ವೀಡಿಯೋ: ವಿಶ್ವಚಾಂಪಿಯನ್ ಸಿಂಧೂಗೆ ದೆಹಲಿಯಲ್ಲಿ ಅಭೂತಪೂರ್ವ ಸ್ವಾಗತ

ವಿಶ್ವ ಚಾಂಪಿಯನ್ ಪಿ ವಿ ಸಿಂಧೂ ತಾವು ಚಾಂಪಿಯನ್‌ಶಿಪ್ ವಿಜಯದ ನಂತರ ಅಭೂತಪೂರ್ವ ಸ್ವಾಗತದ ನಡುವೆ ಮಂಗಳವಾರ  ನಸುಕಿನ ಜಾವ ದೆಹಲಿಯ ಇಂದಿರಾ ಗಾಂಧಿ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಆಗಮಿಸಿದರು.

ರಾಷ್ಟ್ರ ರಾಜಧಾನಿಗೆ ಆಗಮಿಸಿದ ಪಿ.ವಿ ಸಿಂಧು, ಮಾಧ್ಯಮಗಳೊಂದಿಗೆ ಸಂಕ್ಷಿಪ್ತ ಸಂವಾದ ನಡೆಸಿದ್ದು ತನ್ನ ಐತಿಹಾಸಿಕ ಸಾಧನೆಗಾಗಿ ತನ್ನ ತರಬೇತುದಾರರಿಗೆ ಧನ್ಯವಾದಗಳನ್ನು ಅರ್ಪಿಸಿದರು.

ಹೈದರಾಬಾದ್ ಮೂಲದ 24 ವರ್ಷದ ಸಿಂಧೂ ಈ ಸಾಧನೆ ಮಾಡಿದ ಮೊದಲ ಭಾರತೀಯ ಮಹಿಳೆಯಾಗಿದ್ದಾರೆ. "ನಾನು ಎಲ್ಲರಿಗೂ ಧನ್ಯವಾದ ಹೇಳಲು ಬಯಸುತ್ತೇನೆ, ನನಗೆ ಬೆಂಬಲಿಸಿ ಆಶೀರ್ವಾದ ನಿಡಿದ ನ್ನ ಎಲ್ಲ ಅಭಿಮಾನಿಗಳಿಗೆ ಧನ್ಯವಾದಗಳು. ನಾನು ಹೆಚ್ಚು ಶ್ರಮಿಸುತ್ತೇನೆ ಮತ್ತು ಇನ್ನೂ ಅನೇಕ ಪದಕಗಳನ್ನು ಪಡೆಯುತ್ತೇನೆ ಇದು ನನ್ನ  ಬಹುನಿರೀಕ್ಷಿತ ಗೆಲುವು, ಕಳೆದೆರಡು ಬಾರಿ ಈ ಗೆಲುವಿನಿಂದ ವಂಚಿತಳಾಗಿದ್ದೆ.ಆದರೆ ಅಂತಿಮವಾಗಿ ನಾನು ಗುರಿ ಮುಟ್ಟಿದ್ದೇನೆ." ಎಂದು ಅವರು ಹೇಳಿದ್ದಾರೆ.  

"ನನ್ನ ಪಾಲಿಗಿದು ದೊಡ್ಡ ಕ್ಷಣ, ನಾನು ಭಾರತೀಯಳಾಗಿರಲು ಹೆಮ್ಮೆ ಇದೆ" ಸಿಂಧೂ ಹೇಳಿದರು.