ನಿಪ್ಪಾನ್ ಪೇಂಟ್ ಮತ್ತು ಮಂಗಳಮುಖಿ ಸಮುದಾಯದಿಂದ ವಿವೇಕಾನಂದ ಮೆಟ್ರೋ ನಿಲ್ದಾಣಕ್ಕೆ ಹೊಸ ಲುಕ್!

ಏಷ್ಯಾ ಪೆಸಿಫಿಕ್ ನ ಪ್ರಮುಖ ಪೇಂಟ್ ತಯಾರಕರಾದ ನಿಪ್ಪಾನ್ ಪೇಂಟ್ (ಇಂಡಿಯಾ) ಪ್ರೈವೇಟ್ ಲಿಮಿಟೆಡ್ (ಅಲಂಕಾರಿಕ ವಿಭಾಗ) ಮತ್ತು ಅರವಾಣಿ ಆರ್ಟ್ ಪ್ರಾಜೆಕ್ಟ್ ನ ಸದಸ್ಯರು ಇಂದು ಸ್ವಾಮಿ ವಿವೇಕಾನಂದ ಮೆಟ್ರೋ ನಿಲ್ದಾಣದ ಶಿಥಿಲಗೊಂಡ ಗೋಡೆಗಳನ್ನು ನವೀಕರಿಸುವ ಅಂತಿಮ  ಕಾರ್ಯವನ್ನು ಯಶಸ್ವಿಯಾಗಿ ಮುಗಿಸಿದರು. ಸಾಂಕ್ರಾಮಿಕ ಸಮಯದಲ್ಲಿ ತಮ್ಮ ಪ್ರಾಣವನ್ನೇ ಪಣಕ್ಕಿಡುತ್ತಿರುವ ಮುಂಚೂಣಿ ಕಾರ್ಮಿಕರು ಮತ್ತು ಆರೋಗ್ಯ ವೃತ್ತಿಪರರ ಶ್ರಮಕ್ಕೆ ಗೌರವ ಸಲ್ಲಿಸುವ ಪ್ರಯತ್ನದಲ್ಲಿ ನಿಪ್ಪಾನ್ ಪೇಂಟ್ ಈ ಉಪಕ್ರಮವನ್ನು ಪ್ರಾರಂಭಿಸಿದೆ. ಸೆಪ್ಟೆಂಬರ್‌ನಲ್ಲಿ ಪ್ರಾರಂಭವಾದ ಈ ಯೋಜನೆಯಲ್ಲಿ ಅರವಾಣಿ ಆರ್ಟ್ ಪ್ರಾಜೆಕ್ಟ್ ನ ಮಂಗಳಮುಖಿ ಸ್ವಯಂಸೇವಕರು ಸ್ವಾಮಿ ವಿವೇಕಾನಂದ ಮೆಟ್ರೋ ನಿಲ್ದಾಣದ ಹೊರಗೆ ಅನೇಕ ಗೋಡೆಗಳಿಗೆ ಚಿತ್ರಗಳನ್ನು ಬಿಡಿಸಿ ಕೊನೆಯ ಭಾಗವನ್ನು ಮುಗಿಸಿದರು. ಕೋವಿಡ್ ಭಿತ್ತಿಚಿತ್ರಗಳು, ವಿನ್ಯಾಸಗಳು ಮತ್ತು ಕೋವಿಡ್ -19 ರ ಮಧ್ಯೆ ಮುಂಚೂಣಿ ಕಾರ್ಮಿಕರು ಮತ್ತು ಆರೋಗ್ಯ ವೃತ್ತಿಪರರ ಉತ್ಸಾಹವನ್ನು ಆಚರಿಸುವ ಮಾದರಿಗಳಿಂದ 4,000 ಚದರ ಅಡಿ ಗೋಡೆಯ ಪ್ರದೇಶವನ್ನು ಈಗ ಸುಂದರಗೊಳಿಸಲಾಗಿದೆ.

