ಏಷ್ಯನ್ ಕ್ರೀಡಾಕೂಟದ ಪಾಕೆಟ್ ಮನಿಯನ್ನು ಕೇರಳ ಸಂತ್ರಸ್ಥರಿಗೆ ನೀಡಿದ ಸೀಮಾ ಪುನಿಯಾ
ಏಷ್ಯನ್ ಕ್ರೀಡಾಕೂಟದಲ್ಲಿ ಕಂಚಿನ ಪದಕ ವಿಜೇತೆ, ಡಿಸ್ಕಸ್ ಎಸೆತ ಕ್ರೀಡಾತಾರೆ ಸೀಮಾ ಪುನಿಯಾ ಅವರು 700 ಡಾಲರ್ (ಸುಮಾರು 49000 ರೂ.) ಮೊತ್ತದ ತಮ್ಮ ಜಕಾರ್ತಾ ಪ್ರವಾಸಕ್ಕಾಗಿನ ಪಾಕೆಟ್ ಹಣ.....
Published On :
ಜಕಾರ್ತಾ: ಏಷ್ಯನ್ ಕ್ರೀಡಾಕೂಟದಲ್ಲಿ ಕಂಚಿನ ಪದಕ ವಿಜೇತೆ, ಡಿಸ್ಕಸ್ ಎಸೆತ ಕ್ರೀಡಾತಾರೆ ಸೀಮಾ ಪುನಿಯಾ ಅವರು 700 ಡಾಲರ್ (ಸುಮಾರು 49,000 ರೂ.) ಮೊತ್ತದ ತಮ್ಮ ಜಕಾರ್ತಾ ಪ್ರವಾಸಕ್ಕಾಗಿನ ಪಾಕೆಟ್ ಹಣ ಹಾಗೂ ಹೆಚ್ಚುವರಿ ಒಂದು ಲಕ್ಷ ರೂ. ಅನ್ನು ಕೇರಳ ಪ್ರವಾಹ ಸಂತ್ರಸ್ಥರಿಗಾಗಿ ನಿಡಿದ್ದಾರೆ.
35 ವರ್ಷದ ಸೀಮಾ ತಾವು ಕೇರಳಕ್ಕೆ ತರಳುವವರಿದ್ದು ಅಲ್ಲಿ ಕೆಲ ದಿನಗಳ ಕಾಲ ನೆಲೆಸಿ ಕಷ್ಟದಲ್ಲಿರುವವರಿಗೆ ಸಹಾಯ ಮಾಡುವುದಾಗಿ ಹೇಳುವ ಮೂಲಕ ಎಲ್ಲರಿಗೆ ಆದರ್ಶಪ್ರಾಯರಾಗಿದ್ದಾರೆ.
ಸೀಮಾ 2014 ಏಷ್ಯನ್ ಕ್ರೀಡಾಕೂಟದಲ್ಲಿ ಚಿನ್ನ್ದ ಪದಕ ಗಳಿಸಿದ್ದರಾದರೂ ಈ ಬಾರಿ ಕಂಚಿನ ಪದಕಕ್ಕಷ್ಟೇ ತೃಪ್ತಿ ಹೊಂದಬೇಕಾಗಿತ್ತು. 62.26 ಮೀ. ದೂರಕ್ಕೆ ಡಿಸ್ಕಸ್ ಎಸೆಯುವ ಮೂಲಕ ಸೀಮಾ ಕಂಚಿನ ಪದಕದ ಸಾಧನೆ ಮಾಡಿದ್ದರು.
ಸೀಮಾ ತಮ್ಮ ಸಹ ಕ್ರೀಡಾಪಟುಗಳಿಗೆ ಸಹ ಕೇರಳ ಸಂತ್ರಸ್ಥರಿಗೆ ಸಹಾಯ ನಿಡುವಂತೆ ಮನವಿ ಮಾಡಿದ್ದಾರೆ. ಕನಿಷ್ಟ ತಮ್ಮ ತಮ್ಮ ಪ್ರವಾಸಕ್ಕಾಗಿನ ಪಾಕೆಟ್ ಹಣದಲ್ಲಿ ಅರ್ಧದಷ್ಟನ್ನು ಕೇರಳ ನೆರೆ ಪರಿಹಾರಕ್ಕೆ ನಿಡುವಂತೆ ಅವರು ಕೇಳಿದ್ದಾರೆ.
ಏತನ್ಮಧ್ಯೆ ಹರಿಯಾಣ ಮೂಲದ ಸೀಮಾ ತನ್ನ ಬಲ ಪಾದದ ಮೂಳೆಯ ಸಮಸ್ಯೆಗೆ ಭಾರತಕ್ಕೆ ಮರಳಿದ ಬಳಿಕ ಚಿಕಿತ್ಸೆ ಪಡೆದುಕೊಳ್ಳುವುದಾಗಿಯೂ ತಿಳಿಸಿದರು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.