ಮೆಸೇಜ್ ಕಳಿಸಿದ ನಂತರವೂ ಡಿಲೀಟ್ ಮಾಡಬಹುದಾದ ಆ್ಯಪ್

ವಾಷಿಂಗ್ಟನ್: ನೀವು ಯಾರಿಗಾದರು ತಪ್ಪಾಗಿ ಎಸ್ಎಂಎಸ್ ಮೆಸೇಜ್ ಕಳಿಸಿಬಿಟ್ಟು, ಅಯ್ಯೊ ಅವರು ಅದನ್ನು ನೋಡದಿದ್ದರೆ ಸಾಕಪ್ಪ ಎನ್ನುವಂತಾಗಿದ್ದರೆ, ಇದೀಗ ಅದಕ್ಕಾಗಿ ಬಂದಿದೆ ಹೊಸ ಆ್ಯಪ್. 'ಇನ್ವಿಸಿಬಲ್ ಟೆಕ್ಸ್ಟ್' ಆ್ಯಪ್. ಇದು ನೀವು ಕಳಿಸಿದ ಮೆಸೇಜನ್ನು ತಕ್ಷಣವೇ ಡಿಲೀಟ್ ಮಾಡಲು ನೆರವಾಗುತ್ತದೆ.

ಇದು ನೀವು ಕಳಿಸಿದ ಮೆಸೇಜನ್ನು ಅವರು ಇನ್ನೂ ತೆರೆಯದಿದ್ದರೆ, ಅದನ್ನು ಡಿಲೀಟ್ ಮಾಡಲು ಕಳುಹಿಸಿದವರಿಗೆ ಸಹಾಯ ಮಾಡುತ್ತದೆ ಎಂದು ಈವೀಕ್ ನಿಯತಕಾಲಿಕೆ ವರದಿ ಮಾಡಿದೆ.

ಬಳಕೆದಾರರು ಈ ಆ್ಯಪ್ ನ ಮೂಲಕ ವಿಡಿಯೋಗಳನ್ನು, ಟೆಕ್ಸ್ಟ್ ಗಳನ್ನು, ವಾಯ್ಸ್ ಮೆಸೇಜ್ ಗಳನ್ನು ಮತ್ತು ಪಿಕ್ಚರ್ ಮೆಸೇಜ್ ಗಳನ್ನು ಕಳಿಸಬಹುದು ಮತ್ತು ಆ ಮೆಸೇಜ್ ಗಳಿಗೆ ಟೈಮರ್ ಗಳನ್ನು ಸೆಟ್ ಮಾಡಬಹುದು. ಆ ನಿರ್ದಿಷ್ಟ ಸಮಯದೊಳಗೆ ಆ ಮೆಸೇಜನ್ನು ನೋಡದಿದ್ದರೆ ಅದು ಸ್ವಯಂ-ನಾಶವಾಗುತ್ತದೆ.

ಆ್ಯಂಡ್ರಾಯ್ಡ್, ಐಓಎಸ್ ಮತ್ತು ಬ್ಲ್ಯಾಕ್ ಬೆರ್ರಿ ಮೊಬೈಲ್ ಗಳಿಗೆ ಲಭ್ಯವಿರುವ ಈ ಆ್ಯಪ್, ಮೆಸೇಜ್ ಎನ್ಕ್ರಿಪ್ಶನ್ ಮತ್ತು ಡಿವೈಸ್ ಪೇರಿಂಗ್ ಸಂಯೋಜಿಸುವ ತಂತ್ರಜ್ಞಾನವನ್ನು ಬಳಸಿಕೊಳ್ಳುತ್ತದೆ.