ಮರಿನ್ ಪಾಲಾದ ವರ್ಷದ ಆಟಗಾರ್ತಿ ಗೌರವ

ದುಬೈ: ವಿಶ್ವ ಬ್ಯಾಡ್ಮಿಂಟನ್ ಒಕ್ಕೂಟದ ವರ್ಷದ ಮಹಿಳಾ ಬ್ಯಾಡ್ಮಿಂಟನ್ ಆಟಗಾರ್ತಿ ಪ್ರಶಸ್ತಿಗೆ ನಾಮನಿರ್ದೇಶನಗೊಂಡಿದ್ದ ಭಾರತದ ಸೈನಾ ನೆಹ್ವಾಲ್ ಗೆ ನಿರಾಸೆಯಾಗಿದೆ. ಕಾರಣ ಆಲ್ ಇಂಗ್ಲೆಂಡ್ ಚಾಂಪಿಯನ್ ಮತ್ತು ವಿಶ್ವ ಚಾಂಪಿಯನ್‍ಶಿಪ್ ವಿಜೇತೆ ಕ್ಯಾರೊಲಿನ್ ಮರಿನ್ ಈ ಪ್ರತಿಷ್ಠಿತ ಪ್ರಶಸ್ತಿಯನ್ನು ಪಡೆದುಕೊಂಡಿದ್ದಾರೆ.

ಸೋಮವಾರ ರಾತ್ರಿ ನಡೆದ ಸಮಾರಂಭದಲ್ಲಿ ಮರಿನ್ ಬಿಡಬ್ಲ್ಯೂಎಫ್  ಅಧ್ಯಕ್ಷ ಪೌಲ್ ಎರಿಕ್ ಹೈರ್ ಅವರಿಂದ ಮರಿನ್ ಈ ಪ್ರಶಸ್ತಿಯನ್ನು ಪಡೆದರು. ಐದು ವಿಶ್ವ ಸೂಪರ್ ಸಿರೀಸ್ ಟೂರ್ನಿಗಳನ್ನು ಗೆದ್ದುಕೊಂಡಿರುವ ಕ್ಯಾರೊಲಿನ್ ಮರಿನ್, ಭಾರತದ ಸೈನಾ ನೆಹ್ವಾಲ್ ಜತೆಗೆ ಚೀನಾದ ಝಾವ್ ಯುನ್ಲೆ ಮತ್ತು ಬಾವ್ ಯಿಕ್ಸಿನ್ ಅವರನ್ನು ಸಹ ಹಿಂದಿಕ್ಕಿ ಪ್ರಶಸ್ತಿಗೆ ಭಾಜನರಾಗಿದ್ದಾರೆ.

``ಈ ಪ್ರಶಸ್ತಿಯನ್ನು ಚೀನಾದ ಝಾವ್ ಅವರು ಗೆಲ್ಲುವುದಾಗಿ ಭಾವಿಸಿದ್ದೆ. ಕಾರಣ ಈ ವರ್ಷ ಅವರು ಉತ್ತಮ ಸಾಧನೆ ಮಾಡಿದ್ದರು. ಈ ಪ್ರಶಸ್ತಿ ನನಗೆ ಲಭಿಸಿರುವುದು ಸಂತಸ ತಂದಿದೆ.  ಇದರಿಂದ ಈ ವರ್ಷ ನಾನು ಏನಾದರೂ ಸಾಧನೆ ಮಾಡಿದ್ದೇನೆ ಎಂಬುದನ್ನು ನೆನಪಿಸುತ್ತದೆ'' ಎಂದರು