ಫಿಫಾ ಮಾಜಿ ಉಪಾಧ್ಯಕ್ಷ ಬಂಧನ

ಮೊಂಟೆವಿಡಿಯೊ: ಅಂತಾರಾಷ್ಟ್ರೀಯ ಫುಟ್ಬಾಲ್ ಸಂಸ್ಥೆ(ಪಿಫಾ) ಪದಚ್ಯುತ ಉಪಾಧ್ಯಕ್ಷ ಯೂಗಿನಿಯೊ ಫಿಗ್ಯುರೆಡೊ ಅವರನ್ನು ಅವರ ಸ್ವದೇಶವಾದ ಉರುಗ್ವೆಯಲ್ಲಿ ಬಂಧಿಸಲಾಗಿದೆ.

ಪಿಫಾ ಹಗರಣಕ್ಕೆ ಸಂಬಂಧಪಟ್ಟಂತೆ ಸ್ವಿಜರ್ಲೆಂಡ್ ಪೊಲೀಸರಿಂದ ಈ ಹಿಂದೆ ಬಂಧನಕ್ಕೊಳಗಾಗಿದ್ದಯೂಗಿನಿಯೊ ಅವರನ್ನು ಇತ್ತೀಚೆಗೆ ಉರುಗ್ವೆ ಪೊಲೀಸರು ತಮ್ಮ ವಶಕ್ಕೆ ನೀಡಬೇಕೆಂದು ಕೋರಿದ್ದರು. ಈ ಹಿನ್ನೆಲೆಯಲ್ಲಿ, ಅವರನ್ನು ಸ್ವಿಜರ್ಲೆಂಡ್‍ನಿಂದ ಉರುಗ್ವೆಗೆ ಕಳುಹಿಸಲಾಗಿತ್ತು.

ಗುರುವಾರ ಉರುಗ್ವೆಗೆ ಬಂದಿಳಿದ ಕೂಡಲೇ ಸ್ಥಳೀಯ ಪೊಲೀಸರು ಅವರನ್ನು ಬಂಧಿಸಿದರು ಎಂದು ಹೇಳಲಾಗಿದೆ. ಬಂಧನ ನಂತರವೇ ಅವರನ್ನು ಸ್ಥಳೀಯ ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದ್ದು, ಸದ್ಯಕ್ಕೆ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ. ಅವರ ಮೇಲೆ ಮುಂದೆ ಗೃಹಬಂಧನ ಹೇರಬಹುದೆಂಬ ನಿರೀಕ್ಷೆಯಿದೆ.