ನಾನೇಕೆ ನಿಖತಾಳೊಂದಿಗೆ ಕೈ ಜೋಡಿಸಲಿ?: ಮೇರಿ ಕೋಮ್

ನವದೆಹಲಿ: ಆರು ಬಾರಿ ವಿಶ್ವ ಚಾಂಪಿಯನ್ ಮೇರಿ ಕೋಮ್ ಒಲಿಂಪಿಕ್ಸ್ ಅರ್ಹತಾ ಸುತ್ತಿನ ಫೈನಲ್ಸ್ ನಲ್ಲಿ ನಿಖತ ಜರೀನ್ ಅವರನ್ನು 9-1 ರಿಂದ ಮಣಿಸಿ ಒಲಿಂಪಿಕ್ಸ್ ಅರ್ಹತಾ ಸುತ್ತಿನ ಪಂದ್ಯಗಳಲ್ಲಿ ಆಡುವ ಅವಕಾಶ ಪಡೆದಿದ್ದಾರೆ. 
  
ಈ ಬಗ್ಗೆ ಪಂದ್ಯ ಮುಗಿದ ಬಳಿಕ ಮಾತನಾಡಿದ ಮೇರಿ, “ನಾನೇಕೆ ಅವಳೊಂದಿಗೆ ಕೈ ಜೋಡಿಸಲಿ. ಅವಳಿಗೆ ನನ್ನನ್ನು ಗೌರವಿಸುವುದು ಗೊತ್ತಿಲ್ಲ. ನಾನೇಕೆ ಅವಳನ್ನು ಗೌರವಿಸಲಿ. ಒಂದು ಕಡೆಯಲ್ಲಿ ನಿಖತ ಹೇಳುತ್ತಾಳೆ ನಾನೇ ಅವಳ ಆರ್ದಶ ಎಂದು, ಮತ್ತೆ ನನ್ನ ಮೇಲೆ ಆರೋಪ ಮಾಡುತ್ತಾಳೆ” ಎಂದು ತಿಳಿಸಿದ್ದಾರೆ. 
  
“ನಿಖತ ನನ್ನ ಬಗ್ಗೆ ಮಾಧ್ಯಮಗಳ ಮುಂದೆ ಸಾಕಷ್ಟು ಹೇಳಿಕೆ ನೀಡಿದ್ದಾಳೆ. ಅವಳು ಕೇಂದ್ರ ಕ್ರೀಡಾ ಸಚಿವ, ಬಾಕ್ಸಿಂಗ್ ಸಂಸ್ಥೆಗೆ ಪತ್ರ ಬರೆದು ದೂರಿದ್ದಾಳೆ. ಈ ರೀತಿಯ ವರ್ತನೆ ನನಗೆ ಹಿಡಿಸದು. ವಿವಾದಗಳಿಂದ ನಾನು ದೂರ ಇರುತ್ತೇನೆ. ಸದಾ ನನ್ನ ಚಿತ್ತ ಆಟದ ಮೇಲೆ ಇರುತ್ತದೆ. ಅಲ್ಲದೆ ದೇಶಕ್ಕಾಗಿ ಪದಕ ಗೆಲ್ಲುವುದೇ ನನ್ನ ಗುರಿ. ಟ್ರಾಯಲ್ಸ್ ಬಗ್ಗೆಯೂ ವಿವಾದಗಳು ಎದ್ದಿದ್ದು, ಎಲ್ಲವೂ ಭಾರತೀಯ ಬಾಕ್ಸಿಂಗ್ ಸಂಸ್ಥೆಯ ನಿಯಮದಂತೆ ನಡೆದಿದೆ” ಎಂದು ಮೇರಿ ಹೇಳಿದ್ದಾರೆ.