ಚಂದ್ರಯಾನ-2ರ ಎರಡನೇ ಹಂತದ ಕಾರ್ಯಾಚರಣೆ ಯಶಸ್ವಿ
ಕಳೆದ 22ರಂದು ಉಡಾವಣೆಯಾದ ಚಂದ್ರಯಾನ-2 ಶುಕ್ರವಾರ ಯಶಸ್ವಿಯಾಗಿ ತನ್ನ ಎರಡನೇ ಭೂ ಸ್ಥಿರ ...
Published On :
ನವದೆಹಲಿ: ಕಳೆದ 22ರಂದು ಉಡಾವಣೆಯಾದ ಚಂದ್ರಯಾನ-2 ಶುಕ್ರವಾರ ತನ್ನ ಎರಡನೇ ಸುತ್ತಿನ ಕಾರ್ಯಾಚರಣೆಯನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದೆ.
ನಿಗದಿತ ಯೋಜನೆಯಂತೆ ಇಂದು ಮಧ್ಯರಾತ್ರಿ 1 ಗಂಟೆ 8 ನಿಮಿಷಕ್ಕೆ 883 ಸೆಕೆಂಡ್ ವೇಗದಲ್ಲಿ ಕಂಪ್ಯೂಟರ್ ಚಾಲನಾ ವ್ಯವಸ್ಥೆಯಿಂದ ಎರಡನೇ ಸುತ್ತಿನ ಭೂ ಸ್ಥಿರ ಕಕ್ಷೆ ಹೆಚ್ಚಿಸುವ ಕಾರ್ಯ ಪೂರ್ಣಗೊಳಿಸಿದೆ. ಭೂ ಸ್ಥಿರ ಕಕ್ಷೆಯಿಂದ ಉಪಗ್ರಹ ಈಗಾಗಲೇ 251*54829 ಕಿಲೋ ಮೀಟರ್ ಎತ್ತರದಲ್ಲಿ ಸಂಚರಿಸಿದೆ.
ಎಲ್ಲಾ ಅಂತರಿಕ್ಷ ನಿಯತಾಂಕಗಳು ಸಹಜವಾಗಿವೆ ಎಂದು ಇಸ್ರೊ ಟ್ವೀಟ್ ಮಾಡಿದೆ.
ಮೂರನೇ ಭೂ ಸ್ಥಿರ ಕಕ್ಷೆಯಿಂದ ನೌಕೆಯನ್ನು ಹೆಚ್ಚಿಸುವ ಕಾರ್ಯ ಇದೇ 29ರಂದು ಅಪರಾಹ್ನ 2.30ರಿಂದ 3.30ರ ನಡುವೆ ನಡೆಯಲಿದೆ.
ಚಂದ್ರಯಾನ-2 ಚಂದ್ರನಲ್ಲಿಗೆ ಆಗಸ್ಟ್ 20ರಂದು ತಲುಪಲಿದೆ. ಚಂದ್ರಯಾನ-2 ಮೂರು ಭಾಗಗಳನ್ನು ಒಳಗೊಂಡಿದ್ದು, ಅವುಗಳಲ್ಲಿ ಕಕ್ಷೆಗಾಮಿ(2,379 ಕೆಜಿ ತೂಕದ 8 ಪೇಲೋಡ್), ಲ್ಯಾಂಡರ್ ವಿಕ್ರಮ್(1,471 ಕೆಜಿ ತೂಕದ 4 ಪೇಲೋಡ್), ರೋವರ್ ಪ್ರಜ್ಞ್ಯಾನ್(27 ಕೆಜಿ ತೂಕದ ಎರಡು ಪೇಲೋಡ್) ಗಳನ್ನು ಹೊಂದಿದೆ.
ಚಂದ್ರಯಾನ-2 ಮೊದಲ ಸುತ್ತಿನ ಭೂ ಕಕ್ಷೆ ಹೆಚ್ಚಿಸುವ ಕಾರ್ಯ ಕಳೆದ 24ರಂದು ಪೂರ್ಣಗೊಳಿಸಿತ್ತು. ಲ್ಯಾಂಡರ್ ವಿಕ್ರಮ್ ಚಂದ್ರನ ಮೇಲ್ಮೈ ಮೇಲೆ ಸೆಪ್ಟೆಂಬರ್ 7ರಂದು ಇಳಿಯಲಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.