ಟೀಂ ಇಂಡಿಯಾ ನಾಯಕ ಧೋನಿಗೆ 500 ರು. ದಂಡ

ರಾಂಚಿ: ವಿಶ್ವಕಪ್ ಸೋಲಿನ ಕಹಿ ನೆನಪಿನೊಂದಿಗೆ ಸ್ವದೇಶಕ್ಕೆ ಮರಳಿರುವ ಟೀಂ ಇಂಡಿಯಾ ನಾಯಕ ಮಹೇಂದ್ರ ಸಿಂಗ್ ಧೋನಿ, ತಮ್ಮ ಮೆಚ್ಚಿನ ಬೈಕ್ ವಿಂಟೆಜ್ ಬುಲೆಟ್ ನಲ್ಲಿ ಸೋಮವಾರ ನಗರದ ಪ್ರದರ್ಶನೆ ಮಾಡಿದ್ದರು. ಸಂದರ್ಭದಲ್ಲಿ ಸಂಚಾರಿ ನಿಯಮ ಉಲ್ಲಂಘಿಸಿದ್ದು, ಈ ಸಂಬಂಧ ಸಂಚಾರಿ ಪೊಲೀಸರು ಧೋನಿಗೆ 500 ರು. ದಂಡ ವಿಧಿಸಿದ್ದಾರೆ.

ಸಂಚಾರಿ ನಿಯಮದಡಿ ವಾಹನದ ರಿಜಿಸ್ಟ್ರೇಷನ್ ನಂಬರ್ ಪ್ಲೇಟ್ ನ್ನು ವಾಹನದ ಮುಂದೆ ಪ್ರದರ್ಶಿಸಬೇಕು. ಆದರೆ ಧೋನಿ ತಮ್ಮ ಬುಲೆಟ್ ನ ಮುಂದೆ ನಂಬರ್ ಪ್ಲೇಟ್ ನ್ನು ಪ್ರದರ್ಶಿಸದೆ. ಮುಂದಿನ ಚಕ್ರದ ಮಡ್ ಗಾರ್ಡ್ ನ ಎಡಬದಿಯಲ್ಲಿ ನಂಬರ್ ನ್ನು ಬರೆದಿದ್ದು, ಈ ಹಿನ್ನೆಲೆಯಲ್ಲಿ ಸೆಕ್ಷನ್ 122/179ರ ಮೋಟಾರು ಕಾಯ್ದೆ ಅಡಿಯಲ್ಲಿ 500 ದಂಡ ವಿಧಿಸಲಾಗಿದ್ದು,  ಈ ದಂಡವನ್ನು ಧೋನಿ ಕುಟುಂಬದವರು ಕಟ್ಟಿರುವುದಾಗಿ ಸಂಚಾರಿ ಪೊಲೀಸ್ ಅಧೀಕ್ಷಕ ಕಾರ್ತಿಕ್ ಅವರು ಹೇಳಿದ್ದಾರೆ.

ತಮ್ಮ ವಿಂಜೆಟ್ ಬುಲೆಟ್ ನಲ್ಲಿ ಸವಾರಿ ಹೊರಟಿದ್ದ ಚಿತ್ರಗಳು ದಿನಪತ್ರಿಕೆಗಳಲ್ಲಿ ಪ್ರಕಟಗೊಂಡಿದ್ದವು. ಈ ಚಿತ್ರಗಳ ಆಧಾರದ ಮೇಲೆ ಧೋನಿ ಅವರು ಸಂಚಾರಿ ನಿಯಮವನ್ನು ಸ್ಪಷ್ಟವಾಗಿ ಉಲ್ಲಂಘಿಸಿರುವುದು ಕಂಡುಬಂದಿದ್ದು , ಈ ಹಿನ್ನೆಲೆಯಲ್ಲಿ ಅವರಿಗೆ ದಂಡೆ ವಿಧಿಸಲಾಗಿದೆ ಎಂದರು.