ಟಿಟಿ: ಅಂಕಿತಾ, ಮೌಮಾಗೆ ಸೋಲು

ಬೂಸಾನ್ (ಕೊರಿಯಾ): ಒಲಿಂಪಿಯನ್ ಅಂಕಿತಾ ದಾಸ್, ರಾಷ್ಟ್ರೀಯ ಚಾಂಪಿಯನ್ ಕೆ, ಶ್ಯಾಮಿನಿ ಹಾಗೂ ಮೌಮಾ ದಾಸ್ ಅವರು ಕೊರಿಯಾದಲ್ಲಿ ನಡೆಯತ್ತಿರುವ ಏಷ್ಯನ್ ಟಿಟಿ ಚಾಂಪಿಯನ್‌ಷಿಪ್‌ನ ಮೂರನೇ ಸುತ್ತಿನಲ್ಲಿ ಸೋಲನುಭವಿಸಿದ್ದಾರೆ. ಇದರೊಂದಿಗೆ ಮಹಿಳೆಯರ ಸಿಂಗಲ್ಸ್ ವಿಭಾಗದಲ್ಲಿ ಭಾರತದ ಸವಾಲು ಅಂತ್ಯಗೊಂಡಿದೆ.
ಅಂಕಿತಾ ಪ್ರೀ ಕ್ವಾರ್ಟರ್‌ಫೈನಲ್ ಪಂದ್ಯದಲ್ಲಿ ಚೀನಾದ ಚೆನ್ ಮೆಂಗ್ ವಿರುದ್ಧ 0-4 ಅಂತರದಿಂದ ಸೋಲನುಭವಿಸಿದ್ದಾರೆ. ಶ್ಯಾಮಿನಿ ಅವರು ವಿಶ್ವ ನಂಬರ್ 1 ಆಟಗಾರ್ತಿ ಚೀನಾದ ದಿಂಗ್ ನಿಂಗ್ ವಿರುದ್ಧ 7-11, 3-11, 10-12, 5-11 ಸೆಟ್‌ಗಳಿಂದ ಸೋಲನುಭವಿಸಿದರು. ಇನ್ನು ಮೌಮಾ ದಾಸ್ ಅವರು ಜಪಾನ್‌ನ ಕಾಸುಮಿ ಇಶಿಕಾವಾ ವಿರುದ್ಧ (9) 4-11, 11-8, 2-11, 7-11, 7-11 ಸೆಟ್‌ಗಳಿಂದ ಸೋಲನುಭವಿಸಿದರು. ಇನ್ನು ಪುರುಷರ ಡಬಲ್ಸ್ ವಿಭಾಗದಲ್ಲಿ ಭಾರತದ ಅಚಂತಾ ಶರತ್ ಕಮಲ್ ಮತ್ತು ಸುನಿಲ್ ಶೆಟ್ಟಿ ಅವರು ಅಂತಿಮ 16ರ ಘಟ್ಟದ ಪಂದ್ಯದಲ್ಲಿ ಹಾಂಕಾಂಗ್‌ನ ಚೆಂಗ್ ಯೂಕ್ ಮತ್ತು ಲಿಯುಂಗ್ ಚು ಯಾನ್ ಜೋಡಿ ವಿರುದ್ಧ 4-11, 11-6, 11-9, 8-11, 8-11 ಪರಾಭವ ಹೊಂದಿತು.
ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ಭಾರತ ಶರತ ಕಮಲ್, ಹರ್ಮೀತ್ ದೇಸಾಯಿ, ಶೆಟ್ಟಿ ಹಾಗೂ ಅಂತೋನಿ ಅಮಲ್‌ರಾಜ್ ಶನಿವಾರ ತಮ್ಮ ಹೋರಾಟ ನಡೆಸಲಿದ್ದಾರೆ.