ನಾವಿಬ್ಬರು ಸ್ನೇಹಿತರಷ್ಟೇ, ಆಕೆ ಮಾಡಿರುವ ಆರೋಪಗಳು ಸುಳ್ಳು: ಸರ್ದಾರ್ ಸಿಂಗ್

ಚಂಡೀಗಢ: ಬ್ರಿಟನ್ ಮೂಲದ ಮಹಿಳೆಗೆ ಲೈಂಗಿಕ ಕಿರುಕುಳ ಮತ್ತು ಅತ್ಯಾಚಾರ ಯತ್ನ ನಡೆಸಿದ ಆರೋಪ ಎದುರಿಸುತ್ತಿರುವ ಭಾರತ ಹಾಕಿ ತಂಡದ ನಾಯಕ ಸರ್ದಾರ್ ಸಿಂಗ್ ನಾವಿಬ್ಬರು ಸ್ನೇಹಿತರಷ್ಟೇ, ಆಕೆ ಮಾಡಿರುವ ಆರೋಪಗಳೆಲ್ಲ ಸುಳ್ಳು ಎಂದು ಹೇಳಿದ್ದಾರೆ.

ಅಶ್ಪಲ್ ಭೋಗಲ್ ನನ್ನ ಗೆಳತಿ ಹಾಗೂ ಪ್ರೇಯಸಿ ಆಕೆ ಮಾಡಿರುವ ಆರೋಪವೆಲ್ಲವೂ ನಿರಾಧಾರ ಎಂದು ಸರ್ದಾರ್ ಸಿಂಗ್ ತಿಳಿಸಿದ್ದಾರೆ. ನನಗೆ ಅಶ್ಪಲ್ ಪರಿಚಿತರಾದರೂ, ಅವರಿಗೆ ನಾನು ಯಾವುದೇ ರೀತಿಯಲ್ಲಿಯೂ ಲೈಂಗಿಕ ಕಿರುಕುಳವನ್ನಾಗಲೀ ಮತ್ಯಾವುದೇ ಮಾನಸಿಕ ಹಿಂಸೆಯನ್ನಾಗಲೀ ನೀಡಿಲ್ಲ. ಬದಲಿಗೆ, ಆಕೆಯೇ ನನ್ನನ್ನು ಮಾನಸಿಕ, ದೈಹಿಕ ಹಾಗೂ ಭಾವನಾತ್ಮಕವಾಗಿ ಹಿಂಸಿಸುತ್ತಿದ್ದಾಳೆ. ನಮ್ಮ ನಡುವೆ ವಿವಾಹ ನಿಶ್ಚಯವೇನೂ ಆಗಿಲ್ಲ. ಸದ್ಯ ನಾನು ಹಾಕಿ ವಿವಾಹ ನಿಶ್ಚಯವೇನೂ ಆಗಿಲ್ಲ.

ಸದ್ಯ ನಾನು ಹಾಕಿ ಇಂಡಿಯಾ ಲೀಗ್(ಎಚ್ಐಎಲ್) ನಲ್ಲಿ ತಲ್ಲೀನನಾಗಿದ್ದು, ಸೂಕ್ತ ಸಮಯಕ್ಕೆ ತಕ್ಕ ಉತ್ತರ ನೀಡುತ್ತೇನೆ ಎಂದು ಎಚ್ಐಎಲ್ ನಲ್ಲಿ ಜೇಪಿ ಪಂಜಾಬ್ ವಾರಿಯರ್ಸ್ ತಂಡವನ್ನು ಮುನ್ನಡೆಸುತ್ತಿರುವ ಸರ್ದಾರ್ ಸಿಂಗ್ ಪ್ರತಿಕ್ರಿಯಿಸಿದ್ದಾರೆ.

ಅಶ್ಪಲ್ ಭೋಗಲ್ ಅವರು ಸರ್ದಾರ್ ವಿರುದ್ಧ ಲೈಂಗಿಕ ಕಿರುಕುಳ ಮತ್ತು ಅತ್ಯಾಚಾರ ಯತ್ನ ದೂರು ದಾಖಲಿಸಿದ್ದು, ಮದುವೆಯಾಗುತ್ತೇನೆಂದು ನಂಬಿಸಿ ಈಗ ವಂಚಿಸಿದ್ದು, ನನಗೆ ಅನ್ಯಾಯ ಮಾಡಿದ್ದಾರೆ ಎಂದು ಆರೋಪಿಸಿದ್ದರು.