ಪಿವಿ ಸಿಂಧು ಚೀನಾ ಓಪನ್ ಟೂರ್ನಿ ಚಾಂಪಿಯನ್

ನವದೆಹಲಿ: ರಿಯೋ ಒಲಿಂಪಿಕ್ಸ್ ಬೆಳ್ಳಿ ಪದಕ ವಿಜೇತೆ ಭಾರತ ಸ್ಟಾರ್ ಷಟ್ಲರ್ ಪಿವಿ ಸಿಂಧು ಚೀನಾ ಓಪನ್ ಟೂರ್ನಿಯ ಫೈನಲ್ ಪಂದ್ಯದಲ್ಲಿ ಗೆಲುವು ಸಾಧಿಸಿದ್ದಾರೆ. 

ಫೈನಲ್ ಪಂದ್ಯದಲ್ಲಿ ಚೀನಾದ ಸೂನ್ ಯು ಅವರನ್ನು 21-11, 17-21, 21-11 ಸೆಟ್ ಗಳ ಅಂತರದಿಂದ ಮಣಿಸಿದ್ದು ಚೀನಾ ಓಪನ್ ಟೂರ್ನಿಯನ್ನು ತಮ್ಮದಾಗಿಸಿಕೊಂಡಿದ್ದಾರೆ.  ಕೇವಲ 17 ನಿಮಿಷಗಳಲ್ಲಿ ಮೊದಲ ಪಂದ್ಯವನ್ನು(ಸೆಟ್) 21-11 ರ ಅಂತರದಲ್ಲಿ ಮುಕ್ತಾಯಗೊಳಿಸಿದ ಸಿಂಧು, ಎರಡನೇ ಸೆಟ್ ನಲ್ಲಿ 14-10 ಅಂತರವನ್ನು ಕಾಯ್ದುಕೊಂಡರು. ನಂತರದ ಸೆಟ್ ಗಳಲ್ಲಿ ಸತತ 6 ಪಾಯಿಂಟ್ ಗಳನ್ನು ಪಡೆಯುವ ಮೂಲಕ  ಚೀನಾದ ಸೂನ್ ಯು ಸಮಬಲ ಸಾಧಿಸಿದರಾದರೂ, ಧೃತಿಗೆಡದ ಪಿವಿ ಸಿಂಧು ನಿರ್ಣಾಯಕ ಪಂದ್ಯದದಲ್ಲಿ 21-11 ಅಂತರ ಸಾಧಿಸುವ ಮೂಲಕ ಚೀನಾ ಓಪನ್ ಟೂರ್ನಿಯಲ್ಲಿ ಚಾಂಪಿಯನ್ ಆಗಿ ಹೊರಹೊಮ್ಮಿದ್ದಾರೆ. 

ಹೈದರಾಬಾದ್ ನ ಆಟಗಾರ್ತಿ ಸಿಂಧು ತಮ್ಮ ವೃತ್ತಿಜೀವನದ ಮೊಟ್ಟ ಮೊದಲ ಸೂಪರ್ ಸೀರಿಸ್ ಪ್ರೀಮಿಯರ್ ಪ್ರಶಸ್ತಿಯನ್ನು ಪಡೆದು ಚಾಂಪಿಯನ್ ಆಗಿದ್ದಾರೆ.