ಕ್ಲಾಸಿಕ್ ಸ್ಕ್ವಾಷ್ ಕ್ವಾರ್ಟರ್ ನಲ್ಲಿ ಸಂಧುಗೆ ಸೋಲು

ಪಾಲ್ಮೆರ್‍ಸ್ಟೋನ್ (ನ್ಯೂಜಿಲೆಂಡ್): ಪಂದ್ಯದಲ್ಲಿ ಉತ್ತಮವಾದ ಆರಂಭ ಕಂಡರೂ, ಭಾರತದ ಆಟಗಾರ ಹರಿಂದರ್ ಸಂಧು ಅವರು, ಇಲ್ಲಿ ನಡೆಯುತ್ತಿರುವ ನ್ಯೂಜಿಲೆಂಡ್ ಅಂತಾರಾಷ್ಟ್ರೀಯ

ಕ್ಲಾಸಿಕ್ ಸ್ಕ್ವಾಷ್ ಟೂರ್ನಿಯ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಸ್ಥಳೀಯ ಆಟಗಾರ ಕ್ಯಾಂಪ್‍ ಬೆಲ್ ಗ್ರೇಸನ್ ವಿರುದ್ಧ 11-9, 11-8, 8-11, 11-5 ಗೇಮ್ ಗಳ ಅಂತರದಲ್ಲಿ ಸೋಲು ಕಂಡರು.

ಶುಕ್ರವಾರ ನಡೆದ ಈ ಪಂದ್ಯದಲ್ಲಿ, ವಿಶ್ವದ 2ನೇ ಶ್ರೇಯಾಂಕಿತ ನೊಂದಿಗೆ ಸೆಣೆಸಿದ್ದ ಸಂಧು, ಮೊದಲ ಗೇಮïನಲ್ಲಿ 9-7 ಅಂಕಗಳ ಅಂತದಲ್ಲಿ ಮುನ್ನಡೆ ಸಾಧಿಸಿದ್ದರು. ಆದರೆ, ಗ್ರೇಸನ್ ಅವರು ಪಟ್ಟು ಸಡಿಲಿಸಲಿಲ್ಲ. ಸಂಧು ವಿರುದ್ಧ ಏಕಾಏಕಿ ಆಕ್ರಮಣಕಾರಿ ಆಟಕ್ಕೆ ಮುಂದಾದ ಅವರು, ಮೊದಲ ಗೇಮ್ ನಲ್ಲಿ ಜಯ ಸಾಧಿಸಿದರು. 2ನೇ ಗೇಮ್ ನಲ್ಲಿ ಸಂಧು ವಿರುದ್ಧ ಏಕಾಏಕಿ ಆಕ್ರಮಣಕಾರಿ ಆಟಕ್ಕೆ ಮುಂದಾದ ಅವರು ಮೊದಲ ಗೇಮ್ ನಲ್ಲಿ ಜಯ ಸಾಧಿಸಿದರು. 2ನೇ ಗೇಮ್ ನಲ್ಲಿ ಗೆದ್ದು ಸಂಧು ಎದುರಾಳಿ ವಿರುದ್ಧ ಸಡ್ಡು ಹೊಡೆಯುತ್ತಾರೆ ಎಂಬ ನಿರೀಕ್ಷೆ ಹುಸಿಯಾಯಿತು.

ಆದರೆ, ಮೂರನೇ ಸೆಟ್‍ನಲ್ಲಿ ಸಂಧು ಗೆಲವು ಪಡೆದು ಕೊಂಚ ನಿರೀಕ್ಷೆ ಮೂಡಿಸಿದರು. ಆದರೆ, 4ನೇ ಸೆಟ್‍ನಲ್ಲಿ ಪುನಃ ಗ್ರೇಸನ್ ಅವರೇ ಗೆಲುವು ಪಡೆಯುವ ಮೂಲಕ ಪಂದ್ಯದಲ್ಲ ಜಯ ಸಾಧಿಸಿದರು.