ಇರಾನಿ ಕಪ್: 480 ರನ್ ಬೆನ್ನಟ್ಟಿ ಜಯಗಳಿಸಿದ ಶೇಷ ಭಾರತ

ಮುಂಬೈ: ಕರ್ನಾಟಕದ ಕರುಣ್ ನಾಯರ್ ಮತ್ತು ಫೈಯಾಜ್ ಫಜಲ್ ಅಬ್ಬರದ ಬ್ಯಾಟಿಂಗ್‌ ನಿಂದಾಗಿ ರಣಜಿ ಚಾಂಪಿಯನ್ ಮುಂಬೈ ನೀಡಿದ್ದ 480 ರನ್ ಗಳ ಬೃಹತ್ ಗುರಿಯನ್ನು  ಶೇಷ  ಭಾರತ ತಂಡ ಮುಟ್ಟಿ ಇರಾನಿ ಟ್ರೋಫಿಯನ್ನು ಗೆದ್ದುಕೊಂಡಿತು.

ಬ್ರೆಬೊರ್ನ್ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ  ಶೇಷ  ಭಾರತ ಪರ ಫೈಯಾಜ್‌ ಫಜಲ್ 127, ಸುದೀಪ್ ಚಟರ್ಜಿ 54, ಕರುಣ್ ನಾಯರ್ 94, ಸ್ಟುವರ್ಟ್ ಬಿನ್ನಿ 54 ಮತ್ತು ಶೆಲ್ಡನ್ ಜಾಕ್ಸನ್ 59 ರನ್ ಗಳ ಕೊಡುಗೆ ಪಂದ್ಯ ಗೆಲ್ಲಲು ನೆರವಾಯಿತು.

ಬುಧವಾರ ದಿನದಾಟದ ಕೊನೆಗೆ  ಶೇಷ  ಭಾರತ ತಂಡವು 1 ವಿಕೆಟ್‌ ನಷ್ಟಕ್ಕೆ 100 ರನ್ ಗಳಿಸಿತ್ತು. ಇನ್ನು 380 ರನ್‌ ಗಳಿಸುವ ಸವಾಲು ತಂಡದ ಮುಂದಿತ್ತು. ದಿನದಾಟದ ಕೋಟಾದಲ್ಲಿ ಇನ್ನು 20 ಎಸೆತಗಳು ಬಾಕಿಯಿರುವಾಗಲೇ ಗೆಲುವು ಒಲಿಯಿತು.