್ ಗುಜರಾತಿ ಪಾತ್ರರಾಗಿದ್ದಾರೆ ಎಂದು ಪತ್ರಿಕಾ ಪ್ರಕಟಣೆ ತಿಳಿಸಿದೆ.

ಪ್ರಸ್ತುತ ವಿಶ್ವದ 23ನೇ ಸ್ಥಾನದಲ್ಲಿರುವ ವಿದಿತ್ ಗುಜರಾತಿ, ಗ್ರ್ಯಾಂಡ್‌ಮಾಸ್ಟರ್ಸ್ ಪಿ ಹರಿರಿಕೃಷ್ಣ, ಅರವಿಂದ ಚಿದಂಬರಂ ಮತ್ತು ಪಿ ಇನಿಯಾನ್ ಸೇರಿದ್ದಾರೆ.

ಏತನ್ಮಧ್ಯೆ, ಮಹಿಳೆಯರ ವಿಭಾಗದಲ್ಲಿ ಕೊನೆರು ಹಂಪಿ, ಡಿ ಹರಿಕಾ, ಭಕ್ತಿ ಕುಲಕರ್ಣಿ, ಆರ್ ವೈಶಾಲಿ ಮತ್ತು ಪದ್ಮಿನಿ ರೂಟ್ ವಿಶ್ವಕಪ್‌ನಲ್ಲಿ ಅರ್ಹತೆ ಪಡೆದಿದ್ದಾರೆ.

2017 ಮತ್ತು 2019ರ ನಂತರ ವಿದಿತ್ ಗೆ ಇದು ಮೂರನೇ ವಿಶ್ವಕಪ್ ಪ್ರದರ್ಶನವಾಗಿದೆ. ಪಂದ್ಯಾವಳಿಯಲ್ಲಿ ಉತ್ತಮ ಪ್ರದರ್ಶನವನ್ನು ನೀಡುವ ವಿಶ್ವಾಸವಿದೆ ಎಂದು ವಿದಿತ್ ಹೇಳಿದರು.

ಡಬ್ಲ್ಯೂಸಿ ತಂಡದ ಭಾಗವಾಗಲು ನಿಜವಾಗಿಯೂ ಸಂತೋಷವಾಗಿದೆ. ಭಾರತಕ್ಕಾಗಿ ಆಡುವುದು ಯಾವಾಗಲೂ ಹೆಮ್ಮೆಯ ಕ್ಷಣವಾಗಿದೆ. ವಿಶೇಷವಾಗಿ ವಿಶ್ವಕಪ್ ನಂತಹ ಕ್ರೀಡೆಗಳಲ್ಲಿ ಭಾಗಿಯಾಗುವುದು ಅತ್ಯಂತ ಪ್ರತಿಷ್ಠಿತ ಸಂಗತಿಯಾಗಿದೆ ಎಂದು ಗುಜರಾತಿ ಹೇಳಿದ್ದಾರೆ.