ಮಲಬಾರ್ ಸಿವೆಟ್ – ಏನಿದು ಕಾಡಿನ ರಹಸ್ಯ!

ಮಲಬಾರ್ ಸಿವೆಟ್ ನಮ್ಮ ಪಶ್ಚಿಮಘಟ್ಟ ಕಾಡಿನಲ್ಲಿ ಇರುವ ಒಂದು ಚಿಕ್ಕ, ಮಸುಕಾಗಿ ಕಾಣುವ ರಾತ್ರಿ ಪ್ರಾಣಿ.

ಇದು ಬೆಕ್ಕಿನಂತೆ ಕಾಣುತ್ತದೆ, ಆದರೆ ಅದರ ದೇಹದ ಮೇಲೆ ಕಪ್ಪು ಚುಕ್ಕೆಗಳು ಮತ್ತು ಪಟ್ಟೆಗಳು ಇರುತ್ತವೆ.

ಇದು ಎಲ್ಲಿ ವಾಸಿಸುತ್ತದೆ?

• ಪಶ್ಚಿಮಘಟ್ಟದ ಕಾಡುಗಳಲ್ಲಿ

• ನದಿತೀರ ಕಾಡುಗಳಲ್ಲಿ

• ಕಾಜು ಮತ್ತು ರಬ್ಬರ್ ತೋಟಗಳಲ್ಲಿ

ಕರ್ನಾಟಕದಿಂದ ತಮಿಳುನಾಡು ತನಕ — ಮೌನವಾಗಿ ಜೀವಿಸುತ್ತದೆ!

ಇದು ಹೇಗೆ ಕಾಣುತ್ತದೆ?

• ಬೂದು ಬಣ್ಣದ ದೇಹ

• ದೊಡ್ಡ ಕಪ್ಪು ಚುಕ್ಕೆಗಳು

• ಪಟ್ಟೆಪಟ್ಟೆಯ ಬಾಲ

• ತೂಕಕ್ಕೆ 8 ಕೆ.ಜಿ ವರೆಗೆ!

ನೋಡುತ್ತಿದ್ದರೆ ಬೆಕ್ಕಿನ ಸೂಪರ್‌ಹೀರೋ ಹಾಗೆ ಕಾಣುತ್ತದೆ!

ಇದು ಕಾಡಿನ ರಹಸ್ಯ ಏಕೆ?

ಬಹಳ ವರ್ಷಗಳ ಹಿಂದೆ ಕಾಡು ಕಡಿದ ಕಾರಣ, ಜನರು ಮಲಬಾರ್ ಸಿವೆಟ್ ನಾಶವಾಗಿದೆ ಎಂದು ಭಾವಿಸಿದರು.

ಆದರೆ… 1987ರಲ್ಲಿ ಕೆಲವರು ಅದರ ಚರ್ಮ ಕಂಡುಹಿಡಿದರು!

ಎಲ್ಲರೂ ಆಶ್ಚರ್ಯ — “ಅಯ್ಯೋ! ಇದು ಇನ್ನೂ ಇದೆ!” ಎಂದರು.

ಲಾಕ್‌ಡೌನ್‌ನಲ್ಲಿ ಏನಾಯಿತು?

ಲಾಕ್‌ಡೌನ್‌ನ ಸಮಯದಲ್ಲಿ ರಸ್ತೆಯಲ್ಲಿ ಒಬ್ಬರು ಸಿವೆಟ್ ಪ್ರಾಣಿಯನ್ನು ಕಂಡು ವಿಡಿಯೋ ಹಾಕಿದರು.

ಎಲ್ಲರೂ “ಮಲಬಾರ್ ಸಿವೆಟ್!” ಎಂದು ಕೂಗಿದರು.

ಆದರೆ ವಿಜ್ಞಾನಿಗಳು ಹೇಳಿದರು —

ಅದು ಮಲಬಾರ್ ಸಿವೆಟ್ ಅಲ್ಲ,

ಅದು “ಸ್ಮಾಲ್ ಇಂಡಿಯನ್ ಸಿವೆಟ್”.

ಏಕೆ ಅಪಾಯದಲ್ಲಿದೆ?

• ಕಾಡು ಕಡಿತ

• ಬೇಟೆ

• ಸಿವೆಟ್‌ನ ಸುಗಂಧದ್ರವ (civetone) ತೆಗೆದುಕೊಳ್ಳಲು ಹಿಡಿಯುವುದು

ಹೀಗಾಗಿ ಇದು IUCN ಪ್ರಕಾರ “ಅತಿಹೆಚ್ಚು ಅಪಾಯದಲ್ಲಿರುವ” ಪ್ರಾಣಿ.

ನಾವು ಏನು ಮಾಡಬೇಕು?

• ಇನ್ನೂ ಹೆಚ್ಚು ಮರಗಳನ್ನ ನೆಡಬೇಕು

• ಕಾಡಿನಲ್ಲಿ ಪ್ರಾಣಿಗಳನ್ನು ಬೇಟೆಯಾಡಲು ಬಿಡಬಾರದು

• ಸಿವೆಟ್ ಪ್ರಾಣಿಗಳನ್ನು ಹಿಡಿಯಬಾರದು

• ಪ್ರಕೃತಿಯನ್ನು ಕಾಪಾಡಬೇಕು

ಒಂದೇ ಸಾಲಿನಲ್ಲಿ ಹೇಳುವುದಾದರೆ, “ಪ್ರಕೃತಿ ಮಾತನಾಡುವುದಿಲ್ಲ… ಆದರೂ ಅದರ ಪರವಾಗಿ ನಾವು ಮಾತನಾಡಬೇಕು!”

ಮಾಹಿತಿ: ಅದ್ವಿಕ್ ಕಬ್ಬೂರ್, 7 ನೇ ತರಗತಿ, ಹುಬ್ಬಳ್ಳಿ

ಅದ್ವಿಕ್ ಕಬ್ಬೂರ್, ವಯಸ್ಸು 13 ವರ್ಷ. ವನ್ಯಜೀವಿ ಉತ್ಸಾಹಿ ಮತ್ತು ಬಾಲ್ಯದಿಂದಲೂ ವನ್ಯಜೀವಿಗಳ ಬಗ್ಗೆ ತುಂಬಾ ಒಲವು ಹೊಂದಿದ್ದಾರೆ. ಜನರಲ್ಲಿ ಜಾಗೃತಿ ಅಗತ್ಯವಿರುವ ಅನೇಕ ಅಳಿವಿನಂಚಿನಲ್ಲಿರುವ ಮತ್ತು ತೀವ್ರವಾಗಿ ಅಳಿವಿನಂಚಿನಲ್ಲಿರುವ ಪ್ರಾಣಿಗಳಿವೆ. ಅಳಿವಿನ ಅಂಚಿನಲ್ಲಿರುವ ಪ್ರಭೇದಗಳನ್ನು ಉಳಿಸುವಲ್ಲಿ ಈ ಲೇಖನವು ಸಣ್ಣ ಕೊಡುಗೆಯಾಗಿದೆ.