ಇಂಡೋನೇಷಿಯಾ ಓಪನ್: ಭಾರತಕ್ಕೆ ಪ್ರಶಸ್ತಿ ಖಚಿತಪಡಿಸಿದ ಪಿವಿ ಸಿಂಧೂ ಫೈನಲ್ ಪ್ರವೇಶ
ಭಾರತದ ಜನಪ್ರಿಯ ಬ್ಯಾಡ್ಮಿಂಟನ್ ತಾರೆ ಪಿವಿ ಸಿಂಧೂ ಇಲ್ಲಿ ನಡೆಯುತ್ತಿರುವ ಇಂಡೋನೇಷ್ಯಾ ಓಪನ್ 2019 ಫೈನಲ್ಸ್ ಪ್ರವೇಶಿಸಿದ್ದಾರೆ.
Published On :
ಜಕಾರ್ತಾ: ಭಾರತದ ಜನಪ್ರಿಯ ಬ್ಯಾಡ್ಮಿಂಟನ್ ತಾರೆ ಪಿವಿ ಸಿಂಧೂ ಇಲ್ಲಿ ನಡೆಯುತ್ತಿರುವ ಇಂಡೋನೇಷ್ಯಾ ಓಪನ್ 2019 ಫೈನಲ್ಸ್ ಪ್ರವೇಶಿಸಿದ್ದಾರೆ.
ಶನಿವಾರ ನಡೆದ ಅಂತಿಮ ನಾಲ್ಕರ ಘಟ್ಟದ ಪಂದ್ಯದಲ್ಲಿ ಸಿಂಧು ಚೀನಾದ ಚೆನ್ ಯೂಫಿ ಅವರನ್ನು 21-19, 21-10 ಅಂತರದಲ್ಲಿ ಪರಾಜಿತಗೊಳಿಸಿ ಫೈನಲ್ ಗೇರಿದ್ದಾರೆ.
ಆರಂಭದಲ್ಲಿ ಪಾಯಿಂಟ್ ಗಳಿಕೆಯಲ್ಲಿ ಹಿಂದಿದ್ದ ಸಿಂಧೂ ಅಂತಿಮ ಹೋರಾಟದ ವೇಳೆ ಜಯದಕ್ಕಿಸಿಕೊಳ್ಳುವುದಕ್ಕೆ ಸಫಲವಾಗಿದ್ದರು.ಮೊದಲ ಪಂದ್ಯದ ಮಧ್ಯ ವಿರಾಮದ ವೇಳೆಗೆ, ಸಿಂಧು ಒಂದು ಪಾಯಿಂಟ್ ಹಿನ್ನಡೆಯಲ್ಲಿದ್ದರು ಆದರೆ ಅವರು 21-19ರಿಂದ ಆಟವನ್ನು ಜಯದತ್ತ ತಗೆದುಕೊಂಡು ಹೋಗಲು ಸಮರ್ಥರಾದರು. ಎರಡನೇ ಗೇಮ್‌ನಲ್ಲಿ ಅಂತಿಮ ಕ್ಷಣದಲ್ಲಿ ಸಿಂಧೂ ತನ್ನ ಚೀನಾ ಎದುರಾಳಿಯನ್ನು ನೇರ ಸೆಟ್ ಗಳಲ್ಲಿ ಮಣಿಸಿದ್ದರು.
ಇದಕ್ಕೆ ಹಿಂದೆ ಶುಕ್ರವಾರ ನಡೆದಿದ್ದ ಕ್ವಾರ್ಟರ್ ಫೈನಲ್ ಹಣಾಹಣಿಯಲ್ಲಿ ಸಿಂಧೂ ಜಪಾನ್ ನ ನೋಜೊಮಿ ಓಕಾಹಾರ ವಿರುದ್ಧ 21-14, 21-7 ರಿಂದ ಜಯ ಸಾಧಿಸಿ ಸೆಮೀಸ್ ಹಂತಕ್ಕೆ ತಲುಪಿದ್ದರು.
ಇದೀಗ ಸಿಂಧೂ ಭಾನುವಾರ ನಡೆಯುವ ಫೈನಲ್ ಸುತ್ತಿನ ಪಂದ್ಯದಲ್ಲಿ ಯಮಗುಚಿ ವಿರುದ್ಧ ಪ್ರಶಸ್ತಿಗಾಗಿ ಸೆಣೆಸುವವರಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
PV SindhuIndonesia Openಪಿವಿ ಸಿಂಧೂಇಂಡೋನೇಷ್ಯಾ ಓಪನ್Chen Yu FeiIndonesia Open Semifinalಚಿನ್ ಯೂಫಿಇಂಡೋನೇಷ್ಯಾ ಓಪನ್ ಸೆಮಿಫೈನಲ್
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.