ಶ್ರೀ ಪಡಸಲ್ಗಿ ವಿನಯ್ ಜಯತೀರ್ಥಿ - ಜಿಎಂ (ಮಾರಾಟ) ಕರ್ನಾಟಕ, ನಿಪ್ಪಾನ್ ಪೇಂಟ್ (ಇಂಡಿಯಾ) ಪ್ರೈವೇಟ್ ಲಿಮಿಟೆಡ್ (ಅಲಂಕಾರಿಕ ವಿಭಾಗ), ಈ ಕಾರ್ಯಕ್ರಮವನ್ನು ಪ್ರಾರಂಭಿಸಿದ್ದು, ಅನೇಕ ಸ್ವಯಂಸೇವಕರು ಇದರಲ್ಲಿ ಭಾಗವಹಿಸಿದರು. ನಿಲ್ದಾಣದ ಆಯ್ದ ಪ್ರದೇಶಗಳಿಗೆ ಸುರಕ್ಷಿತ ಮತ್ತು ತಾಜಾ ಹೊಸ ನೋಟವನ್ನು ನೀಡಲು ಸುಮಾರು 120 ಲೀಟರ್ ಪರಿಸರ ಸ್ನೇಹಿ ಬಣ್ಣಗಳು, ಪ್ರೈಮರ್ಗಳು ಮತ್ತು ಚಿತ್ರಕಲೆ ಸಾಧನಗಳನ್ನು ನಿಪ್ಪಾನ್ ಪೇಂಟ್ ಪೂರೈಸಿದೆ. ಚಿತ್ರಕಲೆಯು ಸುರಕ್ಷಿತ ವಲಯವೆಂದು ಖಚಿತಪಡಿಸಿಕೊಳ್ಳಲು ಸರಿಯಾದ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳುವ ಮೂಲಕ ನಿಪ್ಪಾನ್ ಸಹ ಉಪಕ್ರಮಕ್ಕೆ ಬೆಂಬಲವನ್ನು ನೀಡಿದೆ ಮತ್ತು ಎಲ್ಲಾ ಸ್ವಯಂಸೇವಕರಿಗೆ ಚಿತ್ರಕಲೆ ಕೈಗೊಳ್ಳುವಾಗ ತಮ್ಮನ್ನು ಸುರಕ್ಷಿತವಾಗಿಡಲು ಅಗತ್ಯವಾದ ಸುರಕ್ಷತಾ ವಸ್ತುಗಳನ್ನು ಒದಗಿಸಲಾಗಿದೆ.

ಉಪಕ್ರಮದ ಕುರಿತು ಮಾತನಾಡಿದ ನಿಪ್ಪಾನ್ ಪೇಂಟ್ ಇಂಡಿಯಾದ ಡೆಕೊರೋಟಿವ್ ಪೇಂಟ್ ಅಧ್ಯಕ್ಷ ಎಸ್.ಮಹೇಶ್ ಆನಂದ್ ಅವರು, “ಪ್ರಸ್ತುತ ಸಾಂಕ್ರಾಮಿಕ ಸಮಯದಲ್ಲಿ ಮುಂಚೂಣಿಯ ಕೆಲಸಗಾರರು ಮತ್ತು ಆರೋಗ್ಯ ವೃತ್ತಿಪರರ ಸೇವೆಗೆ ನಿಪ್ಪಾನ್ ಪೇಂಟ್ ವಂದಿಸುತ್ತದೆ, ಅವರು ನಮ್ಮೆಲ್ಲರನ್ನೂ ಸುರಕ್ಷಿತವಾಗಿಡಲು ತಮ್ಮ ವೈಯಕ್ತಿಕ ಸುರಕ್ಷತೆಯನ್ನು ಅಪಾಯಕ್ಕೊಡ್ಡಿದ್ದಾರೆ. ಅಂತಹ ಸಮಯದಲ್ಲಿ ಅವರ ಸೇವೆಗಳಿಗೆ ನಮ್ಮ ಪ್ರೋತ್ಸಾಹ ಮತ್ತು ಮಾನ್ಯತೆಯನ್ನು ನೀಡಲು ಇದು ನಮ್ಮ ಪ್ರಯತ್ನವಾಗಿದೆ. ಈ ಉಪಕ್ರಮದಲ್ಲಿ ನಮ್ಮೊಂದಿಗೆ ಕೆಲಸ ಮಾಡಲು ಅರವಾಣಿ ಆರ್ಟ್ ಪ್ರಾಜೆಕ್ಟ್ ನಿಂದ ಮಂಗಳಮುಖಿ ಸಮುದಾಯದ ಸದಸ್ಯರೊಂದಿಗೆ ಕೈಜೋಡಿಸಲು ನಾವೆಲ್ಲರೂ ಹೆಚ್ಚು ಸಂತೋಷಪಡುತ್ತೇವೆ. ಸಮುದಾಯವು ಅವರ ಕಲಾತ್ಮಕ ಸಾಮರ್ಥ್ಯಗಳನ್ನು ಪ್ರದರ್ಶಿಸುವುದನ್ನು ಮತ್ತು ನಮ್ಮ ದೃಷ್ಟಿಗೆ ಜೀವ ತುಂಬುವುದನ್ನು ನೋಡುವುದು ಹೃದಯಸ್ಪರ್ಶಿಯಾಗಿದೆ. ಈ ಉಪಕ್ರಮವು ಸಂವಹನವನ್ನು ಪ್ರಾರಂಭಿಸುತ್ತದೆ ಮತ್ತು ಸಮುದಾಯದ ಸದಸ್ಯರು ತಾವು  ಬಹಳ ಹಿಂದಿನಿಂದಲೂ ವಂಚಿತವಾಗಿರುವ, ತಮ್ಮನ್ನು ಕಲಾತ್ಮಕವಾಗಿ ವ್ಯಕ್ತಪಡಿಸಲು ಅನುವು ಮಾಡಿಕೊಡುತ್ತದೆ ಎಂದು ನಾವು ಭಾವಿಸುತ್ತೇವೆ”.