ಕೋಲ್ಕತ್ತಾಗೆ ಗೆಲುವು

 ಕೋಲ್ಕತಾ: ಕೆನಡಾ ಮೂಲದ ಆಟಗಾರ ಇಯಾನ್ ಹ್ಯೂಮ್  ಅವರ ಹ್ಯಾಟ್ರಿಕ್ ಗೋಲ್‍ಗಳ ನೆರವಿನಿಂದಾಗಿ, ಅಟ್ಲೆಟಿಕೋ ಡಿ ಕೋಲ್ಕತಾ ತಂಡವು, ಶುಕ್ರವಾರ ನಡೆದ ಇಂಡಿಯನ್ ಸೂಪರ್ ಲೀಗ್ (ಐಎಸ್‍ಎಲ್) ಪಂದ್ಯದಲ್ಲಿ ಪುಣೆ  ಎಫ್ ಸಿ ವಿರುದ್ಧ 4-1 ಗೋಲುಗಳ  ಅಂತರದಲ್ಲಿ ಜಯ ಸಾಧಿಸಿತು. ಪಂದ್ಯದ 9ನೇ ನಿಮಿಷದಲ್ಲಿ ಕೋಲ್ಕತಾ ತಂಡಕ್ಕೆ ಮೊದಲ ಗೋಲ್‍ನ ಸಂಭ್ರಮ ತಂದಿತ್ತ ಹ್ಯೂಮ್ , ಆನಂತರ, 48ನೇ, 82ನೇ ನಿಮಿಷಗಳಲ್ಲೂ ಗೋಲು ದಾಖಲಿಸಿದರು. ಸರ್ಬಿಯಾದ ಆಟಗಾರ ಡೆಜಾನ್ ಲೆಕಿಕ್ 90ನೇ ನಿಮಿಷದಲ್ಲಿ ತಂಡಕ್ಕೆ 4ನೇ ಗೋಲು ತಂದುಕೊಟ್ಟರು. ಎದುರಾಳಿಗಳ ಪರ ದಾಖಲಾದ ಏಕೈಕ ಗೋಲು, ಪಂದ್ಯದ 87ನೇ ನಿಮಿಷದಲ್ಲಿ ಆಂಡ್ರಿಯನ್ ಮುಟು ಅವರಿಂದ ದಾಖಲಾಯಿತು.

ಪಂದ್ಯದ ಆರಂಭದಿಂದಲೂ ಉತ್ತಮ ಪ್ರದರ್ಶನ ನೀಡಿದ ಕೋಲ್ಕತಾ ತಂಡವು, ತನ್ನ ರಕ್ಷಣಾ ವಿಭಾಗದಲ್ಲಿ ಭಾರಿ ಛಾತಿ ತೋರಿತು. ಇದರಿಂದಾಗಿ, ಗೋವಾ ತಂಡದಹಲವಾರು ಗೋಲು ಯತ್ನಗಳು ವಿಫಲಗೊಂಡವು. ಮತ್ತೊಂದೆಡೆ, ತನ್ನ ಆಕ್ರಮಣಕಾರಿ ಆಟವನ್ನು ಮುಂದುವರಿಸಿದ ಹ್ಯೂಮ್ , ಒಂದರ ಮೇಲೊಂದರಂತೆ ಗೋಲು ಗಳಿಸಿದ ಮೇಲೆ, ಎದುರಾಳಿಗಳ ಆತ್ಮಸ್ಥೈರ್ಯ ಕುಗ್ಗಿದಂತೆ ಭಾಸವಾಯಿತು. ಇದೆಲ್ಲದರ ಫಲವಾಗಿ ಕೋಲ್ಕತಾ 

ಜಯಿಸಿತು.