ಇಂದೋರ್ ಡ್ರೆಸ್ಸಿಂಗ್ ರೂಂ ಗೆ ರಾಹುಲ್ ದ್ರಾವಿಡ್ ಹೆಸರು

ಇಂದೋರ್: ಭಾರತ ಮತ್ತು ದಕ್ಷಿಣ ಆಫ್ರಿಕಾ ಮಧ್ಯೆ 2ನೇ ಏಕದಿನ ಪಂದ್ಯ ನಡೆಯಲಿರುವ  ಇಂದೋರ್ ನ ಹೋಳ್ಕರ್ ಮೈದಾನದ ತವರು ತಂಡದ ಡ್ರೆಸ್ಸಿಂಗ್ ರೂಮ್‌ಗೆ ಮಾಜಿ ನಾಯಕ ರಾಹುಲ್ ದ್ರಾವಿಡ್ ಅವರ ಹೆಸರನ್ನಿಡಲಾಗಿದೆ.

1973ರ ಜ.11ರಂದು ಇಂದೋರ್‌ನಲ್ಲಿ ಜನಿಸಿದ್ದ ದ್ರಾವಿಡ್, 2006ರಲ್ಲಿ ಈ ಕ್ರೀಡಾಂಗಣದಲ್ಲಿ ನಡೆದ ಮೊಟ್ಟ ಮೊದಲ ಏಕದಿನ ಪಂದ್ಯದಲ್ಲಿ ಭಾರತ ತಂಡದ ನೇತೃತ್ವ ವಹಿಸಿದ್ದರು. ಇಂಗ್ಲೆಂಡ್ ವಿರುದ್ಧದ ನಡೆದಿದ್ದ ಆ ಪಂದ್ಯದಲ್ಲಿ ದ್ರಾವಿಡ್ ಅವರ 69 ರನ್‌ಗಳ ನೆರವನಿಂದ ಭಾರತ 7 ವಿಕೆಟ್‌ಗಳ ಗೆಲುವು ಸಾಧಿಸಿತ್ತು.

ಅದೇ ಪಂದ್ಯದಲ್ಲಿ ಪದಾರ್ಪಣೆ ಮಾಡಿದ್ದ ಕರ್ನಾಟಕದವರೇ ಆದ ರಾಬಿನ್ ಉತ್ತಪ್ಪ 86 ರನ್ ಗಳಿಸಿದ್ದರು. ಇನ್ನು ಡ್ರೆಸ್ಸಿಂಗ್ ರೂಂ ಗೆ ರಾಹುಲ್ ಹೆಸರು ಇಟ್ಟಿರುವುದಕ್ಕೆ ಟೀಂ ಇಂಡಿಯಾ ಆಟಗಾರರ ಅದೃಷ್ಟ ಬದಲಾಗಬಹುದೆಂದು ಕ್ರಿಕೆಟ್ ಅಭಿಮಾನಿಗಳು ಆಭಿಪ್ರಾಯ ಪಟ್ಟಿದ್ದಾರೆ.